Morgunblaðið - 23.08.1991, Side 20
20
MORGUNBLAÐIÐ FÖSTUDAGUR 23. ÁGÚST 1991
VALDARANIÐ
I KREML MISTOKST
Gorbatsjov ræðir við fréttamenn við
komuna til Moskvu í fyrrinótt. „Þeim
tókst ekki að bijóta mig niður,“ sagði
hann um áttmenningana. „Heimur-
inn verður að fá vitneskju um hvað
gerðist. Hvað þeir höfðu í hyggju,
hvað þeir ætluðu að gera mér, hvað
þeir vildu mér og hverju þeim tókst
ekki að ná.“ Gorbatsjov sagði að
hefði áttmenningunum tekist ætlun-
arverk sitt hefðu þeir leitt hörmung-
ar yfir þjóðina. Sigurinn á þeim
væri sigur umbótastefnunnar og
neyðarnefndinni hefði ekki tekist að
notfæra sér óánægju almennings
vegna efnahagsástandsins. Gorb-
atsjov þakkaði Jeltsín og sovésku
þjóðinni fyrir að mótmæla valdarán-
inu og sagði að í ljós hefði komið
að sú stefna, sem fylgt hefði verið
frá 1985, hefði borið ávöxt.
SIG UR,
SIG UR!
Stuðningsmenn Jeltsíns fögnuðu ákaflega í gær,
kyijuðu slagorð og veifuðu blómvöndum. „Jeltsín,
Jeltsín“ og „sigur, sigur!“ hrópaði mannfjöldinn og á
spjöldum stóð m.a. „Miðstjórnin mun ekki halda velli“.
Ungur hermaður úr skriðdrekadeild sovéska hersins reynir að veija vélbyssu sína
regni. Hann var einn þeirra hermanna sem gengu til liðs við stuðningsmenn Jeltsíns
á mánudagskvöld og tóku sér stöðu fyrir framan rússneska þinghúsið.