Morgunblaðið - 06.09.1997, Side 4

4 LAUGARDAGUR 6. SEPTEMBER 1997
MORGUNBLAÐIÐ
FRÉTTIR
Morgunblaðið/Halldór Kolbeins
KOFI Annan er áhugasamur um ljósmyndun og hefur hér fengið lánaða vél aðstoðarmanns síns á Þingvöllum. Fornafnið Kofi mun
merkja „drengur sem fæddist á föstudegi" á móðurmáli framkvæmdastjórans sem er frá Ghana.
Forseti Islands eftir fund með framkvæmdastjóra Sameinuðu þjóðanna
Fjallað um ísland sem
griðastað fyrir viðræður
KOFI Annan framkvæmdastjóri
Sameinuðu þjóðanna átti fund með
Ólafi Ragnari Grímssyni forseta
íslands í gærmorgun og sagði Ólaf-
ur Ragnar að fundinum loknum að
greinilegt væri að kominn væri nýr
andblær með Kofi Annan í starf
framkvæmdastjóra Sameinuðu
þjóðanna. Einnig átti Annan fund
með Davíð Oddssyni forsætisráð-
herra I gærmorgun og jafnframt
ræddi hann við utanríkismálanefnd
Alþingis.
Kofi Annan og Ólafur Ragnar
ræddust við í rúmlega klukkustund
í gærmorgun og sagði Ólafur Ragn-
ar að sér hefði bæði fundist hvetj-
andi og gott að skynja hve góður
hugur væri í Annan varðandi þau
erfíðu verkefni sem Sameinuðu
þjóðimar standa frammi fyrir.
Rætt um sögu og
sjálfstæðisbaráttu
Hann sagði að margt hefði borið
á góma á fundinum og m.a. hefðu
þeir rætt all nokkuð um íslenska
sögu, sjálfstæðisbaráttu og þróun
atvinnulífs og samfélags á undan-
förnum áratugum.
„Honum fannst mjög fróðlegt að
skoða reynslu okkar Islendinga sem
fordæmi fyrir aðrar þjóðir, sérstak-
lega smærri og meðalstór ríki. Við
ræddum í því sambandi hugmyndir
um að gagnlegt væri að hans dómi
fyrir ýmsa forystumenn og áhrifa-
fólk í þróunarríkjum að kynnast því
af eigin raun hér á íslandi með
heimsóknum hingað hvaða árangri
við íslendingar höfum náð,“ sagði
Ólafur Ragnar.
Hann sagði að einnig hefði verið
rædd reynslan af því að ísland
væri griðastaður fyrir umræður
þjóðarleiðtoga og annarra, og hefði
m.a. leiðtogafundinn 1986 borið á
góma í því samhengi.
„Það var greinilegt að hann skynj-
aði að andrúmsloftið á íslandi gæti
verið með þeim hætti að gagnlegt
væri að ýmsir sem leituðu lausna á
erfiðum deilumálum og fengjust við
slíka samninga veltu því fyrir sér
hvort ísland gæti orðið griðastaður
eða heimkynni fyrir slíka viðleitni í
lengri eða skemmri tíma,“ sagði
Ólafur Ragnar Grímsson.
Gagnlegur fundur með
utanríkismálanefnd
Kofi Annan heimsótti Alþingi í
gærmorgun og þar ræddi hann við
utanríkismálanefnd sem mætti öll
á fundinn. Að sögn Geirs H. Ha-
arde, formanns nefndarinnar, var
H O N D A V 1 °í
5 - D Y J
með 115
hestafla VTEC
■> ' * vél og tveimur
J; - -\ loftpúðum
1 \ ' V* 1.480.000,-
Articrd 1998 [0 HONDA VATNAGARÐAR 24 S: 568 9900
Morgunblaðið/Golli
KOFI Annan ræðir við forseta íslands á Bessastöðum í gær,
vinstra megin eru Guðrún Katrín Þorbergsdóttir forsetafrú og
Nane Annan eiginkona framkvæmdastjórans.
Morgunblaðið/Ámi Sœberg
Á FUNDI með utanríkismálanefnd Alþingis í gær, frá vinstri
Árni R. Árnason, Hjálmar Árnason, Kofi Annan og Geir Haarde,
formaður utanríkismálanefndar.
heimsóknin mjög gagnleg og sagði nefndinni. Sjálfur hefði Annan lýst
hann það ánægjulegt að Annan ánægju sinni með að koma í þing-
skyldi gefa sér góðan tíma með húsið sem hann skoðaði í fylgd
Ragnars Arnalds, annars varafor-
seta Alþingis.
