Goðasteinn - 01.03.1967, Blaðsíða 22
valdsdóttur frá Stóra-Kroppi í Borgarfirði. Þorvaldur faðir hennar
hafði verið orðlagður söngmaður eins og Jón bróðir hans í Deild-
artungu. Þorvaldur var forsöngvari í Reykholtskirkju. Einu sinni
hafði hann sagt við Jón bróður sinn: „Nú skulum við syngja hátt
í dag, bróðir, það er margt utansóknar“. Jón svaraði: „Allt með
gát, bróðir“.
Eggert afi minn var sonur Jóns Sæmundssonar og Margrétar
dóttur séra Jóns Grímssonar, sem var síðasti prestur á Húsafelli.
Hálfbræður afa voru Sæmundur á Minni-Vatnsleysu, Auðunn og
Jóel. Afi var að sögn góður raddmaður, heyrn hans var viðbrugðið,
og svo var hann léttur á fæti, að sumir kölluðu hann „léttfeta“.
Pabbi flutti austur í Árnessýslu hátt á þrítugsaldri. Hann var svo
mikið sjóveikur, og það fældi hann frá sjónum. Hann var fjörmikill
og glaðsinna og þó prúðmenni, ákaflega vel verki farinn. Hann var
cftirsóttur vegghleðslumaður og vefari. Um þrjátíu ára skeið vann
hann cingöngu við vefnað á vetrum, enda nefndur Jóhannes vefari.
Tók hann vefjarefni ýmist heim til sín eða fór bæ frá bæ til að
vinna að vefnaði, um Gnúpverjahrepp, Skeið og Landsveit. Helztu
vefnaðargerðirnar, sem hann óf, voru einskefta, vaðmál, veipa, vor-
meldúkur og salún. Á þeim árum var salúnið að útrýma
gömlu brekánunum með röndum og tenningum. Það voru aðallega
t/ö salúnsmunstur, sem pabbi óf í teppi sín, H og Ó munstrið, sem
svo var nefnt, og Hlíðarmunstrið, sem Ragnhildur Einarsdóttir í
Hlíð fann upp. Það var tíglamunstur og randir á milli tíglanna.
Pabbi var ákaflega vandvirkur, og það fór svo vel í vefstað hjá
honurn. Af einlitri tvisteinskeftu óf hann hæglega io álnir á dag.
Vcrk hans komu í góðar þarfir, flest, sem heimilin þurftu að nota
til klæðnaðar og rúmfata, var þá ofið og unnið heima.
Pabbi hafði björt sönghljóð og mikið raddsvið. Tónheyrn hans
var örugg (absoiute). Ég prófaði hann æði oft með því að spila
hálftón ofar eða neðar, og hann sagði alltaf til óséð. Það var alveg
óhætt að taka undir á crgelið í miðju versi, þegar pabbi var að
syngja. Hann var oft forsöngvari í kirkjum fyrr á árum.
Pabbi dó 3. júlí 1926.
Mamma hét Margrét Jónsdóttir og var fædd 14. febrúar 1864.
Foreldrar hennar voru Jón Magnússon í Miðfelli í Hrunamanna-
20
Goðasteinn