Helgarpósturinn - 21.04.1988, Blaðsíða 30

SKOÐANAKÖNNUN SKÁÍS OG HP
Steingrímur Hermannsson. Hann er
enn langefstur á listanum. Á hinn
bóginn styttist stööugt bilið milli
hans og næsta manns.
Kristín Halldórsdóttir. Flýgur úr
fimmtánda sæti i hiö sjöunda.
Persónufylgi hennar hefur fjórfaldast
í raun.
Guðrún Agnarsdóttir. Hún er í fjórða
sæti og efst íslenskra stjórnmála-
kvenna. Fólk vill sjá hana máta ráð-
herrastól.
Jóhanna Sigurðardóttir. Hún komst í
annað sætið síðast, en lækkar nú
flugið. En hún er samt í fimmta sæti
og skákar um leið Jóni Baldvin.

Þórhildur Þorleifsdóttir. Þriðji ráð-
herra Kvennalistans í „skuggaráðu-
neytinu". Flýgur úr 20. sæti i hið átt-
unda og fimmfaldar persónufylgið.
Guðrún Helgadóttir. Persónufylgi
hennar fer stöðugt vaxandi á sama
tíma og fylgi Ólafs Ragnars fer þverr-
andi og fylgi Svavars hverfandi. Með
sama áframhaldi fer hún upp fyrir
Ólaf í næstu könnun.
Salóme Þorkelsdóttir. Augu sjálf-
stæðismanna beinast æ meir að
henni. í janúar voru 14 ráðamenn
Sjáifstæðisflokksins á undan henni
en nú eru þeir bara fimm!
Albert Guðmundsson. Fyrst hrundi
Borgaraflokkurinn og nú virðist for-
maðurinn ætla að fylgja í kjölfarið —
lækkar úr sjötta í sæti í hið ellefta og
fylgið um meira en helming.
STEINGRÍMUR ÞRIGGJA KVENNA MAKI
Pað er í fullu samrœmi uið „kraftaverk“ Kvennalistans
að konur allra flokka gera sig œ meir gildandi á lista HP
og SKAISyfir þá stjórnmálamenn sem njóta mests stuðn-
ings hér á landi. Nú eru 3 þingkonur Kvennalistans á
meðal 10 efstu stjórnmálamannanna og í öðrum flokk-
um eru konurnar farnar að ógna hefðbundinni forystu-
stöðu karla verulega. Um leið bendir flest til þess að yfir-
burðafylgi Steingríms Hermannssonar sé stöðugt að
dragast saman — kannski fyrst og fremst vegna þess að
stuðningsmenn Kvennalistans leita nú meir í eigin smiðju
í stað þess að benda umhugsunarlítið á Steingrím.
EFTIR FRIÐRIK ÞÓR GUÐMUNDSSON
í skoðanakönnun SKÁÍS og HP,
sem framkvæmd var um síðustu
helgi, voru þátttakendur beðnir að
tilefna 3 stjórnmálamenn sem þeir
vildu styðja. Sem fyrr hlaut Stein-
grímur Hermannsson utanríkisráð-
herra langflestar tilnefningar, eða
199 af alls 1.098 tilnefningum. Á
hinn bóginn er Steingrímur ekki sá
yfirburðamaður sem hann var í
fyrri könnunum. I janúar sl. náði
fylgi Steingríms hámarki miðað við
næstu menn og náði hann 140%
fleiri tilnefningum en næsti maður.
Þetta hlutfall er nú komið niður í
83%, sem auðvitað telst enn mikið.
En hlutur hans af heildartilnefning-
um hefur lækkað úr 22,6% í 18,1%
og um leið má álykta að hann hafi
„glatað stuðningi" fimmtungs
þeirra sem tilnefndu hann í janúar.
