Helgarpósturinn - 26.03.1987, Blaðsíða 3
FYRST OG FREMST
HELGARPÚSTURINN UMMÆLIVIKUNNAR
FYRIR skemmstu fjölluðu koll-
egar okkar á Morgunbladinu um
manninn að baki þáttanna Vest-
rœn veröld, sem nú er verið að
sýna í ríkissjónvarpinu. Heitir sá
John Roberts og er þekktur, bresk-
ur sagnfræðingur. Moggamönnum
bregst þó svolítið bogalistin, þegar
þeir þýða núverandi starfstitil
Bretans. Stendur í greininni, að
hann hafi „verið skipaður vara-
rektor háskólans í Southamptori',
en þarna hefði þýðandinn betur
ráðfært sig við einhvern sem
þekkir til i ríki hennar hátignar,
Elísabetar II. ,,Vice-chancellor“
þýðir einfaldlega „rektor" eða
„skólameistari" og er sá sem ber
titilinn stjórnandi skólans og
hreint engin varaskeifa.
Fyrir þá fróðleiksfúsu má geta
þess, að við breska háskóla er líka
staða „chancellors", eða „heiðurs-
rektors". Það þykir mikill virðing-
arvottur að hljóta slíka nafnbót,
en okkar ágæti Magnús Magnús-
son sjónvarpsmaður er einmitt
heiðursrektor við einn af háskól-
unum í Bretaveldi.
STÖLLURNAR Agnes og
Helga í Stundinni okkar hafa fund-
ið upp á ýmsu skemmtilegu í vet-
ur. Nú er t.d. af og til matreiðslu-
kennsla í þættinum, sem tveir
ungir krakkar sjá um. Fyrir
nokkru útbjuggu þau ferskt
ávaxtasalat og stóðu þá fyrir fram-
an kvikmyndatökuvélarnar með
brýnda kuta og skáru niður epli,
appelsínur og fleira. Skyndilega
fann maður fyrir því að filman
hafði verið klippt og viti menn:
litla stúlkan með hnífinn var allt í
einu komin með plástur og eplið
orðið svolítið brúnleitt!
HÁÞRÝSTINGUR gerir
mörgum nútímamanninum lífið
leitt, en sem betur fer eru þó til
ýmis ráð við þessum leiða kvilla.
Nýverið kom t.d. út bók um
aðferðir prófessors í Baltimore við
að lækka blóðþrýsting sjúklinga
sinna. Hann heldur því fram að
fólk með of háan þrýsting tali
hraðar en aðrir. Meðferðin felst
þess vegna m.a. í því að kenna
sjúklingunum að tala hægar, taka
sér málhvíld og fleira í þeim dúr.
Hafi einhver áhuga, nefnist ritið
New ways to lower your blood
pressure og er eftir Claire Safran.
LYFJANOTKUN hefur mikið
verið til umræðu hér á landi að
undanförnu. í Bretlandi hafa þeir
kannað þessi mál og komist að
því, að um þriðjungur afgreiddra
lyfja endar í ruslakörfunni. Læknir
nokkur þar í landi heldur því þar
að auki fram, að nær sjöfalt færri
lyf væru notuð, ef fólk hætti alveg
SMARTSKOT
að reykja. Reykingamenn fá nefni-
lega miklu oftar meðul en
bindindismenn á tóbak.
HEITA og kalda drykki má
gjarnan fá úr nokkurs konar sjálf-
sölum á íslenskum vinnustöðum.
Þessi drykkjarvara er þó kanski
ekki jafnsakleysisleg og ætla
mætti samkvæmt rannsókn sem
gerð hefur verið í Wales. Þar kom
í ljós, að bakteríur voru í upp
undir helmingi heitu drykkjanna
og um 6% þeirra kældu.
TANNLÆKNINGAR og þá
ekki síst kostnaðarhliðin við þær,
þykja gjarnan kræsilegt umræðu-
efni. í breska tannlæknaritinu The
British Dental Journal var kast-
ljósinu hins vegar nýverið beint að
tannlæknunum sjálfum og líðan
þeirra. Þar kom í ljós í könnun
meðal tæplega 500 tannlækna, að
þeir eru alveg sérdeilis kvíðafullir
einstaklingar. Þriðjungur tann-
læknanna kvaðst óánægður í
vinnunni og fjöldinn allur
kvartaði undan ónotum í maga,
svimaköstum og löngun til að
bresta í grát, sem þeir urðu að
bæla niður fyrir framan
sjúklingana. Raunar var ástandið
mun betra meðal kvenkyns tann-
lækna en karlanna, hverju sem
það er nú að þakka.
