Morgunblaðið - 20.12.1988, Blaðsíða 34
34
MORGUNBLAÐIÐ, ÞRIÐJUDAGUR 20. DESEMBER 1988
Breiðholtsútibú Félagsmálastofiiunar:
Vonum að takist að
ráða nýtt starfsfólk
- segir félagsmálastjóri
„VIÐ erum að reyna að ráða
fólk í staðinn fyrir þá sem sagt
hafa upp og eru að fara i leyfi
í Breiðholtsútibúi og höfum von-
ir um að það geti tekist,“ sagði
Sveinn Ragnarsson félagsmála-
stjóri vegna yfírlýsinga yfirfé-
lagsráðgjafa Breiðholtsútibús
stofhunarinnar þess efiiis að
útilit sé fyrir að þjónusta útibús-
ins lamist upp úr áramótum.
Sveinn sagði að tveir starfsmenn
hefðu sagt upp, einn fengið sig
fluttan annað, tveir að fara í bams-
burðarleyfi og einn í launalaust leyfi
um skamma stund. Hann sagði að
þetta væri lítill hluti af starfsfólki
stofnunarinnar í heild, en alls starfa
þar yfir 40 félagsráðgjafar og fólk
með sambærilega menntun, en það
þyngdi málið að allt lenti þetta á
einu og sama hverfinu. Því gætu
orðið einhverjir erfiðleikar um
stundarsakir á meðan nýtt fólk
væri að komast inn í málin.
Félagsráðgjafar hjá Félagsmála-
stofnun eru óánægðir með álag í
starfi og launakjör sín, sem þeir
segja lægri en hjá félagsráðgjöfum
á Borgarspítalanum og hafa lýst
ábyrgð á hendur borgaryfirvöldum
vegna þess ástand sem sé að skap-
ast vegna þessa. Sveinn sagði að
álagið væri vissulega mikið, en
launin væru svipuð og á Borg-
arspítalanum.
Ráðherrar, ráðuneytisstjórar og að-
stoðarmenn ráðherra:
Ríkið greiðir hótel
auk dagpeninganna
RÍKISS JÓÐUR greiðir hótelreikn-
inga ráðherra, ráðuneytisstjóra
og aðstoðarmanna ráðherra á
ferðalögum erlendis, auk dag-
peninga samkvæmt ákvörðun
ferðakostnaðarnefiadar. Ráðu-
neytisstjórarnir og aðstoðarmenn-
irnir £á fúlla dagpeninga og ráð-
herrarnir fúlla dagpeninga og
20% álag að auki.
Lækjargata:
Stúlka
slasaðist
EKIÐ var á 21 árs gamla
stúlku í Lækjargötu, móts við
Amtmannsstíg, laust eftir
miðnætti aðfaranótt mánu-
dags. Hún fótbrotnaði og
hlaut áverka í andliti og var
flutt á sjúkrahús.
Stúlkan, sem er sænsk, varð
fyrir bíl sem ekið eftir vinstri
akrein suður Lækjargötu. Öku-
maðurinn mun ekki hafa orðið
stúlkunnar var þegar hún fór
út á götuna á milli kyrrstæðra
bfla á hægri akrein.
Frá tónleikunum í Gerðubergi á sunnudagínn.
Morgunblaðið/Bjarni
Islenska hljómsveitín í Gerðubergi
Tónleikar til heiðurs Jórunni Viðar og Jóni Ásgeirssyni
ÞRIÐJA efiiisskráin úr „Nám-
um“ íslensku hljómsveitarinnar
var flutt I menningarmiðstöð-
inni Gerðubergi á sunnudaginn.
Fimmtánda öldin var þá gerð
að yrkisefiii. Tónleikarnir voru
haldnir til heiðurs tveimur tón-
skáldum, sem eiga merkisaf-
mæli í ár, þeim Jórunni Viðar
og Jóni Ásgeirssyni.
Jóhanna V. Þórhallsdóttir alt-
söngkona, Viðar Gunnarsson
bassasöngvari og íslenska hljóm-
sveitin undir stjóm Guðmundar
Emilssonar frumfluttu tónverkið
„Klukkukvæði" eftir John Speight
við samnefnt og frumort kvæði
Hannesar Péturssonar. A undan
tónlistarflutningi var afhjúpað
málverk sem Einar Hákonarson
hefur gert og hann nefnir „Við
Klukkukvæði".
„Námur“, tónleikaröð íslensku
hljómsveitarinnar, fjalla um til-
tekin brot úr íslandssögunni.
Dagpeningar ferðakostnaðar-
nefndar eru mismunandi eftir lönd-
um og taka mið af dvalarkostnaði í
viðkomandi löndum. Þeir eiga að ná
til uppihalds og gistingar. Ráðherr-
ar, ráðuneytisstjórar og aðstoðar-
menn ráðherra fá gistikostnaðinn þvi
tvígreiddan. Staðgreiðsla er dregin
af gistingarhluta dagpeninganna og
álagi en staðgreiðsla er almennt ekki
dregin af dagpeningum sem ríkis-
starfsmenn fá á ferðalögum sínum
erlendis.
