Mímir - 01.06.2023, Side 25

23Mímir 53 - Mímishöfuð
Stutt bréf til
íslenskunemans
með erfiða verk-
fræðifjölskyldu
_______________________________
Mér eru minnisstæð orð Ármanns Jakobssonar, frá
því ég sat tíma hjá honum í íslenskri bókmenntasögu
þar sem hann reyndi af bestu getu að troða ofan í
kollinn á okkur grútþreyttu stúdentunum þann kalda
morgun ýmis hugtök úr fornu máli – hvort það var
latína eða forngríska man ég ekki. Það skiptir ekki
sköpum en Ármann reyndi að selja okkur þessa
frasa sem leið til að svara leiðinlegum ummælum
„leiðinlega verkfræðifrændans“ næst þegar við hittum
hann í fermingarveislu eða skírn. Flest á íslensku- og
menningardeild þekkja það eflaust á eigin skinni að verða
fyrir ýmsu aðkasti fyrir að stunda hugvísindi, og þekkja þá
enn betur spurninguna: „hvað ætlarðu að gera við gráðuna
þína” eða „hvaða tilgangi þjónar að læra íslensku ef þú kannt
hana” og þar fram eftir götunum. Í fyllstu virðingu við Ármann
okkar, sem hefur gert einstaklega mikið fyrir fræðasviðið, þá
tel ég að til sé mun betra svar við leiðinlegum verkfræðinemum,
tölvunarfræðinemum og lögfræðingum – í raun bara leiðinlegu
fólki svona almennt og yfirhöfuð.
Gildismat vísindanna
Áður en ég þó fer út í þá sálmanna vil ég benda á grein sem