Goðasteinn - 01.03.1967, Blaðsíða 8

■eftir helgina" séu viðbót afritara, því þess er áður getið, að þeim
bræðrum var þegar heitið griðum og engin ástæða hefir verið fyrir
Kirkjubæjarmenn að þykjast vilja rjúfa þau heit.
í lok 13. kafla er setning, sem á heima í n. kafla, en afritari hefir
misst úr og bætt þarna inn: „Þeir Þorsteinn fluttu heim lík þeirra
•bræðra með kennimönnum". Enginn vafi er á, að þarna er átt
við Þorstein Skeggjason og Klæng en ekki Þorstein hrakauga og
vinnumenn Ögmundar, enda höfðu þeir annað fyrir stafni.
Þegar þau atriði, sem hér hafa verið nefnd, eru athuguð, virðist
mér, að álykta megi:
Höfundur hefir að líkindum verið vestan Mýrdaissands, þegar
sagan er skráð.
Hann hefir verið í Kirkjubæ, þegar Steinunn Jónsdóttir andaðist,
og líkur til, að hann hafi verið nákominn henni.
Hann var með Ormssonum í þeirra síðustu ferð og sér, þegar
þeir eru drepnir.
Og af heildaráhrifum sögunnar má helzt ráða, að höfundur hafi
verið vandabundinn bæði Svínfellingum og Kirkjubæjarmönnum.
Nú veit ég ekki, hvort þeir Skeggjasynir dvöldu í elli sinni vestan
Mýrdalssands, en þar sem þeir voru fæddir í Skógum undir Eyja-
fjöllum, er það samt trúlegt. Þeir voru systursynir Steinunnar í
Kirkjubæ og því líklegt, að þeir hafi dvalið þar eitthvað og verið
vel kunnugir dagfari Ögmundar. Er sízt fyrir að synja, að þeir hafi
verið í Kirkjubæ, þegar Steinunn dó. Þeir voru með Ormssonum í
þeirra síðustu ferð og sjá, þegar þeir eru drepnir. Þeir eru náskyldir
Ormssonum, því faðir þeirra, Skeggi í Skógum, var bróðir Álfheið-
ar í Svínafelli, konu Orms, en kona Skeggja var systir Orms í
Svínafelli. Þegar þessi ættartengsl eru athuguð, verður skiljanlegt,
að þeim Skeggjasonum hafi tekið sárt til Svínfellinga og Kirkju-
bæjarmanna.
En hvor þeirra mundi hafa ritað söguna? Sérstaðan í lýsingunni
á Þorsteini virðist mér benda á, að einmitt hann sé höfundurinn,
enda er hans meira getið í sögunni og athugasemdir hafðar eftir
honum en ekki eftir Klængi.
Prófessor Einar Ól. Sveinsson hefir fært að því líkur, að Þor-
steinn Skeggjason hafi ritað Njálu. Engum blöðum er um það að
ó
Goðasteinn