Morgunblaðið - 23.08.1991, Side 26
26
MORGUNBLAÐIÐ FÖSTUDAGUR 23. ÁGÚST 1991
Hallarflöt
í Dimmu-
borgum
opnuð
HALLARFLÖT í Dimmuborg-
um í Mývatnssveit var opnuð á
þriðjudag, en þá komu á annað
þúsund ferðamenn til að skoða
Dimmuborgir. Hallarflötinni
var lokað um miðjan júlí vegna
mikils ágangs. Tillögur um úr-
bætur verða gerðar á næst-
unni, en í framtíðinni er ekki
ætlunin að svæðið verði lokað.
Steinþór Þráinsson yfirland-
vörður í Mývatnssveit sagði að
væntanlega yrði borin möl í botn
Hallarflatar og settir upp bekkir
fyrir ferðafólk að tylla sér á þeg-
ar það væri á ferð um Dimmu-
borgir. Hallarflöt er það svæði er
fólk fyrst kemur að í Dimmuborg-
um, „Það er óþægilegt fyrir margt
fólk að koma að svæðinu lokuðu,
einkum farþega af skemmtiferða-
skipum, en þar er oft eldra fólk
á ferðinni, sem ekki kemst víða.
Menn geta í sjálfu sér horft yfir
borgirnar frá útsýninsskífunni, en
það er annað að finna stemmning-
una þar niðri,“ sagði Steinþór.
Hann sagðist ætla að taka sam-
Morgunblaðið/Rúnar Þór
Hallarflöt í Dimmuborgum var lokað um miðjan júlí í sumar þar sem svæðið þótti illa þola þann
mikla fjölda ferðamanna sem leggur leið sína í Dimmuborgir.
an tillögur um úrbætur á Hallar-
flöt, sem væntanlega fælust í því
að borin yrði möl í botninn og
komið þar fyrir bekkjum fyrir
ferðamenn. Engar ákvarðanir
hefðu verið teknar um hvenær
slíkt verk yrði unnið.
Mikill fjöldi ferðamanna leggur
leið sína í Dimmuborgir, eða á
bilinu 300-600 að jafnaði á degi
hveijum og sagði Steinþór að í
júlímánuði mætti gera ráð fyrir
að um 30 þúsund manns kæmu í
borgirnar. Farið er að draga úr
ferðamannastraumi í Mývatns-
sveit, en síðasta skemmtiferða-
skipið, sem viðkomu hafði á Akur-
eyri í sumar, var á ferðinni í fyrra-
dag og fóru þá fjölmargir farþeg-
ar austur í Mývatnssveit.
„Það komu hingað á annað
þúsund manns því auk farþega í
rútum voru hér einnig margir
einkabílar. Það var því ekki annað
fært en opna Hallarflötina þar
sem mjög þröngt var í borgunum.
Hallarflöt verður ekki lokað í
framtíðinni, þarna er um tíma-
bundna lokun að ræða,“ sagði
Steinþór.
Síðsnm-
arkvöld í
Sjallanum
„SIÐSUMARKVOLD" verður í
Sjallanum annaðkvöld, laugar-
dagskvöldið 24. ágúst. Síðsum-
arkvöldið saman stendur af
kvöldverði, skemmtun og dans-
leik þar sem verði er stillt í hóf.
Söngkonurnar Guðrún Gunnars-
dóttir og Berglind Björk Jónasdótt-
ir koma fram og syngja lög frægra
kvenna og gera grein fyrir sögu
þeirra. Jóhannes Kristjánsson eft-
irherma lætur gamminn geisa og
Margrét Pétursdóttir leikkona,
sem sló í gegn í Söngvaseiði, syng-
ur þekkt lög úr söngleikjum.
Að loknu borðhaldi og skemmti-
atriðum verður stiginn dans við
undirleik Rokkbandsins.
■Gosan hf. og Víking Brugg:
Gosdrykkjaverksmiðja flutt
norður eða bjórmn suður
FORRÁÐAMENN Gosan hf. áttu í gær fund með fulltrúum úr bæjar-
stjórn Akureyrar þar sem rætt var um möguleika þess að Akureyrar-
bær kæmi til móts við fyrirtækið með einhverjum hætti yrði gos-
drykkjaverksmiðja þess flutt frá Reykjavík til Akureyrar. Verksmiðj-
an er í óhentugu húsnæði og Ijóst að hana þarf að flytja, valið stend-
ur um að finna henni annan stað í borginni, og þá fylgdi bjórfram-
* leiðsla Víking Brugg sem verið hefur á Akureyri sennilega í kjölfar-
ið, eða flylja framleiðslu gossins norður undir sama þak og bjórfram-
leiðsluna. Bæjarfulltrúar munu á næstunni skoða hvaða möguleikar
eru fyrir hendi til að verða við óskum fyrirtækisins.
Gosdrykkjaframleiðsla Gosan hf. þaki. Valið stendur þá um að flytja
er nú starfrækt í öhentugu leigu-
húsnæði í Reykjavík og fyrirsjáan-
legt að hána þarf að flytja. Forráða-
menn fyrirtækisins hafa verið að
skoða hvort hagkvæmt sé að fram-
leiðsla fyrirtækisins, þ.e. ölgerð
annars vegar og gosdrykkjafram-
leiðsla hins vegar, verði undir sama
framleiðslu gosdrykkja norður til
Akureyrar eða flytja bjórverksmiðj-
una Víking Brugg suður til Reykja-
víkur.
