Morgunblaðið - 04.05.1967, Blaðsíða 3
MORGUNBLAÐIÐ, FIMMTUDAGUR 4. MAÍ 1967.
3
Jón Auðuns, dómprófastur:
Ferðin, sem
verður farin
BRÁÐSNJÖLLUM fyrirlestrum
um lifa og dauða lauk próf. Sig.
Nordal með dæmisögunni: Ferð-
in, sem aldrei var farin. Þegar
spekingurinn Markús Árelíus
keisari sá, að af frábærum mann
dómi hafði Lúkius búizt til þeirr-
ar ferðar, sem honum var ætluð,
leysti hann Lúkíus undan ferð-
inni. Hún varð aldrei farin.
Hvort sem við búumst vel eða
illa til ferðar héðan af heimi,
leysir okkur enginn undan
þeirri ferð. Uppstigningardagur-
inn minnir okkur á hana. Því
hugsum við um hana í dag.
„Ég ferðast og veit, hvar mín
för stefnir á“, segir í fögrum
sálmi. í kristilegum bókmennt-
um er dauðanum oft líkt við
ferð, og raunar jarðlifinu líka.
Við vitum ekki, hvenær ferðin
hófst. Við vitum ekki heldur,
hvar henni lýkur. En að henni
Ijúki þar sém þú tekur fyrst
land eftir dauðann, þykir mér
ótrúlegt mjög.
Þó er sú kenning ráðandi í
lúterskum hugmyndaheimi.
„Rétttrúaður" maður ætlar, að
á andlátsstundinni séu endanleg
örlög mannssálarinnar innsigl-
uð, eftir það verði engu breytt,
engir möguleikar gefist síðar til
að ávinna sér betra hluts'kipti,
og engir möguleikar til hins
gagnstæða. Eilíf örlög séu inn-
sigluð á andlátsaugnablikinu.
Og því sé fráleit heimska, að
biðja fyrir breiskum látnum
mönnum.
Þetta er lútersk kenning en
ekki rómv. kaþólsk, eins og þeir
vita, sem hlýddu á sálumessuna
í minningu Adenauers í Landa-
kotskirkju á dögunum.
Uppstigningardagurinn styður
ekki þessa hugmynd. Hann
segir að eftir andlátið hafi
Kristur ekki farið viðstöðulaust
upp í himin hæstu dýrðar, held-
ur til Paradísar, og dvalið þar
um skeið, unz hann steig þá
fyrst upp í himin dýrðarinnar.
Þó er sungið og sagt um venju
legt nýdáið fólk, að það sé kom-
ið í „fullsæluna" á himnum.
Venjulegu, breisku og nýdánu
fólki er þá ætluð dýrðartilvera
meiri en Ntestamentið virðist
ætla sjálfum Kristi fyrst eftir
krossdauðann!
Á Golgata sagði hann við
annan þeirra, sem með honum
voru krossfestir: „1 dag skaltu
vera með mér í Paradis.“
Þar áttu þeir báðir að vakna
af banablundinum þennan sama
dag.
Skammt er liðið frá kross-
festingunni. Uppstigningardagur
er kominn, og þá hverfur Krist-
ur úr Paradís. En hvert? Hann
stígur til himins, hærra upp.
Paradís varð ekki endanlegt
heimkynni hans.
Hann hélt ferðinni áfram.
Mun ekki þetta lögmál, sem
allir verða að lúta, ferð sem
allir eiga að fara? Þrátt fyrir
allt kenningamoldviðrið um
Krist sem „Guð og mann“, var
hann líka maður, undir mann-
legt eðli seldur. Verður þá ekki
ferðin hans á sínum tíma líka
ferðin þín?
Ég er ekki að skipa þér að
trúa einu né öðru. Ég er að
tala í þessum greinum við þig
um hluti, sem ég .býst við að
leiti á huga þinn líkt og minn.
Hvort þykir þér trúlegra, að
endanleg örlög mannssálarinn-
ar séu innsigluð á andlátsstund-
inni, — eða að þín bíði mikil
ferð um nýja og nýja heima,
með nýrri og nýrri reynslu, nýj-
um og nýjum lærdómum til að
þoka þér nær fjarlægum mark-
miðum, sem Guð ætlar þér að
ná?
Mér skilst að uppstigningar-
dagurinn bendi eindregið til
þess, að vegferð sé framundan,
heimkynni mörg ög heimar.
En ein spurning vaknar á
uppstigningardegi.
Því afturhvarfi til gamalla
hugmynda og kenninga, sem
guðfræðingar margir beita sér
fyrir nú, fylgir eindregin við-
leitni til að endurvekja trúna á
upprisu holdsins á efsta degi.
Trúir þú því, að í allsherjar-
upprisu á dómsdegi íklæðist j
sálin aftur gamla líkamanum, I
þegar „lúðurinn glymhár mui |
gjalla“, grafirnar opnast og
holdið rís upp? Eða trúir þú
hinu, að í andlátinu skilji sólia i
endanlega við líkamann ogj
haldi ferð sinni áfram, alger-j
lega óháð honum- Hvoru trúi»j
þú? Hvorutveggja getur þAi
ekki trúað. En vertu hreinskil- j
inn. „Af jörðu skaltu aftur upp ■
rísa“, er stundum sagt enn,.
þegar lik er ausið moldu. Trúa •
þessu raunverulega allir, sem
taka sér þessi orð í munn?
