Helgarpósturinn - 11.06.1987, Blaðsíða 35

FRÉTTAPÓSTUR
Lífeyrissjóðafrumvarpið
Fyrir helgina skilaði 17 manna nefnd undir stjórn Jó-
hannesar Nordal Seðlabankastjóra frumvarpi um starfsemi
lífeyrissjóða til fjármálaráðherra. Helstu efnisatriði frum-
varpsins eru þau að öllum er nú skylt að vera í lífeyrissjóði
án tilits til hvernig tekna er aflað. Lágmarksiðgjald er 10%
af öllum greiddum launum en ekki aðeins af dagvinnulaun-
um eins og nú er. Þá er stefnt að því að samræma löggjöf um
starfsemi lífeyrissjóða og koma á nefnd til að fylgjast með
starfsemi sjóðanna. Ábyrgð vinnuveitenda á þvi að sjóðirnir
geti staðið við skuldbindingar sínar er afnumin og á þetta
atriði við sjóði ríkisstarfsmanna, starfsmanna sveitarfélaga
og sjóði bankamanna. Einnig er ákvæði um það i frumvarp-
inu að við skilnað skiptist lífeyrisréttindi hjóna til helminga
óháð því hver það er sem aflar þeirra.
Hafskipsmálið
Fimmtudaginn 4. júní vísaði hæstiréttur frá dómi máli á
hendur sjö bankastjórum Útvegsbankans. í úrskurði hæsta-
réttar kom fram að ástæða frávisunarinnar var vanhæfi
Hallvarðs Einvarðssonar til að gegna starfi saksóknara í
þessu máli vegna setu bróður hans, Jóhanns Einvarðsson-
ar, í bankaráði Útvegsbankans frá 1. janúar 1985. Áður
hafði frávísunarkrafan verið tekin fyrir í sakadómi þar sem
henni var hafnað.
Hæstiréttur staðfesti hins vegar úrskurð sakadóms um að
hafna kröfu verjenda forsvarsmanna Hafskips um að kalla
fyrir dóm þá Albert Guðmundsson og Hallvarð Einvarðsson
og krefjast upplýsinga um lántökur Hallvarðs hjá Alberti.
Stjórnarmyndunarviðræður ;
Stjórnarmyndunarviðræður Alþýðuflokks, Frámsóknar-
flokks og Sjálfstæðisflokks hófust fimmtudaginn 4. júní
undir stjórn Jóns Baldvins Hannibalssonar formanns Al-
þýðuflokksins og hafa þær haldið áfram yfir helgina. Það
helsta sem hefur verið rætt um eru aðgerðir í efnahagsmál-
um, tekjuöflunarkerfi ríkisins, skattamál, atvinnumál,
landbúnaðar- og sjávarútvegsmál. Engar ákvarðanir hafa
verið teknar eða bindandi samkomulag gert á milli flokk-
anna. Helstu ágreiningsefnin eru í landbúnaðarmálum,
skattamálum og í sambandi við tekjuöflunarkerfi ríkisins.
Settar hafa verið undirnefndir þar sem ágreiningsefni þessi
hafa verið rædd enn frekar og áttu þær að skila af sér eftir
helgi. Eftir helgina ríkti bjartsýni með framhald viðræðn-
anna og að samningsgrundvöllur næðist.
Fréttapunktar
• Hrossin sjö frá Þverá sem týndust síðastliðinn vetur fund-
ust í vikunni dauð í fjalli nálægt bænum. Er talið líklegt að
þau hafi hrapað til bana í fjallinu.
• Siðustu tólf mánuði hefur atvinnuleysi á íslandi verið
0,7% og hefur það minnkað úr 0,9% frá því tólf mánuðina
þar á undan.
• Flugumferðarstjórar hafa farið sér hægt við vinnu und-
anfarna daga vegna kjaradeilu sem þeir eiga í. Felast aðgerð-
irnar aðallega i að fylgja út í ystu æsar þeim öryggiskröfum
sem gerðar eru.
• Keflavíkurganga Samtaka herstöðvaandstæðinga fór
fram laugardaginn 6. júní og tóku um 250—300 manns þátt
í henni. A eftir var haldinn baráttufundur á Lækjartorgi þar
sem söfnuðust saman um 2.000 manns.
• 30% flutningaskipa islensku skipafélaganna sigla undir
erlendum fána.
• Fegurðarsamkeppni íslands fór fram á Broadway annan
i hvítasunnu og var fegurðardrottning íslands og Reykjavík-
ur valin Anna Margrét Jónsdóttir, 21 árs Reykvíkingur. í
öðru sæti varð Magnea Magnúsdóttir og í því þriðja Sigriður
Guðlaugsdóttir.
