Morgunblaðið - 23.08.1991, Side 21

21
MORGUNBLAÐIÐ FÖSTUDAGUR 23. ÁGÚST 1991
Þingmenn rússneska þjóðþingsins hylla Borís
Jeltsín, forseta, eftir að ljóst var að tilraunin til
valdaráns hafði mistekist. Þingmennirnir studdu
Jeltsín dyggilegá og dvöldu með honum inn í
þingbyggingunni meðan á umsátrinu um hana
stóð.
Borís Jeltsín ávarpar mannfjöldann af svölum rússneska
þinghússins. Við hlið hans blaktir fáni Rússlands. Hann
var fáni landsins allt fram til byltingarinnar 1917 en
þá var hann bannaður. Á síðasta ári brá honum fyrir
á nýjan leik og meðan á valdaráninu stóð, veifuðu
mótmælendur fána lýðveldisins. í gær lýsti Jeltsín því
yfir að hann væri löglegur fáni rússneska sambands-
lýðveldisins.
Gífurlegúr mannfjöldi fagnaði á miðvikudag falli neyðarnefndarinnar fyrir utan þinghús rússneska
þjóðþingsins. Á mótmælaspjaldinu segir: „Jeltsín er forseti vor. Valdaklíku Janajevs hefur verið steypt.“
Það voru ekki síst hörð viðbrögð almennings sem stöðvuðu valdaránið. I gær þakkaði Jeltsín mót-
mælendum stuðninginn og sagði að sovéska þjóðin hefði unnið sigur.
„Niður með kommúnistaflokkinn,“ hrópuðu stuðnings-
menn Jeltsíns á leið sinni yfir Rauða torgið í gær. í bak-
grunni sést i kirkju heilags Basíls.