Ráðherrar eru einu embættis-
mennimir sem mega hafa maka með
sér á kostnað ríkisins á ferðalögum
erlendis. Makinn fær 20% af dag-
peningum ferðakostnaðamefndar
auk þess sem ríkið greiðir farseðil
og hótelreikning á sama hátt og ráð-
herrans.
Aðrir ríkisstarfsmenn fá ferða-
kostnað sinn endurgreiddan í formi
dagpeninga, þar á meðal forstöðu-
menn ríkisstofnana, samkvæmt upp-
lýsingum Jónasar H. Jónssonar deild-
arstjóra í Ríkisbókhaldi. Undantekn-
ingar eru þó einhveijar. Til dæmis
sagði Jónas að dæmi væri um að ef
ráðherra óskaði eftir að hafa sendi-
nefndir hjá sér á dýru hóteli fengju
menn hótelreikning greiddan en
skerta dagpeninga. Slíkar undan-
tekningar eru ákveðnar af ráðherra.
Engin gárveiting til byggingar heilsugæslustöðva í Reykjavík:
Reginhneyksli að Reykja-
vík fái ekki framlög
- segir Davið Oddsson borgarstjóri
„ÞAÐ er reginhneyksli að þegar
uppbygging heilsugæslustöðva
úti á landi er langt komin og því
hefúr verið lýst yfir að nú sé
komið að Reykjavík skuli Qár-
veitingamefiid leggja til að
Reykjavíkurborg fái ekki neinn
hlut af stofnframlögum til
heilsugæslustöðva,“ sagði Davíð
Oddsson borgarstjóri. A föstu-
dag samþykktu borgarráðsfull-
trúar allra flokka tillögu þar sem
lýst er fúrðu á þessum tillögum
og var ályktunin send til þing-
manna Reykjavíkur.
í ályktuninni kemur fram 230
milljónir kr. væru til skiptanna í
þessum málaflokki í fjárlagafrum-
varpi en Reykjavíkurborg hafi sótt
um 100 milljónir kr. til að ljúka
framkvæmdum við þær heilsu-
gæslustöðvar sem nú eru í bygg-
ingu, það er við Hraunberg og Vest-
urgötu. Síðan segir: „Borgarráð
lýsir furðu sinni á þessari tillögu-
gerð sem hlýtur að leiða af sér
stöðvun framkvæmda og skorar á
alla þingmenn Reylqavíkur að beita
sér fyrir eðlilegum flárveitingum til
umræddra heilsugæslustöðva á
fjárlögum 1989, en alkunnugt er
að Reykjavík hefur fengið hlutfalls-
lega mun lægri framlög til heilsu-
gæslustöðva á liðnum árum en önn-
ur kjördæmi."
„Ef þetta verður afgreitt svona
í þinginu, sem ég trúi ekki fyrr en
ég tek á því, er endanlega orðið
ljóst að þingmenn Reykjavíkur láta
sig kjördæmi sitt engu skipta. Ég
skil heldur ekki hvemig heilbrigðis-
ráðherra getur litið á sig sem ráð-
herra alls landsins ef þetta gengur
eftir,“ sagði Davíð Oddsson.
Flugleiðir bjóða út þjónustu í Keflavik:
Breytingar snerta
40 starfsmenn
Samruni Almennra og Sjóvár:
Viðskiptasamningar munu
haldast og þjónusta batna
SAMNINGAR viðskiptamanna Almennra trygginga hf og Sjóvár hf
við félögin munu halda gildi sínu gagnvart nýja félaginu, eftir að þau
sameinast. Stefint er að því að samruninn verði í janúar næstkom-
andi. Þá verða hluthafafundir félaganna og á þeim verður tekin endan-
leg ákvörðun um samrunann. „Þetta er almennt á réttu róli. Það
hafa ekki komið upp nein atvik sem ættu að hindra framgang þessa
máls,“ segir Einar Sveinsson forstjóri Sjóvár. Almennar safiia nú hlut-
afé til þess að undirbúa samrunann og styrkja stöðu sína, að sögn
Ólafs B. Thors forstjóra.
Ólafur segir að endanleg dagsetn-
ing sameiningarinnar hafi ekki verið
ákveðin, en stefnt sé að lokum jan-
úar eða byijun febrúar. Hluthafa-
fundur í janúar mun taka endanlega
ákvörðun um málið. Nú stendur yfir
hlutafjársöfnun Almennra og henni
þarf að ljúka áður en af samruna
verður.
Hann segir ekki liggja ljóst fyrir
ennþá hver hlutaskipti Almennra og
Sjóvár verða í nýja félaginu. Mark-
aðshlutdeild beggja félaganna er nú
samanlagt um 31%. Þar af hafa Al-
mennar um 12,5%.
