Læknaneminn - 01.01.2017, Side 118

Sk
em
m
tie
fn
i
11
7
klukkustundar fjarlægð frá Brigham svo það tók sinn tíma að
ferðast á morgnana með lestinni.
Ég mætti á hverjum degi kl. 9 og var að minnsta kosti til
kl. 17 en stundum lengur ef það var eitthvað sem þurfti að
klára. Rannsóknartímabilið var tíu vikur og fyrstu sex vikurnar
fóru nær allar í að safna gögnum. Ég var svo heppin að hafa
tölfræðing á mínum snærum sem fékk gögnin í hendurnar
þegar þau voru tilbúin. Ég byrjaði þá að vinna í ritgerðinni
sjálfri og meðfram því að gera drög að grein um rannsóknina.
Ég hitti síðan lækninn sem var yfir rannsóknum deildarinnar
nokkrum sinnum á tímabilinu og við ræddum framgang
verkefnisins.
Þegar ég var ekki á spítalanum nýtti ég tímann til þess að njóta
lífsins í Boston. Ég fór á sinfóníuna og ballettinn, fylgdist
með Bostonmaraþoninu og fór nokkrum sinnum á Museum
of Fine Arts og Isabella Stewart Gardner Museum. Ég eyddi
dágóðum tíma á Harvard háskólasvæðinu, borðaði á góðum
veitingastöðum, fór í búðir og fékk nokkrar heimsóknir frá
fjölskyldu og vinum.
Þessar tíu vikur voru líklega einn skemmtilegasti og
lærdómsríkasti tími lífs míns. Það var frábært að komast í allt
annað umhverfi og þurfa að standa á eigin fótum. Ég þurfti að
treysta mikið á sjálfa mig, aðlagast læknisfræðilegri umræðu á
öðru tungumáli og keyra verkefnið áfram innan þessa stutta
tímaramma sem gefinn var.   Ég er viss um að þessi reynsla
þroskaði mig mikið og mun hjálpa mér áfram í námi og starfi.
Dvöl mín í Boston gaf mér auk þess margt annað dýrmætt.
Sem dæmi má nefna að í október 2016 fór ég til Brussel
á þing European Society of Gynaecological Endoscopy og
kynnti þar rannsóknina mína við góðar undirtektir. Auk þess
er ég nú fyrsti höfundur að greininni „Trends in mode of
hysterectomy after the U.S. Food and Drug Administration
power morcellation advisory“ sem var birt í vor í bandaríska
vísinda tímaritinu Obstetrics and Gynecology. Ef áhuginn er
til staðar og fólk hefur tök á að vinna verkefnið sitt í öðru landi
mæli ég eindregið með því.
„Dvöl mín í Boston gaf mér auk
þess margt annað dýrmætt. Sem
dæmi má nefna að í október 2016
fór ég til Brussel á þing European
Society of Gynaecological
Endoscopy og kynnti þar
rannsóknina mína við góðar
undirtektir.“