Fróðskaparrit - 01.01.1970, Blaðsíða 126

134 Føroysk fuglanøvn hjá franska fuglafrøðinginum Brisson
sum ávíst av Briinnich, sí Salomonsen 1934, 90). Men í seinasta
bindinum, sum eisini inniheldur eitt uppískoyti til øll bindini,
stendur um fleiri fuglar: »Les Habitans de l’Isle Ferroe
(l’appellent)....«, t. e. ‘íbúgvarnir í Føroyum rópa hann....’.
Nógv av hesum nøvnunum kennir Brisson frá øSrum fugla-
frøðingum:
Frá Clusius (1605, 367 ff., sbr. 102—104) og frá øðrum
sum bert kendu føroysk fuglanøvn frá Clusius, serliga Nierem-
berg 1635, kennir Brisson hesi nøvnini: Lomwia (bls. 71),
Lunda (82), Goirfugel (86, her eisini nevndur Goifugel eftir
Nieremberg, men tað er prentvilla eftir Clusius), Alka (89),
Ildbrimel (121, ‘havgás’), Stromfinck (140, prentvilla, Clusius:
Stormfinck ‘drunnhvíti’), Haffhert (143, aftur prentvilla, Clu-
sius: Haffhest), Skua (168) og Sula (504). Brisson nýtir eisini
orðini Alca, Skua og Sula sum latínsk nøvn, sum vanligt var
(sbr. Skarup 1961, 13, sum tó ikki nevnir Alca, sí niðanfyri).
Clusius nevnir trý onnur føroysk fuglanøvn, Barnfiard (‘ful-
kobbi’, Barufiard hjá Salomonsen 1934, 86, og aðrastaðni er
prentvilla), Helsingegaas og Brandgaas, men tey nøvnini hevur
Brisson ikki fingið við. — Clusius hevði fingið føroyskar
fuglar frá Henrik Høyer í Bergen, sum hevði fingið teir úr
Føroyum (tað er ongin grund at halda at Høyer sjálvur hevur
verið í Føroyum), sí Salomonsen 1934, 84—89, og 1935, 69—
75, og Resen 1971, í innganginum.
Frá Ole Worm 1655, s. 302 og 310, hevur Brisson orðið
Eider (295), sum hann eisini nýtir sum franskt navn á æðuni:
»L’Oye á duvet ou l’Eider« (294).
Frá Johann Anderson 1750, sum hevur brúkt Lucas Debes
1673, hevur Brisson orðið Imbrim (121 = Ildbrimel eftir Clu-
sius). Tað orðið verður enn brúkt sum franskt navn á hav-
gásini (Skárup 1961, 7—10).
Onga keldu nevnir Brisson til eini tíggju føroysk fuglanøvn.
Tey flestu av teimum standa saman við øðrum føroyskum
nøvnum eftir Clusius ella Worm, tó kunnu tey ikki bert vera
prentvillur: Lamvier (71), Lund (82), Alck (89), Haubest (143)
og Eder-Vogel (295). Onnur standa ikki saman við øðrum før-