í þeirri „endurvakningu"
kirkjunnar, sem nú er sögð f
vændum og raunar nú þegar f
fullum gangi, er einn þátturinn
sá, að menn taki að trúa á upp-
risu holdsins á efsta degi. Getur
það orðið til framdráttar kirkju
og kristindómi, að vekja upp þfc
hugmynd?
Mun ekki annað tveggja: A8
sálin haldi áfram sinni ferð^
hvað sem um jarðneska holds-
fatið verður, — eða þá að hún
deyi hreinlega út með þvi?
íhugaðu boðskap uppstign-
ingardagsins.
Hvað segir hann þér um þesal
efni?
Anna Áslaug Ragnarsdottir, p ianó, Gunnar Björnsson, cello
og Guðný Guðmundsdóttir, f iðla.
Þrír Ijúka einleiksprófi
ÞRÍR nemendur Tónlistarskól-
ans í Reykjavík ljúka einleik-
araprófi frá skólanum í vor.
Sjálfstæðir tónleikar eru veiga-
mesti liður prófsins og verða
þeir haldnir í Austurbæjarbíói.
Fyrstu tónleikarnir verða föstu
daginn 5. maí kl. 7.15 og þeir
eíðari mánud. 8. maí og þriðju-
dag 9. maí kl. 7.15 báða dagana.
Á tónleikunum á föstudag
leikur Guðný Guðmundsdóttir
á fiðlu, undirleik á pianó ann-
ast Vilhelmína Ólafsdóttir. A
mánudag leikur Anna Aslaug
Ragnarsdóttir á píanó og loks
leikur Gunnar Björnsson á celló
fc tónleikunum á þriðiudag, við
píanóið verður Jónas Ingimurd
arson. Velunnurum skólans er
boðið á tónleikana og eru að-
göngumiðar afhentir í Tónlrst-
arskólanum Skipholti 33.
Sundmeislara-
mótið 24. og
25. )úní n.k.
ÍSLANDSMÓTIÐ 1 sundi verð-
ur haldið 24. og 25. júni í nýju
lauginni 1 Laugardalnum. Sund
þingið verður haldið 1 sam-
bandi við mótið 24. júni, Úr-
slitaleikur sundknattleiksmóts
íslands fer fram síðari mótsdag-
inn.
REYKVfKINGAR, sem leið
hafa átt um miðborgina, hafa
tekið eftir því að eitthvað
stendur til. Miðborgin er og
ýmsar verzlanir hafa skreytt
glugga sína ítölskum fánalit-
um og ítölskum varningi. Við
Háskólabíó og Hótel Sögu
blakta stórir ítaiskir fánar, og
í anddyri Háskólabíós hafa
bíógestir getað séð fjölskrúð-
uga ítalska fatnaðarsýningu,
ítalska sportbifreið, ítalskar
skrifstofuvélar o. fl.
Allt þetta umstang er i
sambandi við 10 daga sýningu,
sem hér hefst í dag, upp-
Við komu ítalska sendiherrans i gær. Á myndinni eru, talið frá vinstri: prófessor Marco 1
Scovazzi, frú Scovazzi, dr. Luigi Morrone, verzlunarfulltrúi ítalska sendiráðsins, Adalberto
F. di Gropella sendiherra, Thor R. Thors aðalræðismaður og dr. Mario Marcelli fuiitrúl
I. C. E. ______
Italska svningin opnuð í dag
stigningardag og nefnist „La
Linea Italiana", eða ítalska
linan. Menntamálaráðherra ís-
lands, Gylfi Þ. Gíslason, opn-
ar sýninguna í Háskólabíói
fyrir hádegi að viðstöddum
ýmsum boðsgestum, en eftir
hfcdegi og næstu 10 daga verð-
ur svo sýningin opin almenn-
ingi. Sýningin er haldin fc
vegum I. C. E. eða utan-
ríkisviðskiptastofnunarinnar 1
Róm, viðskipta- og menning-
ardeildar sendiráðs Ítalíu 1
Osló, og skrifstofu ítalska að-
alræðismannsins í Reykjavík.
Kom sendiherra Ítalíu á ís-
ladi, Adalberto Figarolo di
Gropello, sem búsettur er i
Osló, með flugvél Flugfélags
íslands frá Bergen í gær i
tilefni sýningarinnar ásamt
prófessor Marco Scovazzi og
konu hans en prófessorinn
flytur hér fyrirlestur fc vegum
Háskóla íslands á laugardag
um ítalska og íslenzka menn-
ingu.
Auk sýningarinnar i Há-
skólabíói og fyririesturs dr.
Scovazzis, býður sýningin upp
á fleira. f eldhúsi Hótel Sögu
verður starfandi fyrsta flokks
italskur matreiðslumeistari, og
gefst gestum kostur á að
bragða ljúffenga italska rétti.
Þá koma hingað til lands á
laugardag ítalskar sýningar-
stúlkur, sem halda tízkusýn-
ingu í Súlnasal Hótel Sögu fc
mánudag og þriðjudag, og er
hætt við að færri komist þar
að en vilja. Einnig verður at-
hyglisvert að fylgjast með
gluggaskreytingum verzlan-
anna, því efnt hefur verið til
samkeppni um beztu lausnina,
og eru fyrstu verðlaun far
fyrir tvo til Rómar og heim
aftur með vikudvöl á úrvals
hóteli. Loks munu svo kvik-
myndahúsin sýna italskar
kynningar- og fræðslumyndir.
Verndari sýningarinnar er
Gylfi Þ. Gíslason, mennta-
málaráðherra.