Forráðamenn Víking Brugg og
Gosan hf. hittu fulltrúa úr bæjar-
stjóm Akureyrar að máli í gær og
fóru fram viðræður um möguleika
HÖFÐABERG
veitingasala 2. hæð
Glæsilegur
sérréttaseðill.
Laugardagur:
Namm
ásamf
Júlíusi Guðmundssyni
leika fyrir dansi fram eftir
nóttu.
Borðapantanir
í síma 22200.
Hótel KEA
þess að Akureyrarbær kæmi að ein-
hveiju leyti til móts við fyrirtækið
verði verksmiðjan flutt norður, en
það yrði gert til að jafna þann að-
stöðumum sem á milli staðanna
tveggja er.
Werner Rasmussen stjórnar-
formaður sagði að fundur forráða-
manna fyrirtækisins með fulltúum
úr bæjarstjórn Akureyrar hefði ver-
ið vinsamlegur og án allra skuld-
bindinga. Á meðal hugmynda sem
reifaðar voru á fundinum má nefna
afslátt á byggingargjöldum og
tímabundið á aðstöðugjöldum.
„Við gerðum þeim grein fyrir
stöðunni, þeim vandamálum sem
fylgja því að flytja verksmiðjuna
norður og einnig vorum við að leita
eftir því hvort menn sæju sér fært
að koma til móts við okkur eða
leggja okkur lið án þess að því
fylgdu fjárútlát fyrir bæinn,“ sagði
Werner. Werner sagði að skoða
þyrfti marga þætti áður en ákvörð-
un um flutninga yrði tekin. Mikill
flutningskostnaður stæði helst í
veginum yrðu gosdrykkirnir búnir
til á Akureyri, en stærsti markaður-
inn er á höfuðborgarsvæðinu. Kost-
ur þess að flytja verksmiðjuna væru
m.a. þeir, að á Akureyri væri stöð-
ugt vinnuafl, þar væri gott vatn,
enginn þungaiðnaður væri í bænum
og hann hefði á sér ímynd hrein-
leika.
Við gosdrykkjaframleiðsluna
starfa um 20 manns. Byggja þyrfti
um 2.500 fermetra húsnæði til við-
bótar því sem fyrir er hjá Víking
Brugg við Norðurgötu, en í fyrsta
áfanga þyrfti um 800 -1.000 fer-
metra viðbótarhúsnæði.
Hvað hinn kostinn varðar, að
flytja bjórverksmiðju Víking Brugg
frá Akureyri og suður, sagði Wern-
er að um væri að ræða auðveldara
dæmi. Yrði sá kostur tekinn yrði
byggt yfir gosdrykkjaverksmiðjuna
og síðan kæmi bjórframleiðslan inn
í áföngum á löngum tíma.
Heimir Ingimarsson formaður
bæjarráðs sagði að fullur vilji væri
til þess innan bæjarfélagsins að
koma til móts við óskir fyrirtækis-
ins yrði það til þess að gosdrykkja-
verksmiðjan yrði flutt norður.
Vinnuhópi sem í eru tveir fulltrúar
frá Akureyrarbæ og tveir frá Gosan
hf. hefur verið falið að fara ofan í
saumana á ýmsum þáttum sem
málið varða og sagði Heimir að
stefnt væri að því að niðurstaða
lægi fyrir um mánaðamótin.
Númer
fjúka af
óskoðuð-
um bílum
Á EINNI viku hefur lögregl-
an á Akureyri klippt númer
af um 50 bifreiðum sem
ekki hafa verið færðar til
aðalskoðunar.
Gunnar Randversson varð-
stjóri lögreglunnar sagði að
mikil brögð væru að því að
fólk hirti ekki um að koma
með bíla sína til skoðunar á
réttum tíma og það væri í
verkahring lögreglunnar að
taka slíka bíla úr umferð. Þeir
bílar sem númer hafa verið
klippt af síðustu daga hafa
verið í margs konar ástandi,
en Gunnar sagði langt í frá
einhlítt að um hina lélegri bila
væri að ræða.
Eftir hádegið í gær voru
lögreglumenn með klippur á
lofti og tóku númer af 12 bílum
sem átti að vera búið að skoða
fyrir alllöngu.
Morgunblaðið/Rúnar Þór
Einn á sjúkrahús eftir árekstur
Kona var flutt í Fjórðungssjúkrahúsið á Akureyri eftir árekstur tveggja
bifreiða á Þórunnarstræti við Bjarkarstíg skömmu eftir hádegi í gær.
Konan ók fólksbifreið norður Þórunnarstræti er pallbíl var ekið í veg
fyrir hana. Ökumaður pallbílsins ók suður Þórunnarstræti og beygði
austur inn á Bjarkarstíg í veg fyrir fólksbílinn. Konan, sem var ein í
bílnum, var flutt á FSA, en hún kvartaði um meiðsl í hálsi og baki.
Fólksbíllinn skemmdist töluvert.