Læknaneminn - 01.01.2017, Page 127

Sk
em
m
tie
fn
i
12
6
Á vordögum 2016
kviknaði hugmynd
í hópi nokkurra fjórða
árs lækna nema. Anna­
sömum vetri í klíník
var að ljúka og farið
að glitta í ljós við enda
Landspítalaganganna.
Okkur hafði lengi langað
að sýna stuðning í verki við bekkjarsystur okkar
og fjölskyldu hennar, stuðning við málefni sem
er þeim afar hugleikið.
Þegar við horfðum til baka yfir liðinn vetur
fundum við þörf fyrir handhægt og stutt upp­
flettirit til að hafa í vas anum á hvíta sloppnum.
Rit sem hefði að geyma ýmsar upplýsingar
sem maður þarf endurtekið að fletta upp í
klíníkinni. Því var ákveðið að slá þessar tvær
flugur í einu höggi – setja saman og selja lítið
uppflettirit til styrktar góðu málefni. Blásið var
til funda um sumarið og smám saman stækkaði
hópurinn sem frétti af verkefninu og vildi taka
þátt. Á endanum voru það 11 bekkjarsystur
sem skiptu með sér verkum og komu sér
saman um efni hins nýja uppflettirits.
Ákveðið var að gefa út vasabók á haust­
mánuðum 2016 til styrktar Alzheimer ­
samtökunum, hags muna samtökum fólks
með heila bilun. Fengnir voru styrktar aðilar
til að fjármagna prentun bókarinnar svo að
sem stærstur hluti ágóðans gæti runnið til
samtakanna. Stuðst var við traustar og áreiðan­
legar heimildir þegar efni bók arinnar var
skrifað. Í fyrstu stóð til að við myndum sjálfar
setja upp bókina en sem betur fer var horfið
frá þeirri hugmynd – það hefði líklega endað
með ósköpum. Karen María Magnúsdóttir
tók að sér uppsetningu bókarinnar fyrir
brot af þeirri upphæð sem eðlilegt hefði
talist og Sindri Aron Viktorsson læknir sá
um fræðilegan yfirlestur án endurgjalds.
Kunnum við þeim bestu þakkir fyrir.
Útkoman var Minnisbókin, lítil og handhæg
vasabók sem við erum ákaflega stoltar af. Hún
inniheldur ýmsa handhæga klíníska punkta, til
dæmis um sögutöku og skoðun, niðurstöður
algengra blóðrannsókna, greiningarskilmerki
og skemmtilegar minnisreglur.
Við vorum vongóðar um að bókin fengi góðar
viðtökur enda eru læknanemar almennt opnir
fyrir nýjungum og boðnir og búnir til að
aðstoða þegar á reynir. Í fyrstu var gert ráð
fyrir að upplagið yrði í kringum 150 bækur og
voru klínískir læknanemar aðal markhópurinn.
Annað kom hins vegar á daginn. Bókin fékk
mun betri viðtökur en við þorðum nokkurn
tímann að vona, ekki aðeins meðal læknanema
á Íslandi heldur einn ig meðal kandídata
og íslenskra læknanema í Ung verja landi
og Slóvak íu. Að endingu voru 500 eintök
prentuð. Nokk rar bækur stóðu út af og því
var ákveðið að aug lýsa þær til sölu á Facebook
síðu ís lenskra lækna. Við tökurnar þar létu ekki
á sér standa og það varð úr að 130 bækur voru
prentaðar til viðbótar. Alls söfnuðust rúmlega
800.000 krónur og var fjárhæðin afhent
Alzheimer samtökunum á aðalfundi félagsins
11. maí 2017.
Hugmyndin sem kviknaði vorið 2016 varð
að veruleika og viðtökurnar fóru fram úr
okkar björtustu vonum. Meirihluti íslenskra
læknanema keypti Minnisbókina auk
fjölmargra lækna, bæði hérlendis og erlendis.
Það eru forréttindi að vera hluti af samfélagi
sem tekur heilshugar undir verkefni sem
þetta. Í læknanemum býr mikill auður og
með viljann að vopni má nýta hann til margra
góðra verka. Við vonum að Minnisbókin nýtist
læknanemum og læknum nær og fjær við
klínískt nám og starf.
Kærar þakkir fyrir stuðninginn og frábærar
undirtektir.
MINNISBÓKIN
Olga Sigurðardóttir
fimmta árs læknanemi 2016-2017
Aðstandendur bókarinnar (talið frá vinstri): Freyja Sif Þórsdóttir, Eva Fanney Ólafsdóttir, Signý Lea Gunnlaugsdóttir, Berglind Anna Magnúsdóttir, Olga
Sigurðardóttir, Valgerður Bjarnadóttir, Bríet Einarsdóttir, Helga Björk Brynjarsdóttir, Elín Óla Klemenzdóttir, María Björk Baldursdóttir og Árni Sverrisson, formaður
Alzheimersamtakanna. Á myndina vantar Hallberu Guðmundsdóttur og Mörtu Sigrúnu Jóhannsdóttur.