ÞRJÁR Á TOPP TÍU
Skýringuna er án mikils efa að
finna í tangarsókn Kvennalistans og
kvenna almennt. 1 mars sýndum við
fram á að um helmingur stuðnings-
manna Kvennalistans tilnefndi
Steingrím Hermannsson sem stjórn-
málamann sem styðja mætti. í janú-
ar þótti áberandi hversu Kvenna-
listakonur voru lítt áberandi á listan-
um, en í mars var kominn skriður á
Gudrúnu Agnarsdóttur. Nú eru það
hins vegar Kristín Halldórsdóttir og
Þórhildur Þorteifsdóttir sem rjúka
upp listann. Þessar þrjár Kvenna-
listakonur eru nú komnar í hóp 10
efstu stjórnmálamanna. Þær eru nú
samtals með 88% af tilnefningum
Steingríms — en í janúar var hlutfall
þetta aðeins 28%. Um leið koma
fram áður „týndar" Kvennalista-
konur. Sigrídur Dúna Kristmunds-
dóttir „endurfæðist", þessi fyrrver-
andi þingkona, sem að mestu hefur
horfið úr hringiðu stjórnmálanna,
rýkur óvænt upp í 20. sæti. Kristín
Einarsdóttir hlaut ekki eina einustu
tilnefningu í janúar, en stekkur nú
framfyrir t.d. ráðherrann Matthías
Á. Mathiesen og þingflokksfor-
mennina Steingrím Sigfússon og Pál
Pétursson.
KÖRLUM ÝTT TIL HLIÐAR
En sókn kvenna er ekki bundin
við Kvennalistann, hennar sér víðar
stað. 8 efstu konurnar eru nú frá 27.
sæti og upp úr með 27% tilnefninga.
í janúar voru 8 efstu konurnar frá
42. sæti og upp úr og það með að-
eins 13,5% tilnefninga. í Alþýðu-
flokki dalar Jóhanna Sigurdardóttir
að vísu nokkuð frá því síðast, en þá
hafði hún hlotið fylgissveiflu vegna
húsnæðismálanna. En hún hefur nú
í tveimur könnunum í röð skákað
flokksformanni sínum, Jóni Baldvin
Hannibalssyni. \ Alþýðubandalag-
inu fer sól Gudrúnar Helgadóttur sí-
hækkandi. Á meðan hlutur hennar
af heildartilefningum hefur hækkað
frá því í janúar úr 1% í tæp 2%, sem
er ekki lítið, hefur hlutur flokksfor-
mannsins, Olafs Ragnars Grímsson-
ar, lækkað úr tæpum 3% í 2,2%. Um
leið hefur sól Suauars Gestssonar
lækkað hraðbyri, kominn úr sjö-
unda sæti janúarmánaðar í hið fjórt-
ánda, og Steingrímur Sigfússon
hrapar úr 11. sæti í mars í 30,—33.
sæti. í Sjálfstæðisflokki er Salóme
Þorkelsdóttir farin að hljóta þó
nokkrar tilnefningar. Alls 14 íhalds-
karlar skákuðu henni í janúar, en nú
voru þeir ekki nema 5! I Borgara-
flokki er Aöalheidur Bjarnfreðsdótt-
ir eini þingmaðurinn, fyrir utan
Albert Guðmundsson, sem al-
mennilega kemst á blað. Það er að-
eins í Framsóknarflokknum sem
„kvennabyltingin" sést hvergi, sem
ekki kemur á óvart, því Valgerður
Sverrisdóttir hefur lítið látið á sér
bera í vetur.
BJÓRINN HEFUR AHRIF
Að frátalinni kvennasveiflunni er
það Arni Gunnarsson sem er
„spútnik" persónukönnunar að
þessu sinni. Uppsveifla hans undir-
strikar mikil áhrif þess á niðurröðun
listans hvaða mál eru efst á baugi í
hvert sinn og hvaða menn gera sig
gildandi í umræðunni. Á föstudags-
kvöldið komu þeir fram í sjónvarpi
og deildu um bjór, Árni og Olafur G.
Einarsson. Árni varaði þar við
bjórnum og mælti með þjóðarat-
kvæðagreiðslu og virðist sem fjöl-
margir hafi verið sammáia Árna. Á
sama tíma hrynja þeir niður listann
aðalflutningsmenn bjórfrumvarps-
ins, Jón Magnússon og Geir Haarde,
sem áður voru „verðlaunaðir" fyrir
frumvarpið. Helsta skýringin á þess-
ari sveiflu er, að á laugardaginn,
þegar könnunin var framkvæmd,
var kominn uppgjafartónn í marga
bjórsinna — flest benti þá til þess að
þingið samþykkti þjóðaratkvæði og
um leið yrði bjórfrumvarpið að öll-
um líkindum fellt.
Auk Árna er það Suerrir Her-
mannsson sem af karlmönnum
virðist á marktækri uppleið. Hann
var einnig mikið í umræðunni
vegna bjórmálsins. Þá fer vegur
Eriðriks Sophussonar, iðnaðarráð-
herra og varaformanns Sjálfstæðis-
flokksins, vaxandi.