VIÐRÆÐUÞÁTTUR ingva
Hrafns Jónssonar og Halls Halls-
sonar, „bestu fréttamanna lýð-
veldisins", eins og þeir eru
stundum kallaðir, við Albert
Gudmundsson vakti óskipta
athygli. Og gárungarnir voru
fljótir til að vanda. Nú er ekki
talað um fréttastofu ríkissjón-
varpsins lengur. Nú tala menn um
Sjónvarp Sjálfstœdisflokksins.
Litli kallinn og litli maðurinn Lilli sverfa lét til stáls, „Hvad er ad ske?"
en lagði vopnin niður. ALBERT GUÐMUNDSSON, FYRRUM IÐNAÐAR-
Það að vinna verk til hálfs RÁÐHERRA, I SPJALLI VIÐ INGA HRAFN JÖNSSON
er vondur siður. OG HALL HALLSSON SL. ÞRIÐJUDAGSKVÖLD.
Niðri
Ásta K. Ragnarsdóttir
, Já, það held ég sé óhætt að fullyrða! Hann er kannski ekki
hægur — en hávær er hann ekki."
— Hvernig er að vera gift Stuðmanni?
„Ég lít ekki á hann sem Stuðmann... Þegar ég kynntist
Valgeiri vissi ég ekki að hann var Stuðmaður því Stuðmenn var
leynihljómsveit á þeim tíma. Mér var þó kunnugt um að hann
var í Spilverki þjóðanna! Ég heyrði hann flytja þau lög sem Spil-
verkið var að leika inn á plötu og þannig kynntist ég honum —
og heillaðist. Þá voru Stuðmenn búnir að gefa út plötuna
„Sumar á Sýrlandi" en ég var svo græn að ég áttaði mig ekki
á að þetta væri sama fólkið! Það var síðan vinkona mín sem
benti mér á það. Hún var að hlusta á Spilverks-upptökuna og
sagði: „En þetta eru Stuðmenn!" Þannig vissi ég fyrst að Val-
geir væri Stuðmaður. Hann hafði ekki sagt mér það! Það má
því segja að ég hafi fengið hálfgert sjokk í fyrstu!"
— Semur þú sjálf, lög eða Ijóð?
,Já ég skrifa Ijóð í laumi."
— Hafa þau aldrei komið út?
„Nei nei, þetta er bara fyrir sjálfa mig. Svona nokkurs konar
unglingakomplexar".
— Hvað finnst þér um lagiö , ,Hægt og hljótt"?
„Mér finnst það alveg yndislegt lag og hefur alltaf fundist
svo, alveg frá upphafi. Ég heillaðist strax af því."
— Fylgdistu þá með frá því lagið varð til?
(AJá allan tímann."
— Þú hefur ekki komið nálægt textanum sjálf?
„Nei það gerði ég ekki. Ég fylgdist með úr fjarlægð og svo
var lagið sungið fyrir mig þegar það var fullgert."
— Ertu hlynnt keppni eins og Eurovision?
, Já — að minnsta kosti dró ég ekki úr Valgeiri að senda lag
í keppnina!"
— Hefurðu einhvern tíma reynt að hafa áhrif á laga-
eða textagerð Valgeirs?
irJá já — ég skipti mér svolítið af! Að vísu geri ég enga stóra
hluti en ef mérfinnsteinhverjir þættir mega beturfara þá hef ég
orð á því."
— Hvernig finnst þér sviðsljósið?
„Ég held mig alveg frá því."
— Þú verður ekki vör við að fólk viti að þú sért konan
hans Valgeirs Stuðmanns?
„Nei ég hef alveg losnað við slíkt. Ég hef reynt að halda mig
fyrir utan sviðsljósið því það er ágætt þegar hjón geta verið
tvær sjálfstæðar verur."
— Ætlarðu með til Brussel?
„Það er óvíst enn sem komið er. Ég hef hug á að vera við-
stödd en það kemur bara í Ijós hvort af því verður."
Ásta Kristrún Ragnarsdóttir er námsráðgjafi við Háskóla Islands. Hún
er llka eiginkona Valgeirs Guðjónssonar, þess hins sama og bjó til lagið
„Hægt og hljótt" sem sigraði í Söngvakeppninni á mánudagskvöldið.
Slmalínur útvarpsstöðvanna voru rauðglóandi á þriðjudagsmorguninn
og áheyrendur virtust flestir hafa myndað sér ákveðna skoðun á því
hvort lagið hefði átt að sigra eða ekki. Fáir þekkja þó Valgeir og lögin
hans betur en Ásta. Þau hafa búið saman (13 ár og eiga saman soninn
Árna Tómas sem verður 10 ára f maí. HP sló á þráðinn til Ástu og fékk
að heyra viðhorf hennar.
Er hann hægur og
hljóður sjálfur?
HELGARPÓSTURINN 3