Geir sagði að á fundinum með
Annan hefði verið farið yfir mörg
mál, en fyrst og fremst hefði fram-
kvæmdastjórinn gert ítarlega grein
fyrir þeim umbótatillögum sem
hann hefur lagt fram varðandi
starfsemi Sameinuðu þjóðanna, og
einnig hefði hann rætt breytingar
á samsetningu öryggisráðsins.
„í tengslum við þessar umbótat-
illögur fórum við yfir stöðuna gagn-
vart Bandaríkjunum, þ.e. fjárhags-
stöðuna og afstöðu Bandaríkjanna
til umbótatillagnanna, sem er mis-
munandi eftir því hvort verið er að
ræða um ríkisstjórnina eða þingið.
Síðan var farið vítt og breitt yfir
ýmis mál.
Það var rætt um mannréttinda-
málefni, framtíð Sameinuðu þjóð-
anna varðandi afskipti af deilurnál-
um, stóru ráðstefnurnar sem sam-
tökin beina sér fyrir, nytsemi ráð-
stefnanna og hvernig hægt væri
að fylgja þeim eftir. í því sambandi
var rætt sérstaklega um umhverfís-
málin, fundinn í New York í sumar
og ráðstefnuna í Kyoto í vetur, og
þá ræddi Annan líka um ástandið
í Mið-Austurlöndum í tilefni af
spurningu sem fram kom um það.
Einnig fórum við yfir viðskipta-
bönn og beitingu þeirra á vegum
Sameinuðu þjóðanna og ræddum
við sérstaklega um írak í því sam-
bandi, en Annan þekkir mjög vel til 1
í því sambandi og greindi hann
skýrt og greinilega frá því máli.
Það er ekkert vafamál að fyrir okk-
ur í nefndinni voru þetta afskaplega
skemmtilegar og gagnlegar viðræð-
ur, en það er komin viss hefð á
svona viðræður við gesti sem hér
eru í opinberum heimsóknum,“
sagði Geir. Annan átti einnig há-
degisverðarfund með Halldóri Ás- ,
grímssyni utanríkisráðherra í gær.
Nesjavellir og Þingvellir
Annan og eiginkona hans, Nane
Annan, heimsóttu Nesjavelli síðdeg-
is í gær og skoðuðu mannvirkin
undir leiðsögn Gunnars Kristinsson-
ar hitaveitustjóra og Hafsteins
Harðar Gunnarssonar. Spurðu Ann-
an og eiginkona hans m.a. hvort
vísindarannsóknir væru stundaðar !
á staðnum og fannst forvitnilegt )
að heyra að vatnið væri sent svo ,
langa leið til höfuðborgarinnar án
þess að hitastig þess lækkaði að
ráði í leiðslunum.
Síðan var haldið til Þingvalla.
Þar tók sr. Heimir Steinsson þjóð-
garðsvörður á móti gestunum og
fylgdarliði þeirra við útsýnisskífuna
og gengið var niður Almannagjá
að Lögbergi. Spurði Annan hvort i
nokkum tíma féllu steinar af brún-
inni niður í gjána og sagði sr. Heim- }
ir það geta gerst en einkum í leys- |
ingum á vorin. Þjóðgarðsvörður
sagði frá sögu Þingvalla og stað-
háttum. Hann benti á að jarðfræði-
lega stæðu gestirnir nú Ameríku-
megin við jarðflekana miklu sem
mætast á Islandi; íjöllin í fjarska
væni Evrópumegin.
Á Þingvöllum tóku Davíð Odds-
son forsætisráðherra og eiginkona L
hans, Ástríður Thorarensen, á móti
gestunum og héldu þeim óformlegt I
kvöldverðarboð. }
Davíð tjáði blaðamanni að þeir
Annan hefðu ræðst stuttlega við í
Ráðherrabústaðnum við Tjarnar-
götu fyrr um daginn. Vegna
sprengjutilræðisins í Jerúsalem
hefði framkvæmdastjórinn hins
vegar þurft að ræða við ýmsa aðila
í Miðausturlöndum og aðalstöðvum
SÞ I New York. „Ég ákvað því að
bjóða honum afnot af skrifstofunni
minni í nær hálftíma til að sinna t
þessum samtölum, fannst mikil- f
vægt að hann gæti sinnt þeim í
næði,“ sagði Davíð.
Hann sagðist síðan fá tækifæri
til að ræða betur við framkvæmda-
stjórann um kvöldið. Annan væri
mjög viðkunnanlegur maður sem
hefði m.a. mikinn áhuga á tungu-
málum og hefði spurt margs um
íslenskuna og menningu lands-
manna. Eiginkona Annans, Nane
Annan, er sænsk og lögfræðingur F
að mennt en hefur helgað krafta I
sína myndlist að undanfömu.