Upp í vindinn - 01.05.2011, Side 22

Trausci Einarsson prófessor og eðlisfræðingur með nemendum. Scandandi frá vinscri: Sveinbjörn Björnsson
(fyrrv. rekcor Háskóla Islands), Hallgrímur Sandholc (lácinn), Njörður Tryggvason (lácinn).
af sér skugga. Þurfti að lita hann með svörtum
og gráum vatnslitum, og ekki mátti sjá litaskil
í skugganum. Kom fyrir að allt að tíu tilraunir
þurfti til að ná þessu rétt. Þá átti Finnbogi það til
að segja: „hafið þér athugað lögfr&ðina.“ Talið er
að margir góðir lögfræðingar haft komið úr hópi
mislukkaðra verkfræðistúdenta á þessum árum.
Við lukum svo burtfarar- eða fyrrihlutaprófi
eftir þriggja ára nám við deildina og héldum flestir
til Kaupmannahafnar. Verkfræðingar þessara ára
voru því allir meira eða minna lærðir í útlöndum.
Þótt flestir væru danskmenntaðir, fóru margir til
Þýzkalands eins og áður segir, og brátt fóru menn
að halda til annarra landa svo sem Finnlands,
Frakklands, Tékklands og enskumælandi landa.
Margir kvæntust ytra og komu heim sem
fjölskyldumenn. A árshátíð Verkfræðingafélagsins
á þessum árum mátti því heyra ótal tungumál
töluð á dansgólfinu, og íslenzkir verkfræðingar
þóttu miklir heimsborgarar.
Verkfræði- og raunvísindadeild
1969-1985
Upp úr 1960 var farið að huga að menntun
verkfræðinga til lokaprófs í verkfræði við
Háskólann. Nú var farið að leggja meiri
áherzlu á raunvísindagreinar í skólanum.
Eðlisfræðistofnun Háskólans var sett á laggirnar
1958 undir forystu Þorbjörns Sigurbjörnssonar
prófessors. Kennsla í stærðfræði og eðlisfræði til
BS prófs við verkfræðideild hófst með reglugerð
1965. Áður hafði slíkt nám verið vistað í
heimspekideild, en kennarar verkfræðideildar
sinnt því að mestu. Sérstakt hús fyrir rannsóknir
í raunvísindum var byggt á Melunum, og
Raunvísindastofnun Háskólans tók til starfa
1966 og leysti þá Eðlisfræðistofnun af hólmi.
Fyrsta tölva landsmanna, IBM 1620 vélin,
var tekin í notkun og vistuð í stóru herbergi
í kjallara Raunvísindastofnunar. Reiknigeta
hennar var þó sennilega ekki miklu meiri en
góðrar Casio eða Hewlett Packard vasatölvu
nú. Nafni deildarinnar var breytt í verkfræði-
og raunvísindadeild með reglugerð 1969 og
nýjum námsgreinum í jarðfræði, landafræði og
líffræði bætt við. Deildinni var nú skipt niður
í fjórar skorir: stærðfræðiskor, eðlisfræðiskor,
verkfræðiskor og náttúrufræðiskor og kennsla til
BS prófs í náttúruvísindagreinum hafin.
Vorið 1968 ítrekaði verkfræðideild tilmæli sín
til menntamálaráðuneytis um nám til lokaprófs
í verkfræði. Verkfræðingafélagið var haft með
í ráðum og skipaði nefndir verkfræðinga til að
undirbúa kennslu í þremur af fjórum aðalgreinum
verkfræðinnar, byggingar-, véla- og skipaverkfræði
sem og rafmagnsverkfræði. Nefndirnar skiluðu
áliti snemma árs 1970. Féllust yfirvöld á að
verkfræði til lokaprófs yrði kennd við Háskóla
Islands. Námið var skilgreint sem fjögurra ára
nám með 24 vikna verkþjálfun utan skóla. Voru
fyrstu nemendur innritaðir þegar haustið 1970,
og fyrstu alíslenzku verkfræðingarnir útskrifaðir
vorið 1974. Jafnframt var ákveðið að hefja tveggja
ára forkennslu í eðlis- og efnaverkfræði.
Kennurum hinnar nýju deildar fjölgaði ört
næstu árin bæði fastráðnum og stundakennurum.
'dP
Verkfræðistofa
Austurlands
Kaupvangi 5
700 Egilsstaðir
Sími 471 1551
22 ...upp í vindinn