Morgunblaðið - 02.07.2005, Blaðsíða 2

2 LAUGARDAGUR 2. JÚLÍ 2005
MORGUNBLAÐIÐ
FRÉTTIR
Fyrsti kjarasamningur
sjúkraliða án verkfalls
„ÞAÐ er afar ánægjulegt að þetta skuli loksins
vera í höfn,“ segir Kristín Á. Guðmundsdóttir,
formaður Sjúkraliðafélags íslands (SLFÍ), um
kjarasamning félagsins við ríkið sem undirritaður
var sl. fimmtudag. Samningurinn gildir frá og
með 1. júní sl. og gildir til aprílloka árið 2008.
„Núna eigum við hins vegar eftir að semja við
Launanefnd sveitarfélaga, Reykjavíkurborg og
sjáIfseignarstofnanir,“ segir Kristín og bendir á
að í gegnum tíðina hafi yfirleitt verið samið við
alla fjóra aðila á sama tíma. „Sem hefur fyrst og
fremst helgast af því að við höfum þá verið í verk-
falli gagnvart öllum aðilum samtímis. Þar af leið-
andi höfum við verið að landa þeim samningum
alltaf samtímis. Þetta er hins vegar í fyrsta skipt-
ið sem við erum að landa samningi án verkfalls,"
segir Kristín og telur líklegt, samkvæmt reynsl-
unni, að hinir aðilarnir þrír horfi til samningsins
við ríkið.
Að sögn Kristínar felur samningurinn við ríkið
í sér verulegar kjarabætur fyrir sjúkraliða, aukn-
ar tryggingar vegna slysa og örorku, hækkun á
framlagi ríkisins til fjölskyldu og styrktarsjóðs og
aukin framlög til endur- og símenntunar og
hækkun á orlofs- og persónuuppbót. „Hvað
kjarabætur varðar þá eru þær á svipuðum nótum
og aðrir hafa verið að semja um. Einnig má sem
dæmi nefna að orlofsuppbótin hækkar úr í kring-
um tíu þúsund kr. í 21.800 kr. árið 2005 og upp í
23.600 kr. árið 2008. Sama á við um desem-
beruppbótina sem hækkar líka. Helsta breytingin
í nýjum kjarasamningi felst þó í því að frá og með
1. maí 2006 fórum við inn í nýtt launakerfi. Um er
að ræða nýja launatöflu hliðstæða töflu BHM,“
segir Kristin og bendir á að sú breyting feli í sér
að endurskoða þurfi stofnanasamningana fyrir
þann tíma og raða inn í þá töflu. „Þannig að það
er mikil vinna framundan við allar þessar stofn-
anir,“ segir Kristín.
Þess má geta að samningurinn verður kynntur
á almennum fundi fyrir sjúkraliða í Reykjavík og
nágrenni nk. mánudag kl. 16 á Grettisgötu 89,
auk þess sem kynning verður út um allt land á
þriðjudags- og miðvikudagskvöld með aðstoð
fjarfundabúnaðar.
Morgunblaðið/Steinunn Ásmundsdóttir
Klæðning Kárahnjúkastíflu hafin
Yfirlit
ÁKÆRT í BAUGSMÁLI
Ríkislögreglustjórinn hefur gefið
út ákæru á hendur sex ein-
staklingum, þ. á m. núverandi og
fyrrverandi forstjórum Baugs,
vegna ætlaðra brota gegn almenn-
ingshlutafélaginu Baugi Group hf.
Ákæran er í fjörutíu liðum en hún
verður þingfest í Héraðsdómi
Reykjavíkur 17. ágúst næstkom-
andi.
Sjöttu flugvélinni bætt við
Forsvarsmenn Landsflugs og
City Star kynntu í gær nýja Dornier
328 flugvél í flugskýli sínu við
Reykjavíkurflugvöll. Er þetta önnur
Dornier 328 vélin sem bætist í flug-
flota Landsflugs, en vélin bætist í
hóp fimm annarra véla sem félagið á
og notar í bæði áætlunarflugi og
leiguflugi bæði hér og erlendis. Nýja
vélin er smíðuð í Þýskalandi, tekur
32 í sæti og þykir afar tæknivædd að
sögn forsvarsmanna fyrirtækisins.
