Goðasteinn - 01.03.1967, Blaðsíða 54
Endurgjaldslaust öllum
ætíð veittir beina,
allt með gleði gafstu,
geymdir trúna hreina.
Það er von mín, vinur,
viljans orku bundin,
enn þá aukast megi
ævi þinnar stundin.
Fyrir handan hafið,
í heimi vona þinna,
liggur gull þitt grafið,
gullið trúarinnar.
Lif þú heill í heimi,
hcill á meðal vina.
Láttu enn þá lengi
lifa manndyggðina.
Mikli merkisberi
manndóms dýpstu inna,
ætíð mun ég minnast
manndómsverka þinna,
meðan ljós á leiðir
lífs míns gjörir skína,
meðan sól og sumar
sálu gleður mína.
☆ ☆ ☆
Árni Jónsson bóndi í Pctursey í Mýrdal (d. 1937), var hinn mesti
mætismaður, víðkunnur fyrir gestrisni og höfðingslund. Kona hans,
Þórunn Sigurðardóttir, var honum samhuga í góðum verkum. Ólafur
Jónsscn bóndi á Leirum undir Eyjafjöllum kom hrakinn til Árna í
Pétursey og var fagnað sem í foreldrahúsum. Fékk hann nokkru
síðar frænda sinn og fósturson, Halldór Jón Guðmundsson forn-
bóksala í Reykjavík, til að yrkja Árna kvæði að fornum sið.
■52
Goðasteinn