Goðasteinn - 01.03.1967, Blaðsíða 83

fara ekki í taugar manns“, en skrifa og skrafa um það, sem við af
eldri kynslóðinni könnumst vel við; eru sannir aldamótamenn, þ. e.:
höfðu flestir tekið út þroska sinn um síðustu aldamót.
Tvær eru þær greinar í síðasta Goðasteini, sem ég vildi minnast
á: Fyrsta kaupstaðarferð Steinþórs á Hala og Brúargerðin á Rangá,
eftir Stefán í Hlíð. Steinþór er svo einstakur snillingur að segja frá,
hvort heldur er í rituðu eða mæltu máli í viðtalsformi. Grein
Stcfáns, sem líka segist vel, ýtti ofurlítið við mér. Ég var nefnilega
„einn af köppum kóngs“ við Rangárbrúargerð og hefði gjarnan
viljað fá meira að heyra.
Já, hafi þeir allir þökk, sem lagt hafa Goðasteini lið og skrifað í
hann ýmsan fróðleik. Ég bíð hans jafnan með eftirvæntingu og les
hann í einni lotu, er hann kemur í mínar hendur, og það oftar en
einu sinni. Goðasteinn er orðinn í mínum augum eins og gamall
„austansveita“ kunningi, sem kemur færandi hendi tvisvar á ári“.
Goðasteinn er hálffeiminn við að birta þessa ágætu kveðju frá
góðvini, en lof í garð góðra liðsmanna skal þó sízt sett undir mæli-
ker. Ritið sendir hinum aldraða heiðursmanni, Guðlaugi E. Einars-
syni á Sólvangi í Hafnarfirði beztu óskir og þakkir. Ýmislegt gott
hefur hrotið að því úr handraða hans, eins og þetta hefti ber m. a.
vott um.
Björn Signrbjarnarson fyrrv. bankagjaldkeri og œttfrædingur á
Selfossi sendir eftirfarandi ættfræðiréttingar:
„I Goðasteini 1966, fyrra hefti, bls. 19, er þáttur um Einar Ingi-
mundarson í Kallaðarnesi. Þar segir: „Hann (þ.e. Ófeigur) var
tvígiftur. Með fyrri konu sinni, Ingunni Eiríksdóttur, átti hann 8
dætur“. Þetta er rangt. Við Yngunni gat Ófeigur 12 börn, 10 dætur
og 2 soni;. Guðrún Ófeigsdóttir 2. með því nafni, dó 3ja vikna og
Sigríður eldri gift en dó barnlaus. Niðjar Ófeigs ríka verða því
taldir frá 8 dætrum hans og 2 sonum. Þar sem getið var s.k. Ófeigs,
Kristínar Ólafsdóttur, var rétt að taka fram, að þeim varð eigi
barna auðið.
1 seinna hefti Goðasteins 1966 er athugasemd Jóns í Fjalli. Þar
segir Jón, að dætur Ófeigs hafi verið 9 og „eftir því, sem ég bezt
veit, eru ættir komnar frá þeim ölllum“. Þetta er ekki rétt. Niðjar
verða eigi taldir frá fleirum en 8 dætrum Ófeigs. Sjá hér áður. Enn
Goðasteinn
81