Goðasteinn - 01.03.1967, Blaðsíða 82

Raddir lesenda
Guðlaugur E. Emarsson frá Arnkötlustöðum í Holtum sendir
þessa kveðju:
„Ég verð að játa, að þegar Þórður vinur minn í Skógum sagði
mér af þeirri ætlan þeirra Skógamanna, að þeir hygðust gefa út
tímarit, þá leizt mér ckki mikið á það fyrirtæki. En hvað er það,
sem ekki lánast, ef stcrkur og einbeittur vilji er fyrir hendi, en
eigingirni og sérhagsmunir koma hvergi nærri, heldur þvert á móti
lögð alúð og ósérplægni við starfið.
Þannig cr um útgefendur Goðasteins. Þeir hugsa áreiðanlega ekki
um að auðgast af ,,Goðanum“, og því er hann nú orðinn fimm ára,
að hann á þjóðholla feður.
Goðasteinn virðist hafa orðið mjög vinsæll og nýtur stuðnings
þjóðkunnra Islendinga. Mér er sem ég sjái þá saman komna í snotru
samkomuhúsi, eða bara í rúmgóðri baðstofu, og segja þar hvern
sína sögu: Steinþór á Hala, Stefán í Hlíð, Kristján í Einholti, Jón
á Lækjarbotnum, Odd á Heiði og Helga Hannesson á Strönd, svo
ég aðeins nefni nokkra, sem rita í síðasta hefti Goðans. Og þó ég
ekki nefni nöfn menntuðu mannanna, sem prýða blöð Goðasteins,
þá er það ekki af því ég sjái þau ekki, þvert á móti. Það er mikill
sómi fyrir Goðann að skarta með nöfnum t. d. dr. Richard Beck,
dr. Sigurðar Nordal o. fl. o. fl.
Þótt ég þekki fæsta þessa menn, sem rita í Goðastein, þá verða
þeir fljótt góðir kunningjar, er ég hef lesið eitthvað cftir þá. „Þeir
So
Goðasteinn