Læknaneminn - 01.01.2017, Blaðsíða 88

Fr
óð
lei
ku
r
87
Erik Brynjar Eriksson
Geðlækningar
Hvar? South London and Maudsley NHS Trust, London, Bretlandi.
Hvenær? 2010­2013.
Helstu kostir? Í Bretlandi eru almennt mjög vel skipulögð prógrömm.
Regluleg próf, sem hafa sína kosti og galla, halda manni við efnið en eru
ekki alltaf praktísk. Á flestum stöðum fékk ég frábæra hand leiðslu. Heill
dagur í hverri viku fór í kennslu, hand leiðslu og samtals meðferðarnám.
Kennslan fer fram á Institute of Psychiatry í suður London sem er ein
virtasta rannsóknar stofnun í geðlæknis fræði í heiminum. Kennararnir
eru því mjög framar lega á sínu sviði akademískt og klínískt. Frábært er
að búa í London ef fólki al mennt líkar að búa í stórborg. Þar eru frábærir
garðar, matur og tónlist og auðvelt og ódýrt að ferðast til annarra landa.
Helstu gallar? Vel skipulögð prógrömm en að sama skapi tak­
markaður sveigjanleiki í kerfinu. Talsverð pappírsvinna skapast af
tíðum lögsóknum, þó ekki eins slæmt og í Bandaríkjunum. Á sumum
starfsstöðvum voru langar leiðir í og úr vinnu. Almennings samgöngu­
kerfi er dýrt.
Hvernig gekk að samræma fjölskyldulíf og vinnu? Stífleiki í pró­
grammi getur þvælst fyrir fjölskyldulífi, gekk þó vel hjá mér. Sumarfrí var
fjórar vikur á ári, oft snúið að taka meira en tvær vikur í einu. Vinnuálag
var mun minna en á Landspítala, myndi segja hæfilegt á flestum stöðum.
Við vorum með eitt barn á leikskóla. Leikskólar kosta á bilinu 70­150
þúsund á mánuði. Fæðingarorlof er fáeinar vikur. Reyndi ekki á það
hjá mér, flutti heim þegar næsta barn var á leiðinni. Borgin er furðu
barnvæn, mikið af leikvöllum og skemmtilegum almenningsgörðum.
Eggert Eyjólfsson
Bráðalækningar
Hvar? Christchurch Hospital, Christ church, Nýja­Sjálandi.
Hvenær? 2012­2015.
Helstu kostir? Bráðalækningar eru mjög sterkar í Ástralíu og Nýja­
Sjálandi. Veðráttan á Nýja­Sjálandi er einnig mjög þægileg, stuttur
„vetur“ og langt sumar. Nálægð er við ströndina og fallega náttúru. Góð
skíðasvæði á veturna í um klukkutíma fjarlægð frá borginni. Svo þarna
er bara allt til alls.
Helstu gallar? Fjarlægðin frá Íslandi er klárlega mesti ókosturinn.
Christchurch hefur líka gengið í gegnum erfiða tíma undanfarin ár
eftir jarðskjálftana 2010 og 2011 sem jöfnuðu miðborgina nánast við
jörðu. Mikil uppbygging er því í gangi og því viss uppgangur í bráða­
lækningum líka.
Hvernig gekk að samræma fjölskyldulíf og vinnu? Var ekki með fjöl­
skyldu þegar ég var úti en vinnuvikan á bráðadeildinni er mjög hagstæð
fjölskyldulífinu. Þar eins og annars staðar er maður á vöktum en vinnan
er alltaf búin þegar maður gengur út af spítalanum. Fyrir hvert unnið ár
fær deildarlæknir sex vikur í frí og tekur það út í samráði við deildina.
Fæðingarorlof er ekki eins og best verður á kosið á Nýja­Sjálandi, þeir
eru heldur aftarlega á merinni þar. Maður fær 18 vikur af greiddu
fæðingarorlofi og upp í sex mánuði af launalausu leyfi í tengslum við
barneignir. Þetta er þó í endurskoðun í nýsjálenska þinginu og á örugg­
lega eftir að batna í framtíðinni.
Sif Hansdóttir
Lyflækningar, lungnalækningar
og g jörgæslulækningar
Hvar? University of Iowa Hospitals and Clinics (UIHC), Iowa City,
Bandaríkjunum.
Hvenær? Lyflækningar 2001­2004, lungna­ og gjörgæslu lækningar
2004­2007. Rannsóknir frá 2005.
Helstu kostir? Stór háskólaspítali og mikil uppbygging á síðustu
árum. Upptökusvæðið er stórt og því aldrei skortur á spennandi
tilfellum. Óendanleg tækifæri bæði hvað varðar undirsérgreinar og
rannsóknarvinnu. UIHC býður upp á sérnám (e. fellowship) í öllum
undirsérgreinum lyflækninga. Það er mikilvægt fyrir íslenska lækna
að hafa í huga gæði og stærð þeirra „fellowship“ prógrama sem eru
í boði á hverjum stað þegar verið er að velja framhaldsnám. Ef læknir
stendur sig vel í „residency“ eru ágætis líkur á að fá „fellowship“ stöðu
á sama stað. „Fellowship“ stöður eru eftirsóttar og er sérlega erfitt
fyrir útlendinga sem eru ekki með græna kortið að komast að. Auk
„fellowship“” prógrama fer fram gríðarlega mikið rannsóknarstarf við
UIHC og þar eru stórar rannsóknarstofur sem hafa hlotið mikla styrki.
Góð samvinna er á milli lækna í sérnámi og sérfræðilækna sem eru mjög
aðgengilegir.
Í Iowa City er frábært fólk sem er opið fyrir fjölbreytileika og þ.á m.
útlendingum. Þetta er mjög frjálslyndur háskólabær með mörgu ungu
fólki, menningu, veitingastöðum og börum (#1 party school 2013) og
það er brjáluð stemning í kringum ameríska fótboltann. Húsnæði er
mun ódýrara en á Íslandi.
Helstu gallar? Langt frá Íslandi. Kalt á veturna og heitt á sumrin. Erfitt
er að framfleyta fjölskyldu á einum „residency“ launum.
Hvernig gekk að samræma fjölskyldulíf og vinnu? Vel með góðri
skipulagningu. Það var mikið vinnuálag á köflum, sérstaklega fyrsta
árið í „residency“ og aftur fyrsta árið í „fellowship“ en þá lærði
maður mest. Það eru líka margir mánuðir þar sem álagið er minna,
t.d. á göngudeildum og í ráðgjafarþjónustu. Nú eru tilkomnar í
Bandaríkjunum vinnutímatakmarkanir sem voru ekki til staðar þegar
ég var í sérnámi. Sumarfrí var 15 virkir dagar á ári. Það er vel hægt að
eignast börn í sérnámi í Bandaríkjunum. Hefðbundið fæðingarorlof er
sex vikur en síðan er mögulegt að bæta við uppsöfnuðu fríi og sækja
um launalaust frí. Við hjónin vorum bæði í sérnámi og eignuðumst
tvö börn í náminu og eitt sem sérfræðilæknar. Með skipulagningu
og aðstoð frá ömmum og öfum voru börnin okkar öll heima fyrstu
mánuðina. Við skipulögðum okkur líka þannig að annað okkar var
án vakta fyrsta árið.