Stjörnur - 01.06.1948, Page 24

Ungverski sveitadrengurinn, sem hlaut enska
lávarðstign, en fann aldrei hamingjuna.
Ævintýrið um Alexander Korda
SAGAN UM sir Alexander Korda
er eitt af ævintýrum veruleikans. Við
ihverfum fjörutíu ár aftur í tímann.
Vindarnir æða um hinar víðlendu
ungversku gresjur, lei'ka sér við
sölnað grasið og stráin frá haustinu
áður, skella á brjóstum hestanna, er
ganga fyrdr herfinu sem ristir svörð-
inn, kasta fullum Ihnefa í rauðþrút-
in augu fjórtán ára drengs, sem græt-
ur lítinn föður sinn. Hvað varðar
vindana um það þótt fjöls'kyldufað-
ir, bóndakarl hafi hnigið fyrir aldur
fram.
Þetta er árið 1907, þá er Alex
litli aðeins fjórtán ára gamall, elstur
þriggja bræðra, fyrirvinna heimilis-
ins eftir fráfall föður síns.
Nokkru síðar hefur hann tekið
að sér kennslu í sveitaþorpinu. Með
óskiljanlegum hætti hafði hann afl-
að sér kunnáttu í lestri, skrift og
reikningi, og bæ'kur, sem hann náði
sér í opnuðu honum nýja heima.
Upphaflega var hann ek’ki miklu
mentaðri en börnin, sem hann var
ráðin til að kenna. En það voru
ekki gerðar miklar kröfur til þeirra,
sem sögðu til börnum, og hann
þurfti með einhverjum hætti að
vinna fyrir ómegðinmi.
En þegar yngri bræður hans voru
komnir það á legg, að þeir gátu séð
um sig sjálfir — og þá voru þeir
ekki gamlir — sagði Alex skilið við
barnaskólann sinn og kvaddi sveit-
ina.
Leiðin lá ti’l höfuðborgar Ung-
verjalands Budapest. Þar var allt á
boðstólum, sem hugurinn girntist:
auðævi, fallegar stúlkur, vín, söng-
ur og ævintýri. Þar var lí'ká happ-
drættið mikla. Fyrir nokkra aura
var hægt að kaupa sér miða, sem
var ávísun á ógrynni fjár. Væri
manni fyrirhugað hamingja og auð-
ur, var hér aðeins um það að ræða,
að rétta út hendurnar. Sumir lágu
í fleti sínu andvaka um nætur eftir
erfiði þungra daga og dreymdi um
gamla frænku eða frænda í Ame-
ríku, sem bráðum hlyti að fara að
kveðja þennan heim og myndi skilja
eftir sig mikla ’fj’ármuni. Vissulega
dreymdi hinn unga sveitadreng
mikla drauma, en brátt skildist hon-
um, að þeir myndu ek'ki rætast án
fyrifhafnar af hans hálfu sjálfs.
24 STJÖRNUR