Goðasteinn - 01.09.1968, Side 25

jón R. Hjálmarssort:
Gengið á
Eyjafjalla-
jökul
Höfundur á Goðasteini.
Eyjafjallajökull er tvímælalaust eitt fegursta og svipmesta fjall
á landi hér og þótt víðar væri leitað. Oft hefur það hvarflað
að mér á liðnum árum, að gaman væri að klífa á tind hans, en
lengi vel varð ekki af því. Svo var það síðsumars 1968, að hug-
myndin sótti á mig með nýjum þrótti. Þriðjudagurinn 6. ágúst
rann upp bjartur og fagur. Mér varð litið til jökulsins, þar sem
hann kinkaði hvítum kolli í skýlausum himinbláma yfir græna
heiðarbrúnina ofan Skóga. Þetta virtist kjörinn dagur til jökul-
göngu.
En ekki er ráðlegt að ganga einsamall á reginfjöll. Því hitti
ég að máli vin minn og nágranna Þórð Tómasson og leitaði eftir
samfylgd hans. Hann hafði störfum að gegna í Byggðasafni, en
var sama sinnis og ég, að fróðlegt og skemmtilegt mundi vera
að ganga á Goðastein á þessum degi. Var því svo um samið,
að systur hans, Guðrún og Þóra önnuðust safnvörzlu eftir há-
degi, en hann gengi með mér upp í hið hvíta ríki jökulsins.
Við ókum að Seljavöllum, því að þaðan er talin skemmst og
Goðasteinn
23