Goðasteinn - 01.09.1996, Blaðsíða 67

Goðasteinn 1996
ekki veit ég hvernig ég hef drukkið of mikið af víni
og ekki veit ég hvers vegna annarra manna
því síður hvar til að geta gefið öðrum að drekka
en það er einhvern veginn svona þess vegna er sopinn aðeins ljúfur
sem mig langaði að segja við þig ef þú andar vel að þér
nú tekur fyrir nefið
en það er eins og blaðið sé of hvítt og svelgur hann - eftilvill væri best að búa til úr
honum pillu.
Vísindaleg leit
Ég sit um kvöld
í geislaryki atómþokunnar
fremst á eldflaug
sem á að flytja mig til Guðs
- og hugsa
um huga minn berast glóandi gimsteinar
misjafnlega stórir
misjafnlega heitir
en allir sendir frá Guði
hugur minn snýst um mikilvægi
sem mælist í megatonnum
og hraða
sem mælist í ljósárum
skyndilega umlykst hugur minn af geimstormi
sem feykir hugsununum um hið stórkostlega á brott
- og ég verð allt í einu svo hryggur
hvað er ég að þvælast til hins ókunna Guðs
sitjandi framan á eldflaug
þegar ég á konu með fallegt bros
og barn með þýðan róm
niðri á jörðunni?
-65-