Morgunblaðið - 23.08.1991, Page 44

Hengifossgil:
Ungur Þjóð-
verji hrapar
til bana
NÍTJÁN ára gamall Þjóðverji
lést þegar honum skrikaði fótur
í skriðu í Hengifossgili í Fljótsd-
al í gær. Hann hrapaði 4 metra
og var látinn þegar lögregla kom
á staðinn.
Maðurinn- var á ferðalagi hér á
landi með átta löndum sínum og
héldu- félagar hans af landi brott
með feijunni Norrænu í gærmorg-
un. Að sögn lögreglunnar á Egils-
stöðum hrapaði maðurinn niður af
syllu um flóra metra og er'talið að
hann hafi látist samstundis.
Að sögn lögreglu hafði maðurinn
^iekið sig út úr hópnum og valið
erfiðari leið yfir gilið og líklega
skrikað fótur í lausamöl og fallið
niður.
Héðinn hóf
titilvörnina
með vinningi
FJÓRUM skákum af sex á Skák-
þingi íslands lauk með jafntefli
er fyrsta umferð mótsins var tefld
í gær. Héðinn Steingrímsson vann
Halldór Grétar Einarsson í 46
leikjum og Helgi Ólafsson sigraði
Helga Áss Grétarsson í 41 leik.
Héðinn er Islandsmeistari frá því
í fyrra.
Onnur umferð á Skákþingi íslands
verður tefld í dag og hefst hún í
Garðaskóla kl. 17.
Öðrum skákum á mótinu lauk með
jafntefli. Skák þeirra Jóns L. Árna-
sonar og Jóhanns Hjartarsonar lauk
eftir 27 leiki, skák þeirra Karls Þor-
steins og Þrastar Þórhallssonar eftir
, ^24 leiki, skák Sigurðar Daða Sigfús-
sonar og Snorra Bergssonar eftir 46
leiki og skák þeirra Róberts Harðar-
sonar og Margeirs Péturssonar eftir
63 leiki.
Kínverskur refur horfir að-
dáunaraugum á danska
dúkku á íslenskum búningi.
*
Islenskir
minjagripir
Um það bil 75% af minjagrip-
um sem seldir eru hér á landi
eru innfluttir. Að sögn íslensks
^ fararstjóra eru ferðamenn, sem
hingað koma, hins vegar sann-
færðir um að þeir minjagripir,
sem þeir kaupa, séu framleidd-
ir hér á landi. Af þeim inn-
fluttu minjagripum, sem seldir
eru hérlendis, eru flestir fram-
leiddir í Þýskalandi, Danmörku
og á Ítalíu. Sjá bls. 8 í B-
~3 blaði: íslenskir minjagripir
eru útlenskir.
— svo vel
sétryggt
FÖSTUDAGUR 23. ÁGÚST 1991
VERÐ í LAUSASÖLU 100 KR.
Morgxinblaðið/KGA
Lyftuopið í Þjóðarbókhlöðunni sem Þórarinn féll niður um. Sjá má rafmagnssnúruna sem hann greip í í fallinu efst á myndinni.
Lítt slasaður eftir tólf metra fall niður um lyftuop:
Hann féll öskrandi fram hjá okkur
- segir félag-i hans sem fylgdist með slysinu
„HANN hljóp upp til að slaka
til okkar rafmagnssnúru. Síðan
heyrðum við brothljóð, og sáum
hann koma öskrandi niður opið
og fram hjá okkur,“ sagði Ein-
ar Sigurðsson í samtali við
Morgunblaðið, en vinnufélagi
hans, Þórarinn Þórarinsson,
féll 12 metra niður um lyftuop
í Þjóðarbókhlöðunni í gær.
Honum bar saman við lækna
sem rannsökuðu Þórarin í gær-
kvöldi að kraftaverk sé að hann
skuli hafa sloppið lítið meiddur,
en heimildir Morgunblaðsins
herma að hann hafi fingur-
brotnað og marist við fallið.
Þórarinn hafnaði í steinsteyptri
gryfju.
