Læknaneminn - 01.01.2017, Page 121

Sk
em
m
tie
fn
i
12
0
Í júlí 2016 fór ég í skipti­
nám til Ghana á vegum
Alþjóða nefndar lækna­
nema. Ég á einstaklega
góðar minningar af þessum
fjórum vikum!
Ghana er mjög grænt og
fallegt land með skógum,
fossum, strönd um og fjöl­
breyttu dýralífi. Allir voru ótrúlega vinalegir og leið
ekki sá dagur að ég heyrði ekki hressa popptónlist á
götunum, sá fólk að grínast eða brosa sínu breiðasta.
Á hverjum degi fór ég til „The Mango Lady“ sem var
rétt hjá gististað mínum og keypti mér bestu mangó,
ananas og banana sem ég hef á ævinni smakkað.
Hins vegar er landið alls ekki full komið, mikið er um
stéttaskiptingu og fátækt á ákveðnum svæðum og
vandamál með rusl og náttúruvernd.
Ég gisti á stúdentagarði læknanema sem staðsettur
var rétt hjá spítalanum og var því aðeins um fimm
mínútur að ganga á spítalann. Fyrstu dagana var
ég í húsnæði þar sem ekki var rennandi vatn og
var það sérstök reynsla. Ég þurfti þá að fylla fötur
úr vatnstönkum á jarðhæðinni, bera upp á fimmtu
hæð í stærri fötu þar sem ég geymdi vatnið og notaði
svo til að þvo mér og sturta niður úr salerninu. Ég
var svo seinna færð í betra húsnæði nær hinum
skiptinemunum þar sem (oftast) var rennandi vatn
í húsinu.
Mánuðinn í Ghana var ég á fæðinga­ og kven­
sjúkdóma deild á Korle Bu Teaching Hospital
í höfuð borginni Accra. Ég var alveg fáránlega sátt
með skiptin mín á þessum spítala og fannst ég læra
og upplifa fullt! Hver nemi er settur í sérstakt teymi
lækna og er hvert teymi með ákveðna dagskrá, til
dæmis einn dagur á kvensjúkdóma skurðstofunni,
einn á kvennagöngudeild, einn í mæðravernd o.fl.
Ég fékk frelsi til að ráða mér þó nokkuð og fór ég
oftast á fæðingagangana (tveir gangar; einn með
GYNECOLOGIA
Í GHANA
Jóhanna Vigdís Ríkharðsdóttir
fimmta árs læknanemi 2016-2017
„Allir voru ótrúlega vinalegir
og leið ekki sá dagur að ég
heyrði ekki hressa popptónlist
á götunum, sá fólk að grínast
eða brosa sínu breiðasta.“
Sumarskipti eftir 4. ár