• Samkvæmt könnun íþrótta- og tómstundaráðs komast
unglingar auðveldlega inn á skemmtistaði borgarinnar.
• 39,8 milljón króna tap varð á rekstri Sambandsins á síð-
asta ári þrátt fyrir að reksturinn gengi betur en árið 1985.
• Minjasafn Akureyrar er 25 ára um þessar mundir.
• Þessa dagana er unnið að því að endurbæta Þjórsárbrúna
og er búist við að einhver truflun verði á umferð af þeim
sökum.
• Byggðastofnun sækir um að fá að taka 255 milljón króna
erlent lán til viðbótar þeim erlendu lánum sem stofnunin
hefur þegar fengið leyfi til að taka. Illa hefur gengið að afla
fjármagns á innlendum vettvangi.
• Ný útvarpsstöð, Stjarnan, tók til starfa fimmtudaginn 4.
júní.
• Helena Albertsdóttir er hætt sem framkvæmdastjóri
Borgaraflokksins og er óvíst hver tekur við starfinu í henn-
ar stað.
• Mikil ölvun var í Húsafelli og á Geirsárbökkum um hvíta-
sunnuhelgina.
• Um hvitasunnuhelgina lést 15 ára piltur af völdum reyk-
eitrunar í tjaldi í Vaglaskógi.
• Gjaldskrá Pósts og síma hækkar þann 1. júlí um 9,5%.
Ástæða hækkunarinnar er mikill halli sem varð á rekstri
stofnunarinnar á síðasta ári og nam um 106 milljónum
króna.
• Verkstæði Vita- og hafnamálastofnunarinnar í Kópavogi
brann á þriðjudagskvöldið. Unnið hafði verið að því að rífa
húsið og leikur grunur á að bruninn hafi verið af manna
völdum.
• Fimmtudaginn 11. júní hefst í Reykjavík utanríkisráð-
herrafundur NATO-ríkjanna. Af því tilefni verður svæðið
umhverfis hótel Sögu lokað allri almennri umferð, en þar fer
fundurinn fram.
• Á þriðjudaginn var íslensku þjóðinni afhent allt skjala- og
bókasafn séra Jóns Sveinssonar, Nonna, og eru þetta á mUli
tvö og þrjú þúsund titlar.
• Ólafur Guðmundsson tók við embætti fræðslustjóra
Norðurlandsumdæmis á miðvikudaginn, en miklar deilur
hafa staðið um þetta embætti frá þvi Sverrir Hermannsson
menntamálaráðherra vék Sturlu Kristjánssyni úr embæti
fræðslustjóra síðastliðinn vetur.
Tökum hunda ígœslu
til lengri eða
skemmri dvalar
Hundagæsluheimili
Hundavinafélags íslands og
Hundaræktarfélags íslands
Arnarstööum, Hraungerðishreppi
801 Selfoss — Simar: 99-1031 og 99-1030
BILALEIGAN
Langholtsvegi 109
(í Fóstbræöraheimilinu)
Sækjum
og sendum
Greiösíukorta
þjónusta
Sími 688177
HDRMY
MURRAY-garðsláttuvélarnar aftur
fáanlegar á íslandi með Briggs &
Stratton-mótor. Takmarkaður fjöldi
véla á þessu frábæra verði. Tökum
frá vélar í síma 689699.
HVEILIIR
Kænuvogi 3(S.
Reykjavik,
Útselu- eg þjónustuaðilar:
Hvellur, Kænuvogi 36, sími 689699.
Framtaekni, Skemmuvegi 34 N, sími 641055.
Vélin, Kænuvogi, sími 685128.
Sölufélag garðyrkjumanna, Skógarhlíð 6, Rvík.
Húsasmiðjan, Reykjavík.
Gos, Ártúnshöfða.
Lækjarkot, Hafnarfirði.
Stapafell, Keflavík.
Málningarþjónustan, Akranesi.
G.Á. Böðvarsson, Selfossi.
Kaupf. Árnesinga, Selfossi.
Raforka, Akureyri.
K.E.A., Akureyri.
Bílaleiga Húsavíkur.
Brimnes, Vestmannaeyjum.
Rörverk, ísafirði.
Jón Fr. Einarsson, Bolungarvík
og einnig kaupfélög víða um land.
2ja ára ábyrgð
Verð 17.440.-
HELGARPÓSTURINN 35