Goðasteinn - 01.09.1968, Blaðsíða 62

Sigmundur
Þorgilsson
Minning
Sigmundur Þorgilsson, fyrr skólastjóri og bóndi á Ásólfsskála
undir Eyjafjöllum, andaðist að hcimili sínu að Hellu 2. júní sl. og
var kvaddur af miklum mannfjölda við Ásólfsskálakirkju þann 9.
sama mánaðar.
Sigmundur var Daiamaður að ætt og uppruna, fæddur í Knarrar-
höfn í Hvammssveit 30. nóv. 1893, þar sem foreldrar hans bjuggu
þá, Þorgils Friðriksson og Halldóra Sigmundsdóttir. Voru börn
þeirra mörg og mönnuðust öll með ágætum. Sigmundur varð gagn-
fræðingur frá Menntaskóla Reykjavíkur 1912 og stundaði síðan
nám þar um einn vetur í stúdentsdeild. Skólanám hans varð ekki
meira en sjálfsnám rækt ævina út.
Sigmundur starfaði við kennslu vestur í Dölum og í Reykjavík
um nokkur ár, en árið 1920 flutti hann austur undir Eyjafjöll og
varð þar kennari og skólastjóri. Gegndi hann þeim störfum til
1958. Unglingakennslu hélt hann uppi um langt árabil. Sigmundur
giftist 1939 Björgu Jónsdóttur, er þá bjó á Brúnum undir Eyjafjöll-
um eftir fyrri mann sinn, Sigurð Vigfússon. Fluttu þau ári síðar
að Ásóifsskála, þar sem þau bjuggu til 1964, en áttu síðan heima
á Hellu. Heimili þeirra hjóna laðaði gesti, frábært að gestrisni, jafnt
í veitingum, viðræðum og allri alúð.
60
Goðasteinn