Lét fella stjórn sína
Þýska þingið felldi í gær tillögu
Gerhards Schröders kanslara um
traustsyfirlýsingu við ríkisstjóm
sína. Schröder vildi að tillagan yrði
felld svo hægt yrði að rjúfa þing og
boða til kosninga og hafði beðið eigin
flokksmenn að sitja hjá við atkvæða-
greiðsluna. I kjölfar hennar bað
kanslarinn Horst Köhler, forseta
landsins, um að boða til kosninga ári
fyrir tilsettan tíma og er gert ráð
fyrir að samþykki forsetinn beiðnina
verði þær haldnar 18. september.
Sandra O’Connor hættir
Sandra Day O’Connor, sem árið
1981 varð fyrst kvenna til að vera
skipuð dómari við hæstarétt Banda-
ríkjanna, tilkynnti í gær að hún
hygðist setjast í helgan stein. Þetta
er í fyrsta sinn í ellefu ár sem emb-
ætti dómara við réttinn losnar og má
búast við hörðum pólitískum átökum
um hver verði skipaður í hennar
stað. stað.
í dag
Fréttaskýring 8 Umræðan 34/36
Úr verinu 11 Minningar 38/40
Viðskipti 14 Kirkjustarf 42
Erlent 18/19 Myndasögur 44
Landið 26 Víkverji 44
Akureyri 25 Dagbók 44/47
Suðurnes 25 Velvakandi 45
Árborg 26 Staður og stund 46
Menning 30/31 Bíó 50/53
Daglegt líf 27 Ljósvakamiðlar 54
Forystugrein 28 Staksteinar 55
Ferðalög 36 Veður 55
* * *
Gengisskráning 1. júlí 2005 Heimild: Seðlabanki íslands Kaup Sala Gengi
Dollari 64,94 65,24 65,09
Sterlingspund 115,62 116,18 115,90
Kanadadollari 52,78 53,08 52,93
Dönsk króna 10,520 10,582 10,551
Norsk króna 9,960 10,018 9,989
Sænsk króna 8,270 8,318 8,294
Svissn. franki 50,56 50,84 50,70
Japanskt jen 0,5850 0,5884 0,5867
SDR 94,50 95,06 94,78
Evra 78,42 78,86 78,64
Gengisvísitala 110,1805
Tollgengi miðast við kaup og sölugengi 28. hvers mánaðar - www.sedlabanki.is
NÝVERIÐ hófu starfsmenn Imp-
regilo að steypa klæðningu á vatns-
hlið stíflunnar við Kárahnjúka.
Notað er sérstakt rafknúið skrið-
mót til að draga steypu utan á fyll-
inguna og eru steyptir 15 metra
breiðir flekar í hverri færslu. Verk-
ið er unnið í áföngum eftir því sem
vinnu við stíflufyllinguna miðar
fram. Steypukápan sem lögð er á
vatnshlið stíflunnar er rækilega
járnbent og verður 30 sentímetra
þykk steypuklæðning efst og
þykknar hún eftir því sem neðar
dregur og verður 60-70 sentímetra
þykk við botninn. Ráðgert er að
ljúka uppfyllingu og að steypa
klæðningu innan á stífluna sumarið
2006 en miðað er við að hefja vatns-
söfnun í uppistöðulónið í byijun
september á næsta ári.
Litháar grunaðir um
smygl á 4 kg af fíkniefnum
Sæta
gæsluvarð-
haldi til 1.
september
HÉRAÐSDÓMUR Austurlands úr-
skurðaði í gær Litháana tvo, sem
handteknir voru á Seyðisfirði á
fimmtudag, vegna stórfellds fíkni-
efnamáls, í gæsluvarðhald til 1.
september að kröfu sýslumannsins
á Seyðisfirði. Mennirnir eru á þrí-
tugs- og sextugsaldri. Annar úr-
skurðurinn hafði verið kærður til
Hæstaréttar um miðjan dag í gær.
Sakarefnið varðar smygl á 4 kíló-
um af hvítum fíkniefnum í bíl þeirra
í ferjunni Norrænu. Helgi Jensson,
fulltrúi sýslumannsins á Seyðisfirði,
segir að gæsluvarðhaldskrafa til
svo langs tíma skýrist af því mikla
magni eiturlyfja sem fannst falið í
bita undir bílnum.
Komu um borð í Noregi
eða Danmörku
Mennirnir tveir eru ekki skyldir
en talið er að þeir hafi komið í ferj-
una annaðhvort í Noregi eða Dan-
mörku.
