Ársrit Skógræktarfélags Íslands - 15.12.1975, Qupperneq 18

Úr Vífilsstaðahlið.
Ljósm.: Stefán Niltulásson 1974.
til vegagerðar á Heiðmörk. Fyrir það fé var
haustið 1949 og vorið 1950 lagður vegur frá vegi
þeim, er liggur frá Elliðavatni að Jaðri, um
hlið, sem gert var á Heiðmerkurgirðinguna,
suður með Sauðás að vestan og upp eftir
SElliðavatnsheiði, 2(4 km langur. Skógrækt-
arfélagið annaðist vegalagninguna undir verk-
stjórn framkvæmdastjórans, Einars G. E. Sæ-
mundsen. Notuð var stór jarðýta við vegar-
lagninguna. Varl vegarlagningu þessari lok-
ið fyrir vígsluhátíðina 25. júní 1950, og veg-
urinn þá tekinn í notkun.
Næstu ár myndaðist smám saman vísir að
vegakerfi á Heiðmörk. Vegurinn, sem lagður var
haustið 1949 og vorið 1950, var brátt fram-
lengdur upp eftir Elliðavatnsheiði, svo að hann
náði alla leið upp í Skógarhlíðarkrika, og
kallast þessi vegur nú Heiðarvegur.
Því næst var lagður dálítill vegarspotti til
suðvesturs út frá Heiðarvegi skammt fyrir suð-
austan Sauðás, rétt fyrir neðan svokallaða
Bröttubrekku, og annar vegarspotti var lagður
nokkru ofar út frá Heiðarvegi til norðausturs,
og náði hann fyrst um sinn að brún Hólms-
hrauns.
Með þessum vegum var fyrst og fremst bætt
úr nauðsyn þess að geta flutt plöntur, áhöld og
áburð að hinum ýmsu landnemaspildum án
þess að þurfa að bera þessa hluti allt of langt.
Þá var stefnt að því að geta ekið inn á
Heiðmörk á fleiri stöðum en um hliðið milli
Elliðavatns og Jaðars. Árið 1954 var lagður nýr
vegarspotti frá heimreiðinni að Silungapolls-
heimilinu til suðvesturs að Suðurá. Jafnframt
var ruddur vegur (með stórri jarðýtu) yfir
Hólmshraun og sett vandað hlið á Heiðmerk-
urgirðinguna, og vorið 1955 var Suðurá brúuð.
Var með þessum vegagerðarframkvæmdum
opnuð ný leið inn á Heiðmörk frá þjóðvegin-
um Austurvegi, skammt austan við Hólms-
árbrú. Hinn nýi vegur, alla leið frá vega-
mótum við Heiðarveg norður yfir Hólmshraun,
hlaut nafnið Hraunslóð.
Afleggjarinn frá Heiðarvegi suðaustan Sauð-
áss til suðvesturs var smám saman fram-
lengdur, og var árið 1956 kominn út á móts
16
ÁRSRXT SKÓGRÆKTARFÉLAGS ÍSLANDS 1975