Goðasteinn - 01.09.1968, Page 32

var þæfingsófærð, því að skelin brotnaði undan okkur, en svo
fór hún að halda, og þá markaði varla fyrir spori. Loftið var
farið að þynnast, svo að við mæddumst fljótt, enda vorum við
þá komnir 4-5 þúsund fet yfir sjó. Við gengum í hægðum okk-
ar upp eftir og námum staðar við og við, til þess að horfa á
þau imdur, sem fyrir okkur bar.
Láglendið undir Eyjafjöllum lá eins og útbreitt landbréf undir
fótum okkar. Árnar kvísluðust milli grænna hólma og grárra
sanda, breiddu úr sér við ósana og börðust loks við brimgarð-
inn. Fram undan söndunum lágu Vestmannaeyjar eins og dá-
lítill herskipafloti. Höfnin á Heimaey skein eins og gullnisti í
klettaumgerðinni. Austur með öllu sáum við flata, brimkögraða
sandströndina, þar til Dyrhólaey gerði enda á þeirri sýn. Hún
gengur fram við sjóinn austur við Mýrdalinn. Gat er í gegnum
bergið á fremsta odda hennar, og blasti það við okkur ofan af
jöklinum. Yfir Mýrdalinn sáum við allan og jökulbreiðuna norð-
ur af honum, þar sem Kötlugjá sefur undir jökulfargi sínu. í
Mýrdalnum standa háar og brattar eyjar upp úr sandinum, sem
eitt sinn hafa staðið úr sjó eins og Vestmannaeyjar nú. Ein af
þeim eyjum er Hjörleifshöfði. Lengra austur hvarf allt í sorta;
annars hefðum við séð hina hvítu mön Vatnajökuls. Vestur af
var sjónin líka óskýr vegna skýja. Þar var næst okkur tindur-
inn á Heklu og hraunbreiðurnar kringum hana. Einnig Þríhyrn-
ingur. Yfir Rangárvallasýslu og Árnessýslu sáum við allar í einu,
allt vestur að Reykjanesi.
Umhverfis okkur var köld og hrikaleg jökulauðn, eins og uppi
á heiðum um hávetur. Öll auð jörð var eins og land í fjarska.
Skammt frá okkur var Guðnasteinn, eini dökki díllinn á jöklin-
um á þessum stað. Það er berghöfði, sem stendur fram úr jökl-
inum. Snjórinn hrynur fram af honum jafnt og þétt, og stórar
sprungur liggja út frá honum. En það, sem vakti mesta undrun
hjá mér, var hinn geysimikli hafflötur, sem við sáum yfir. Eng-
inn getur gert sér hugmynd um það nema sá, er sjálfur sér, hví-
lík víðátta hafið er, þegar menn líta yfir það frá háum fjöllum.
Það mun láta nærri, að Eyjafjallajökull sé sýnilegur 35 danskar
mílur frá landi. Þá ætti skip að sjást líka í þeirri fjarlægð af
30
Goðasteinn