Læknaneminn - 01.01.2017, Blaðsíða 126

Sk
em
m
tie
fn
i
12
5

Á meðan dvölinni stóð gistum við í „Doctor‘s
quarters“ sem er hluti af öðru sjúkra húsi
en þaðan tók um 20 mínútur að keyra til
Edendale. Þrátt fyrir að hafa fengið loforð
um fullbúna íbúð og sundlaug þá stóðst
lítið af þeim loforðum og eftir sex vikna
dvöl var orðið ansi þreytt að gista í gömlum
rúmfatnaði af spítalanum með skýrum
ummerkjum ýmissa líkamsvessa, þurfa að
sturta niður úr klósettinu handvirkt og fara í
gegnum öryggisleit tvisvar á dag. Okkur lék
forvitni á að vita að hverju væri verið að leita
í öryggisleitinni. Ekki stóð á svörum en það
sem helst var verið að passa var að við tækjum
CT tækið ekki með út af spítalanum eða
reyndum að smygla inn líkum.

Til að bæta upp fyrir auman lifnað í „Doctors
quarters“ fórum við í ferðalög til að skoða
okkur um alla frídaga sem við áttum. Þá
nutum við lífsins með alls konar sætum og
misóbærilegum dýrum. Við lentum tvisvar í
innbrotum í íbúðina okkar en í bæði skiptin
voru þar gráðugir apar á ferðinni sem átu allt
sem tönn á festi og klóruðu sér á lúsétnum
kroppum með tannburstunum okkar. Við
keyrðum líka um langan veg til að skoða
fjallalandið Lesotho og gistum í ótrúlega
fallegu litlu þorpi sem heitir Malealea.
Við áttuðum okkur því miður ekki á
að símarnir okkar virkuðu ekki þarna
því við vorum komnar í annað land.
Svo meðan við nutum náttúrunnar og
lífsins lystisemda var fólkið okkar heima
á Íslandi að hringja um allar trissur að reyna
að finna okkur.
Þó ýmsar hættur leynist í Suður­Afríku
leið okkur mjög vel þar enda er landið
algjörlega stórbrotið hvað náttúrufegurð
og dýralíf varðar. Ekki spillti heldur hvað
okkur var vel tekið af deildarlæknum og
nemum á spítalanum og var okkur boðið
í mörg epísk partý sem við skorum á FL að
taka sér til fyrirmyndar. Til dæmis var haldið
stórkostlegt froðu­ og hoppukastalapartý á
fimmtudegi í heimahúsi. Reyndar var fremur
ámælisvert að allir keyrðu heim úr partýinu
eins og ekkert væri sjálfsagðara nema varkáru
Íslendingarnir. Okkur var einnig tekið
mjög vel af öðru starfs fólki spítalans og
sérfræðingarnir voru mjög kennsluglaðir.  
Við mælum því heilshugar með að fara til
Eden dale á sjötta árs valtímabilinu.