HULDUHER Á FLÓTTA
Auk bjórmannanna Jóns og Geirs
virðast nokkrir aðrir þingmenn
vera að lækka flugið. Ber þar fyrstan
að nefna formann Borgaraflokksins,
Albert Guðmundsson. Það hefur
komið rækilega í ljós í skoðana-
könnunum HP (og DV) að fylgi
Borgaraflokksins er að hrynja. En
hingað til hefur Albert haldið per-
sónufylgi sínu að mestu. I janúar var
hann í 6. sæti með 4,6% tilnefninga
og hann sótti heldur á í mars-könn-
uninni. Að þessu sinni lendir Albert
í 11. sæti og í stað 4,8% fær hann nú
aðeins 2% tilnefninga. Sjálfur hefur
Albert engar skýringar tiltækar á
þessari niðurstöðu, að öðru leyti en
að vísa til þess að Borgaraflokkur-
inn hafi verið útilokaður í öllum fjöl-
miðlum. Aðrir fyrrum „þungavigt-
armenn" lenda nú neðarlega á lista.
Matthías Á. Mathiesen samgöngu-
ráðherra var í 15.-16. sæti í janúar
en lendir nú í 25.-29. sæti. Matthías
Bjarnason var í janúar í 14. sæti, en
er nú í 30.—33. sæti. Karuel Pálma-
son var í janúar í 12. sæti, en er nú
ekki meðal 36 efstu manna.
Stuðningur við stjórnmálamenn í apríl
Fylgishlutfall (%)
Röð (Mars) Stjórnmálamaður (tilnefningar) Jan. Mars Apríl
01 (01) Steingrímur Hermannsson (199) 22,6 19,3 18,1
02 (03) Þorsteinn Pálsson (109) 9,4 9,9 9,9
03 (04) Halldór Ásgrímsson (91) 10,5 9,3 8,3
04 (05) Guðrún Agnarsdóttir (79) 3,7 7,8 7,2
05 (02) Jóhanna Sigurðardóttir (75) 5,0 11,2 6,8
06 (07) Jón Baldvin Hannibalsson (62) 5,4 4,3 5,6
07 (15) Kristin Halldórsdóttir (49) 1,4 1,2 4,5
08 (20) Þórhildur Þorleifsdóttir (47) 1,2 0,8 4,3
09 (12) Friðrik Sophusson (38) 1,7 1,9 3,5
10 (09) Ólafur Ragnar Grímsson (24) 2,9 2,5 2,2
11 (06) Albert Guðmundsson (22) 4,6 4,8 2,0
12 (16) Guðrún Helgadóttir (21) 1,0 1,2 1,9
13 (32) Árni Gunnarsson (19) 0,4 0,4 1,7
14 (08) Svavar Gestsson (18) 4,1 3,5 1,6
15 (13) Davíö Oddsson (17) 1,9 1,5 1,5
16 (10) Jón Sigurösson (15) 2,0 2,1 1,4
17 (17) Ólafur G. Einarsson (14) 1,0 1,0 1,3
18 (21) Birgir ísleifur Gunnarsson (10) 1,0 0,7 0,9
19 (19) Guðmundur Bjarnason (9) 1,1 0,8 0,8
20 (43) Sigríður Dúna Kristmundsdóttir (9) 0,2 0,3 0,8
21 (29) Halldór Blöndal (8) 0,7 0,5 0,7
22 (27) Kjartan Jóhannsson (8) 0,5 0,6 0,7
23 (42) Salóme Þorkelsdóttir (8) 0,1 0,3 0,7
24 (45) Sverrir Hermannsson (8) 0,0 0,3 0,7
25 (30) Eiður Guðnason (7) 0,6 0,4 0,6
26 (33) Hjörleifur Guttormsson (7) 0,9 0,4 0,6
27 (36) Kristin Einarsdóttir (7) 0,0 0,4 0,6
28 (23) Matthías Á. Mathiesen (7) 1,4 0,7 0,6
29 (31) Ragnar Arnalds (7) 0,3 0,4 0,6
30 (14) Geir Haarde (6) 0,7 1,4 0,5
31 (18) Jón Magnússon (6) 0,2 0,9 0,5
32 (22) Matthías Bjarnason (6) 1,6 0,7 0,5
33 (11) Steingrímur Sigfússon (6) 0,9 2,0 0,5
30 HELGARPÓSTURINN