Sjómannadagsblað Snæfellsbæjar - 01.06.2000, Page 74

72
Sjómannadagsblað Snæfellsbæjar 2000
Sjómannadagurinn í Ólafsvík 1999
Hátíðarhöldin í tilefni Sjó-
mannadagsins hófust á laugardag-
inn 5. júní á Hótel Höfða ld
11.00 með fundi sem Hafrann-
sóknarstofnun hélt. Hann byrjaði
með því að útibússtjóri Hafró í
Ólafsvík Jón Sólmundsson bauð
fundarmenn velkomna sem voru
fjölmargir. Því næst tók til máls
Jóhann Sigurjónsson forstjóri
Hafró. Ræddi hann um stofnun-
ina og veiðiráðgjöfina í mjög fróð-
legu erindi. Fundarmönnum var
síðan boðið að spyrja Jóhann um
málefnið og spunnust um það
fjörlegar umræður sem jafnan eru
þegar rætt er um fiskveiðistjórn.
Menn voru sammála um ágæti
Hafró og lýstu jafnframt ánægju
með þá starfsemi sem rekin er í
Ólafsvík. Að sjálfsögðu mætti þó
bæta við hana með fjölgun starfs-
manna og fjölgun rannsókna en
allir eru sammála um að
Breiðafjörðurinn er sann-
kölluð „gullkista”. Þá
stóðu þau Jón og Svan-
hildur Egilsdóttir starfs-
menn Hafró í Ólafsvík að
hinni árlegu og skemmti-
legu sýningu á furðudýr-
um úr sjávarríkinu í hús-
næði FMB.
Kl. 13.30 hófst keppni
niður á höfn í hinum
hefðbundnu keppnis-
greinum þ.e. kappróðri
og reiptogi sem reyndar
eru farnar að breyta um svip þar
sem trukkadráttur er orðin vinsæl
grein. Þá var einnig keppt í fleka-
hlaupi og lyftaraakstri og einnig
fleiri skemmtilegum greinum.
I kappróðri kvenna sigruðu hin-
ar glæsilegu Kvótadrottningar en
sú sveit saman stóð af þeim Haf-
dísi Rán Brynjarsdóttur, Hörpu
Finnsdóttur, Ingibjörgu Sumar-
liðadóttur, Steinunni Báru Ægis-
dóttur og Hermínu Lárusdóttur.
Kvótadrottningar sigruðu einnig í
trukkadrætti.
I kappróðri karla sigraði sveit
Sólarsports en það eru sætir og
sólbrúnir strákar sem Gylfi Schev-
ing hefur þjálfað. Þeir sigruðu
einnig í trukkadrætti og unnu þar
bæði peninga og bikar eins og
stúlkurnar.
Kl. 17.00 var farið í skemmti-
siglingu á Svanborgu SH, Stein-
unni SH og Agli SH. Þessar ferðir
eru alltaf vinsælar en þarna fara
margir í sína fyrstu sjóferð.
Gott veður var allan laugardag-
inn.
Sunnudagurinn 6. júní rann
upp. Hátíðarhöldin hófust í Sjó-
mannagarðinum kl. 13.30. Ræðu-
maður var Magnús Stefánsson
fýrrverandi alþingismaður. Heiðr-
aður var aldraður sjómaður, Rík-
harður Jónsson og voru konu
hans Ingveldi Magnúsdóttur færð
blóm í tilefni dagsins. Kynnir í
Sjómannagarðinum var Illugi Jón-
asson skipstjóri. Hin frábæra
Lúðrasveitin Snær lék bæði undan
og eftir atriðum og erfitt er að
hugsa sér Sjómannadag án henn-
ar. Þá lék hún einnig fyrir skrúð-
göngu til kirkju en þar hófst sjó-
mannamessa kl 14.30.
Sóknarpresturinn sr. Friðrik J.
Hjartar predikaði en Eiríkur
Gautsson útgm. á Linna SH og
Stefán B. Birgisson vélstjóri á
Ólafi Bjarnasyni SH lásu ritning-
arorð sem sannir sjómenn í tilefni
dagsins. Kirkjukór Ólafsvíkur
söng og organisti var Kjartan Egg-
ertsson. Þá sungu bæði Halldór
Sigurðsson og dóttir hans Pálína
bæði einsöng og með kórnum.
Var þetta bæði skemmtileg og eft-
irminnileg stund sem fjölmargir
kirkjugestir áttu í Ólafsvíkur-
kirkju.
Um kvöldið kl. 20.30 hófst Sjó-
mannahóf í Félagsheimilinu á
Klifi og sóttu það 225 gestir. Eftir
veislumat frá Gistiheimili Ólafs-
víkur voru ýmis skemmtiatriði
flutt. Halldór og Pálína sungu þar
nokkur sönglög og var þeim
klappað margoft lof í lófa og
sungu þau mörg aukalög. Undir-
leikari var Kjartan Eggertsson.
Árný Bára Friðriksdóttir vélstjóra-
frú flutti bráðskemmtilegt minni
sjómanna og kom inná marga
punkta í lífi sjómanna sem aðeins
konur sjá.
Einnig fluttu þeir gamanmál
Sæbjörn Ásgeirsson skipstjóri og
útgerðarmaður og Kristján Krist-
jánsson framkvæmdastjóri og
brást þeim ekki bogalistin frekar
en áður. Þá tróð upp
Þorkell Símonarson frá
Görðum með frumsamið
efni og var mjög góður.
Laddi var einnig með
skemmtiefni en hefur oft
verið betri. Tvær sóma-
konur voru heiðraðar
þær Steinunn Þorsteins-
dóttir og Björg Jónsdótt-
ir. Risu gestir á fætur og
gáfu þessum heiðurskon-
um gott klapp. Björg
flutti síðan ávarp þar sem
hún þakkaði sjómönnum
þennan heiður sem þeim var
sýndur.
Veislustjóri var hinn hógværi
prentari í Steinprent Jóhannes
Ólafsson og hafði hann góða
stjórn á öllum endum.
Að lokum voru þeir trillukarlar
Gautur Hanssen eigandi á Kóna
SH og Magnús Emanúelsson
skipstjóri á Gunnari Afa kosnir til
að sjá um næsta Sjómannadag
árið 2000 og er þetta því „dagur”
trillukarla. Hófið endaði svo með
því að stuðbandið Saga Class hélt
uppi miklu fjöri fram á mánu-
dagsmorgun.
PSJ.

Magnús Hansson í naglaboðhlaupi á Sjómannadag 1983. Mynd: PSJ

sS?