Læknablaðið - 01.11.2023, Blaðsíða 49

L ÆKNABL AÐIÐ 2023/109 533
Af hverju vildir þú verða læknir?
Ég var uppátækjasamur krakki með afsláttarkort á slysa­ og
bráðamóttökunni og mig grunar að áhuginn hafi kviknað þar
þegar mér var lappað saman af umhyggjusömu og skemmti­
legu heilbrigðisstarfsfólki.
Hversu erfitt er að verða doktor á skalanum 1-10? 
Doktorsnámið hefur verið skemmtilegt og það eru forréttindi
að fá tækifæri til að rannsaka efniviðinn en þetta hefur verið
mjög krefjandi. Ég hef unnið að þessu í 8 ár í hlutastarfi sem
frítíma og myndi segja 10 af 10. Á rannsóknarstofunni þurfa
doktorsnemar að vinna allar tilraunir sjálfstætt frá grunni og
verið þolinmæðisvinna að setjast aftur á skólabekk. Það sem
hefur drifið mig áfram er viljinn að klára rannsóknirnar á
sýnum frá íslenskri fjölskyldu sem var viðfangsefnið í tveim­
ur af fjórum verkefnum.
Hvað er framundan í námi og starfi?  
Ég ætla að njóta þess að geta einbeitt mér að því að þróa starf­
semi barnamóttökunnar í Landskrona. Ég kláraði verkefnin í
doktorsnáminu og allar fjórar vísindagreinarnar höfðu verið
birtar fyrir doktorsvörn þannig að vinnunni í hópi prófessors
Diönu Karpman er lokið en framtíðin í rannsóknum er
óráðin.
Hvað yrði þitt fyrsta verk sem heilbrigðisráðherra?
Vinna að því að auðvelda aðgengi að heilbrigðisþjónustu og
bestu fáanlegu meðferðum. Koma á fót ríkisstyrktu styrkja­
kerfi að fyrirmynd Svíþjóðar til að efla rannsóknarstörf heil­
brigðisstarfsfólks. Gera doktorsverkefni frá Háskóla Íslands
aðgengileg í rafrænu formi fyrir áhugasama.
Hvaða bók, þættir, músík, líkamsrækt er best?
Uppáhaldsbókin er Babettes gæstebud eftir Karen Blixen.
Bestu þættirnir eru Fólkið í blokkinni. Besta músík er tónlist
góðra minninga frá menntaskólaárunum. Mér var sendur
slíkur spotify­listi fyrir doktorsvarnarpartíið og nota hann
áfram til að koma mér í gang á morgana. Fjallgöngur, nátt­
úruhlaup, sjóböð og skíði eru mín vítamínsprauta.
Hvað er skemmtilegast að gera þegar þú ert ekki í vinnunni?
„Fredagsmys“ eða kósýkvöld með fjölskyldunni og cava stund
með mömmu eða í góðra vina hópi.
Doktorsvörn frá Háskólanum í Lundi
Sigríður Sunna Aradóttir
Hvað segir nýdoktorinn?
Sigríður Sunna Aradóttir varði doktorsritgerð sína í lækna­
vísindum við læknadeild Háskólans í Lundi þann 13. október
síðastliðinn. Ritgerðin ber heitið: Magnakerfis-miðlaðir nýrna-
sjúkdómar: Arfgerð, svipgerð og rannsóknir á hemjandi meðferð
(Complement­mediated kidney diseases: Genotype, phenotype
and inhibition studies).
Andmælandi var Sally Johnson, sérfræðingur í barnanýrna­
lækningum Háskólasjúkrahúsinu Newcastle. Sally Johnson fer
fyrir nefnd sem stýrir meðhöndlun með magnakerfis­hemlum
í Bretlandi. Í matsnefnd voru dósentarnir Nadine Gretenkort,
Háskólanum Lundi, Maria Rasmussen, Háskólanum Suður­
Danmörku, og Charlotte Dahle, Háskólanum Linköping. Aðal­
leiðbeinandi var prófessor Diana Karpman og meðleiðbeinandi
Zivile Bekassy, dósent, Háskólanum Lundi.
Úr ágripinu
Markmið doktorsverkefnisins var að lýsa sjaldgæfum erfða­
breytileika í magnakerfinu og athuga orsakasamhengi við
magna­kerfismiðlaða nýrnasjúkdóma. Nýtt meðferðarúrræði
var athugað. Niðurstöður doktorsverkefnisins eru eftirfarandi:
• Þrátt fyrir að stökkbreyting í geni leiði til próteins sem valdi
hömlulausri virkjun magnakerfisins og orsakasamband sé
skýrt, þá eru þessar stökkbreytingar áhættuþáttur og samspil
fleiri þátta ákveður þróun sjúkdóms.
• Magnakerfis­hemillinn danicopan hindrar ofvirkni magnakerf­
isins í sermi sjúklinga með faktor B stökkbreytingu.
• Hlutverk „faktor H­related 5“ próteinsins er mögulega að vera
hemill á magnakerfismiðluðu blóðrauðalosi og stökkbreytingar
sem leiða til skorts á FHR­5 eru mögulegur áhættuþáttur fyrir
magna­kerfis miðluðum nýrnasjúkdómum.
Doktorinn
Sigríður Sunna Aradóttir er stúdent af náttúrufræðibraut MR.
Hún stundaði læknanám við Kaupmannahafnarháskóla og
lauk þaðan embættisprófi 2007. Hún lauk sérnámi í barnalækn­
ingum árið 2015 frá Háskólasjúkrahúsinu Skáni í Svíþjóð og
í barnanýrnalækningum árið 2021. Hún býr ásamt sambýlis­
manni og tveimur börnum í Malmö og starfar sem yfirlæknir á
barnasviði á Sjúkrahúsinu í Helsingborg.
Doktorsritgerðin er aðgengileg hér: https://portal.research.
lu.se/sv/persons/sunna­aradottir