Mímir - 01.06.2023, Blaðsíða 8

6
„Erum búin að leggja drög að átta þáttum,“ segir Guðrún
en planið er að hafa um tíu þætti. Meðal umræðuefna eru
kynhlutlaust mál, styttingar og unglingaskammstafanir,
mýtur um íslenska tungumálið, atvinnutækifærin eftir nám,
íslenska glæpasagan og hvernig Íslendingasögunum er miðlað
til ungra krakka. Júlía tekur fyrir dæmi um eitt umræðuefni:
„Hvað má segja? – Siðferðismál í skáldskap. Á íslenskum
bókmenntavettvangi og í þjóð sem er svona lítil, hvar má
draga línuna hvað varðar persónuvernd? Máttu hafa alvöru
manneskjur í sögunum þínum þar sem allir þekkja alla? Hvar
eru mörkin?“ Einnig verður fjallað um það sem er gjarnan litið
niður á: „Þágufallshneigð, eignarfallsflótti og nýja þolmyndin,
alls konar umræður um hvernig málið sem er í mótun. En
svo erum við með tvo þætti þar sem við getum gert hvað
sem okkur dettur í hug.“
Hlaðvarpið verður samt alltaf á léttu nótunum en
ekki of fræðilegt segir Júlía: „Við vitum heldur ekki
allt, það er allt í lagi en það er líka bara gaman. Við
viljum samt að þetta sé lágstemmt, ekki predikun.
Þegar þú hlustar á okkur á það á þér að líða eins og
þú hafir lent á góðu spjalli með íslenskunemum á
Dönsku kránni,“
Hvenær kemur fyrsti þáttur?
„Ég myndi skjóta á seinni partinn í júní,“ segir Júlía
með þeim fyrirvara að það sé ekki alveg ákveðið. „Seinni
partur júní er flott viðmið, en við þurfum náttúrulega líka smá
tíma til að undirbúa og safna heimildum,“ segir Guðrún.
Lokaorð?
„Við erum geðveikt spenntar. Við erum spenntar að sjá
hvaða árangri það nær. Og þetta er geðveikt skemmtilegt
sumarstarf, það er svo gaman að geta unnið út frá náminu sínu.
Það er gott fyrir háskólanema og mjög góður grunnur. En við
viljum hvetja aðra háskólanema til að sækja um svona styrki
á næstu árum eða næst þegar stendur til boða. Það er hægt að
gera hvað sem er og þetta er geðveikt skemmtilegt.“