Skógræktarritið - 15.10.2005, Side 29

vöxt fyrsta sumarið og fúnandi
lúpínuleifar allt í kring stuðla að
merkilega góðum vexti á
komandi árum.
Miklu munar á kvæmafjölda
sitkagrenis og alaskalúpínu sem í
boði er. Eftir minni reynslu er
sjaldan nema eitt kvæmi sitka-
grenis á boðstólum f gróðrarstöð
og þýðir lítið að velta fyrir sér
hvað það heitir eða hvaðan það
er komið. Öðru máli gegnir um
ösp, þar er oft um nokkra kosti að
velja. Brýnt að gefa gaum að
Þeim.
Besta ráðið til að tryggja sig
gegn duttlungafullri veðráttu og
ólíkum aðstæðum er að gróður-
setja nokkur kvæmi af ösp og
dreifa þannig áhættunni. Sitt-
hvað óvænt kemur í ljós þegar
veðrátta breytist. Þrjú síðustu vor
hafa verið afbrigðileg á ýmsan
hátt og það hefur gefið kærkomið
tækifæri til að vanda asparvalið.
Kvæmi sem hefur vaxið með
ágætum um árabil getur reynst
viðkvæmt þegar veðrátta hlýnar
og gróður fer fyrr í gang því að
vorkuldar og næturfrost í maí
skila sér enn sem fyrr. Þetta er
umhugsunarefni fyrir aspar-
ræktanda sem ekki má hugsa
eingöngu um vaxtarhraða og
vaxtarlag heldur líka frostþol og
seiglu.
Samkvæmt minni reynslu
hefur Keisari staðið sig frábær-
lega vel alla tíð síðan ég hóf
asparræktun. Hann er ekki
hraðvaxta en er afar vindþolinn,
hefur aldrei kalið og er ákaflega
duglegur að bjarga sér á rýru
landi við óvænlegar aðstæður.
Haukur og Sæland lofa líka góðu
í mínu umhverfi.
Hins vegar verður hver og
einn að meta þetta eftir eigin
aðstæðum og dreifa áhættunni
með því að reyna nokkur aspar-
kvæmi til ræktunar. Við gróður-
setningu er brýnt að skrifa hjá sér
hvar hverju kvæmi var valinn
staður til þess að unnt sé að
meta vöxt þess og viðgang á
ræktunarsvæðinu.
Horft austur yfir Uppsalaháls til Örœfafökuls. Ég sá þetta örfoka land fyrst 1957 og mér er það minnisstœtt: Ég hafði aldrei áður séð svo dökkt
og dautt land. Öspin dafnar vel (lúpínunni, gróðursetl 1999 - 2001. Kvœmið er aðaHega Salka en einnig nokkuð af Keisara. Trjágróður
sýnist eiga fyllilega heima á þessum stað, miðað við vöxt hans og útlit. Hér myndast skóglendi á skómmum tima.
SKÓGRÆKTARRITIÐ 2005
27