Félögin munu fyrst um sinn starfa
á tveimur stöðum þar sem aðalstöðv-
ar þeirra eru nú, Almennra við
Síðumúla og Sjóvár við Suðurlands-
braut í Reykjavík, auk útibúa og
umboða. Seint á næsta ári er gert
ráð fyrir að öli starfsemi aðalskrif-
stofu flytjist í nýbyggingu sem er
að rísa við Kringluna í Reykjavík.
Báðir telja forstjóramir að mikil
hagræðing náist með þessari samein-
ingu. Ólafur var spurður hvort starfs-
fólki verði fækkað. „Það er ljóst að
innan félaganna er margt mjög hæft
starfsfólk og það er verið að vinna
að því að njóta þeirra krafta eftir
sameininguna. Þegar starfsemin er
komin í endanlegt form verður þó
ekki þörf fyrir alla. Þetta em hins
vegar það margir starfsmenn að
nokkur endumýjun á sér alltaf stað,
þannig að við vonum að við þurfum
ekki að segja upp fólki, að við getum
látið nægja að ráða ekki í stöður sem
losna.“ Um 120 manns vinna hjá
báðum félögunum.
„Það er ljóst að við ætlum okkur
að ná fram hagræðingu," sagði Ein-
ar Sveinsson. Hann nefndi að mikið
sparaðist í húsnæðiskostnaði, fjár-
munir ávöxtuðust betur og þjónusta
muni batna þar sem starfsmenn
beggja félaganna leggja saman
krafta sína. „Við ætlum að styrkja
samkeppnisstöðu okkar, við getum
til dæmis lagt saman krafta í mark-
aðsdeildum og tjónadeildum félag-
anna og boðið betri þjónustu. í stað
þess að keppa hver við annan getum
við sameinaðir keppt við hina,“ sagði
Einar.
FLUGLEIÐIR eru um þessar
mundir að leita eftir tilboðum í
ýmsa þjónustu félagsins á
Keflavíkurflugvelli. Um er að
ræða hlaðvinnu fyrir flugvélar,
ræstingu flugvéla, ræstingu
þeirra svæða sem Flugleiðir hafa
á leigu í Flugstöð Leifs Eiríksson-
ar, ræstingu þj ónustubyggingar
félagsins á Keflavikurflugvelli og
ýmsa tímavinnu samkvæmt beiðni
Flugleiða. Sumir þessara þátta eru
nú unnir á vegum Flugleiða og
munu þessar breytingar snerta um
40 starfsmenn fyrirtækisins.
Þeirri hugmynd hefúr verið
hreyft að einhveijir starfsmanna
bjóði í verkið.
„Það hefur áður verið töluvert um
útboð á vegum Flugleiða," sagði Ein-
ar Sigurðsson, blaðafulltrúi Flug-
leiða. Nefndi hann sem dæmi hrein-
gemingar á Hótel Esju, fraktflutn-
inga innanlands og bakstur fyrir
flugið og hótelin. Þetta væri því eng-
in ný stefna sem verið væri að taka
upp heldur liður í þeirri stöðugu við-
leitni að ná sem mestri hagræðingu
í öllum rekstrarþáttum. „Þetta er
bara þáttur í áframhaldandi þróun í
fyrirtækinu," sagði Einar.
Þeir þættir sem nú væri verið að
bjóða út væru í dag að hluta til á
vegum félagsins, s.s. hleðsluvinnan,
en aðrir þættir væru unnir af verk-
tökum. Væri nú verið að sameina
þessa þjónustu undir einn hatt.
„Þetta hefur verið til umræðu í all
nokkum tíma og það var ákveðið í
haust að hentugast yrði að bjóða
þessa verkþætti út. Þessar breyting-
ar snerta um 40 starfsmenn fyrir-
tækisins og hefur verið talað um það
sem einn af möguleikunum að ein-
hveijir af starfsmönnunum byðu í
verkið."
Menntamálaráðuneytið:
Stefiit að
jafhari kynja-
skiptingu ‘
AÐILAR sem tilnefiia eiga
fúlltrúa í nefndir á vegum
menntamálaráðuneytisins
eru nú beðnir um að benda
á bæði karl og konu til starf-
ans. Ráðherra mun síðan að
velja þar á milli með það sjón-
armið til hliðsjónar að hafa
sem jafnasta kynjaskiptingu
í nefndinni.
Svavar Gestsson, mennta-
málaráðherra ákvað að taka
upp þennan hátt eftir að könn-
un á vegum Jafnréttisráðs
leiddi í ljós að konum hefur
fækkað í nefndum, stjómum
og ráðum hjá ríkinu. Mennta-
málaráðuneytið hefur ekki
lagaheimild til að fyrirskipa
þessa aðferð, en bendir þeim
sem skipa eiga menn í nefndir
á þennan möguleika. í dreifi-
bréfi því sem ráðuneytið sendir
til viðkomandi aðila segir að
regla sem þessi gildi bæði í
Noregi og Danmörku og hafi
hún leitt til þess að hlutur
kvenna í nefndum hafi aukist
mjög.