Atvikið átti sér stað laust eftir
klukkan fimm í gærdag, er piit-
arnir ætluðu að hífa rafmagns-
töflu úr kjallara bókhlöðunnar upp
á þriðju hæð, og þaðan féll Þórar-
inn. Félagar hans voru á jarðhæð,
en lyftuopið endar í gryfju í kjall-
ara hússins. „Hann rann á plasti
sem var á stigapallinum og hras-
aði að lyftuopinu," sagði Einar
ennfremur. Við opið var fyrirstaða
úr léttu timbri sem gaf sig undan
þunga Þórarins. „Hann náði sem
betur fer að grípa tvisvar í raf-
magnssnúruna í fallinu, og það
hefur líklega tekið af honum fall-
ið,“ sagði Einar. „Við hringdum
samstundis á sjúkrabíl og lög-
reglu. Það er ótrúlegt, en hann
var farinn að gera að gamni sínu
strax á leiðinni út í sjúkrabílinn."
Þórarni var ekið með hraði á
slysadeild Borgarspítalans, þar
sem hann var rannsakaður fram
á kvöld. Um klukkan átta var
endanlega ljóst að meiðsli hans
voru aðeins smávægileg, en hon-
um var haldið á Borgarspítalanum
í nótt þar sem hann mun gangast
undir lítilvæga aðgerð í dag. Þór-
arinn vildi ekki tala við Morgun-
blaðið í gærkvöldi.
Ólafur Egilsson hittir starfandi utanríkisráðherra Rússlands:
Hlýtur hugmynd Jeltsíns um rík-
isstjóm forseta lýðveldanna byr?
ÓLAFUR Egilsson sendiherra íslands í Moskvu átti síðdegis í gær
fund með Andrei V. Fedorov starfandi utanríkisráðherra lýðveld-
isins Rússlands. Þeir ræddu núverandi stöðu mála í Sovétríkjunum
og á hvern hátt líklegt væri að þróunin yrði næstu daga. Ólafur
segir að óhjákvæmilegt verði að taka aukið tillit til Borísar
Jeltsíns forseta Rússlands. Ein þeirra spurninga sem vakni sé
hvort nú hljóti byr undir vængi hugmynd Jeltsíns, um að ný ríkis-
stjórn Sovétríkjanna verði skipuð forsetuin lýðveldanna.
Ölafur Egilsson segir ljóst að í
vændum séu miklar breytingar í
Sovétríkjunum, margt verði end-
urskoðað í umræðum ráðamanna
á næstu dögum í ljósi þess sem
gerst hafi.
Meðal annars eigi margir von á
að staða Eystrasaltsríkjanna
breytist, einkum eftir að sam-
bandslagamál verði til lykta leidd.
Fram hafi komið gagnrýni á sam-
bandslagasamninginn eins og
hann hafi Iegið fyrir þegar ætlun-
in var að skrifa undir. Lýðveldin
hafi ekki talið sig fá nægilegt
svigrúm til að fjalla um samning-
inn.
Fram kom á blaðamannafundi
Gorbatsjovs í gær að hann myndi
ræða við forseta lýðveldanna um
sambandslögin í dag.
Islenski sendiherrann segir að
staða Borísar Jeltsíns sé vissulega
sterk og athyglin beinist að sam-
starfi hans og Míkhaíls Gorbatsj-
ovs við stjórnvölinn. Nú hafi losn-
að mikilvægir ráðherrastólar í so-
vésku ríkisstjórninni og raunar sé
ljóst að ný ríkisstjórn hljóti að
verða mynduð áður en langt um
líður. Menn hljóti að spyija hvort
hugmyndin um ríkisstjórn forseta
lýðveldanna verði ofan á eða
mynduð verði einhverskonar sam-
steypustjórn.
Æðsta ráð sovéska þingsins
kemur að sögn Ólafs saman á
mánudag. Hann segir að hópur
harðlínumanna virðist þegar vera
farinn að reyna að milda áfallið
sem afturhaldsöflin í kommúnista-
flokknum hafí orðið fyrir.
Sojus-hópurinn svonefndi reynir
þannig samkvæmt heimildum
blaðsins að koma í veg fyrir stór-
átök, þeim er hentast að sem
minnst verði gert úr hlut ýmissa
forystumanna flokksins í atburð-
um síðustu daga.
Stefán Lárus Stefánsson sendi-
ráðsritari ræddi við rússneska ráð-
herrann ásamt Ólafí Egilssyni.
Ólafur kveðst hafa greint Jóni
Baldvini Hannibalssyni frá efni
fundarins þegar eftir að honum
lauk, en telur sér ekki fært að
skýra nánar frá því í fjölmiðlum
að svo stöddu.