Læknablaðið - 01.11.2023, Page 51

L ÆKNABL AÐIÐ 2023/109 535
Krister Blær Jónsson
Dagur í lífi sérnámsgrunnslæknis
Vakna 6:50, teygi mig yfir á náttborðið
og slekk á vekjaraklukkunni. Kveiki á
Rás 1 í sömu hreyfingu, Morgunvaktin.
Snooza fram yfir morgunfréttir og stekk
svo fram úr.
Vigta kaffibaunir, skelli þeim í
kvörnina og mæli vatnið í réttu hlutfalli
(1g:16ml). Set svo nýmalaðar baunirnar
í kaffivélina og kveiki. Örstutt sturta á
meðan kaffið mallar. Drekk morgunboll­
ann og hlusta áfram á útvarpið, kem mér
að lokum fyrir í hægindastól á meðan
kærastan klárar að gera sig til.
Leggjum saman af stað í Fossvoginn
7:40. Ég stekk út og hún heldur áleiðis á
lögmannsstofuna. Tek lyftuna upp á 7.
hæð, mér verður starsýnt út um lyftu­
gluggann og sé stigann hæðast að mér á
meðan ég lyftist upp. „Tek hann kannski
á morgun,” hugsa ég með mér.
Fer í Landspítala­náttfötin, lyflækninga­
hvítur frá toppi til táar (í stíl við kloss­
ana), næli mér í kaffibolla og kem mér
fyrir í Blásölum, klukkan er 8:03. Med­
isín. Fragtflutningaskip Landspítala. Hér
er ég bara kandídat á plani. Kemst að
því hvort að plan dagsins standist, fæ ég
sama teymi og í gær? Jú, heppnin er með
mér í dag.
Labba niður á deild og finn höktandi
sýndartölvu, kynni mér nýju sjúklingana
og allt sem hefur gerst hjá þeim eldri.
Geng stofugang, hringi konsúlt, fæ mér
meira kaffi og panta blóðprufur. Há­
degismatur. Minn uppáhaldstími, hitti
gamla bekkjarfélaga sem eru einnig að
stíga sín fyrstu skref á kandídatsárinu.
Hér deila allir sögum af hinum ýmsu
deildum spítalans. Tölum um rafræn
eyðublöð, áhugaverð tilfelli og mat dags­
ins. Erum ekki byrjuð að stunda ganga­
lækningar. LSH­Bistro fær misjafna
einkunn og er þeim eiginleika gætt að
matreiða kjúklingaleggi úr fjórum mis­
munandi kryddblöndum og nefna alla
réttina eftir framandi löndum.
Klára hádegismatinn, fylli á tómann
kaffibollann og kem mér aftur upp á
deild. Tek stigann núna, vil ekki sjást
of oft í lyftunni. Næst þarf að huga að
útskriftum dagsins, LSH hefur jú tekið
við af BSÍ sem samgöngumiðstöð lands­
manna með daglegar áætlunarferðir á
HVest, HSu, Landakot og SAk. Endur­
komutímar, lyfseðlar og bréf til sjúk­
lings – sérfræðigrein kandídatsins, allt
þarf þetta að vera klárt. Vaktaskipti, segi
gömlu bekkjarsystkini frá veikustu sjúk­
lingunum á deildinni, passa sérstaklega
upp á góða yfirfærslu ábyrgðar, en losna
ekki við þá tilfinningu að hér sé haltur
að leiða blindan. Held heim, furða mig á
ákvörðun Reykjavíkurborgar að loka ⅓
akreina Kringlumýrarbrautar í septem­
berbyrjun, traffíkin umlykur einkabílinn
á meðan.
Plan eftirmiðdagsins, golf. Nýjasta
áhugamálið. Tók það upp eftir útskrift,
ég átti þegar hjól og gönguskó. Þurfti
því að velja um annaðhvort skíði eða
golfkylfur og enginn var snjórinn í júní
(þó meðalhitinn í Reykjavík hafi verið
<10°C). Staldra ekki lengi við heima og
stekk af stað í GKG að hitta félagana.
Mætum aðeins fyrir rástímann til að
hita upp. Höldum svo af stað, 9 holur
framundan. Fáum það staðfest að sum­
arið á Íslandi sé enn á fullu flugi í sept­
ember, 7­10°C. Höggin eru síbreytileg og
kúlan hvikul, enda undirritaður nýbyrj­
aður, líkt og á kandídatsárinu. Tölum
ekki um læknisfræðina fyrr en á 7. holu.
Held svo heim með einn fugl, par og
nokkra skolla.
Kvöldmaturinn er alveg að verða klár
þegar ég kem heim, næ að hjálpa aðeins
til og leggja á borð áður en maturinn
er klár. Ég sé þá um kvöldmatinn næst,
en við kærastan reynum að skiptast á.
Kveikjum á kvöldfréttunum á meðan við
borðum og tölum um daginn. Eftir mat­
inn tekur það helsta á streymisveitunum
við. Oftast er þetta einn þáttur, stundum
tveir. Kíki á skema morgundagsins fyr­
ir svefninn, hvað ætli bíði mín? Jú, nýtt
teymi og ný deild en sami spítalinn. Velti
því svo fyrir mér áður en ég sofna „verð­
ur það stiginn eða lyftan?”
P.S. Gaman að fá svo útborgað mánað­
arlega.
D A G U R Í L Í F I L Æ K N I S
Mynd af mér á SGL-árinu, Barnaspítala
Hringsins, í 5 daga skoðun. Með á mynd
er Theodór Kári Alexandersson, birt með
leyfi foreldra.