Flest bendir til að annaðhvort
um amfetamín eða kókaín sé að
ræða en nákvæm rannsókn á efn-
unum hefur ekki farið fram og
verða þau rannsökuð frekar í
Reykjavíkur.
Héraðsdómur Reykjaness fellir úr gildi úrskurð óbyggðanefndar
V atnaj ökulsþj ó ðgar ður stækkar
HÉRAÐSDÓMUR Reykjaness hefur fellt úr gildi
úrskurð óbyggðaneftidar varðandi mörk þjóð-
lendu og eignarlands jarðarinnar Fells í Suð-
ursveit í Hornafirði. Varð dómurinn þannig við
meginkröfum íslenska ríkisins, sem stefhdi land-
eigendum; sameigendafélagi Fells og Einari Bimi
Einarssyni.
Komst dómurinn að þeirri niðurstöðu, að jaðar
Breiðamerkuijökuls, eins og hann er á hveijum
tíma, skuli ráða mörkum eignarlands Fells sunn-
an hans ogþjóðlendu á milli vestur- og aust-
urmarka jarðarinnar. Óbyggðanefnd hefur til
þessa staðsett jaðar jökla eins og þeir vom við
setningu þjóðlendulaganna í júlí árið 1998.
Dómurinn hefúr þá þýðingu að Jökulsárlón
telst áfram vera innan eignarlands Fells og því í
einkaeign, en hálendið og þar með jökullinn telst
þjóðlenda. Með því að breyta viðmiðun jökuljað-
arsins stækkar einnig fyrirhugaður Vatnajök-
ulsþjóðgarður. Eigendur jarðarinnar Fells íhuga
nú að áfrýja dómi héraðsdóms til Hæstaréttar.
Fram kemur m.a. í dómnum, að úr því hafi ekki
verið leyst í lögum eða dómum hvort og þá hvem-
Morgunblaðið/RAX
ig landamerki breytist þegar jökull hverfur af
svæði sem hann hefur áður hulið. í þessu tiltekna
máli hafi dómurinn engar forsendur við að styðj-
ast til að ákvarða legu jökuljaðarsins árið 1922.
f héraðsdómi segir m.a.: „Andstætt því sem á er
byggt af hálfu óbyggðanefndar fær dómurinn
ekki séð að því verði fúndin stoð í lögum nr. 58/
1998 að gildistaka laganna marki þau skil að því
er varðar réttindi yfir landi við jökul sem gengið
er út frá í úrskurði nefndarinnar. Hefði í öllu falli
verið nauðsynlegt að kveðið yrði með skýmm
hætti á um það ef þjóðlendulögum hefði verið ætl-
að að hafa þessi réttaráhrif í för með sér og þá
ekki hvað síst með tilliti þeirrar réttarvemdar
sem eignarréttindum em veitt í 72. gr. stjórn-
arskrár."
Ræðst af náttúrulegum aðstæðum
Er að mati héraðsdóms nærtækast að við úr-
lausn þessa álitaefnis verði litið til þeirrar grunn-
reglu sem hafi verið talin gilda hér á landi varð-
andi breytingu á fjöru og landauka sem þar verði
til, enda sé ekki sýnt fram á að hluti jökuls sé inn-
an eignarlands. Landamerki færist þannig til í
samræmi við færslu jökuljaðarsins og ráðist með
því af skýmm náttúrulegum aðstæðum.
Héraðsdómari í málinu var Þorgeir Ingi Njáls-
son. Lögmaður fslenska ríkisins var Ólafúr Sig-
urgeirsson hrl. en verjandi landeigenda Reynir
Karlsson hrl. Málskostnaður var felldur niður og
allur gjafsóknarkostnaður landeigenda greiðist
úr ríkissjóði, þ.m.t. þóknun lögmanns upp á eina
milljón króna
■ Meira á mbl.is/ítarefni
Morqunblaðid Kringlunni 1,103 Reykjavík. Síml 5691100 Innlendar Iréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Dagiegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Skarphéðinn Guðmundsson, skarpi@mbl.is Umrœðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttlr, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbék|Klrkju-
starf Ellý H. Gunnarsdóttir, elly@mbl.is (þróttir sport@mbl.is Sigmundur Ó. Steinarsson, fréttastjóri, sos@mbl.is ÚtvarpjSjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is