Morgunblaðið - 28.07.1998, Blaðsíða 10

10 PRIÐJUDAGUR 28. JÚLÍ 1998
MORGUNBLAÐIÐ
FRÉTTIR
■
Morgunblaðið/Eyjólfur Guðmundsson
Hágöngumiðlun
Steypuvinnu
lokið
STEYPUVINNU við Hágöngu-
miðlun lauk á fimmtudaginn.
Smiðir kepptust við að ljúka
uppslætti við 125 metra langt
yfirfall og að því loknu var
steypunni hellt í mótin. Mátti
ekki tæpara standa, því vatns-
yfirborðið hækkaði ört og
nálgaðist steypustöðina. Var
hún tekin niður strax og síð-
asta steypan var komin í mót-
in. Ekki var veðrið upp á það
besta þennan dag, kuldi og
snjókoma.
Starfsmenn Landmæl-
inga fá ókeypis ferðir
sem teljast til vinnutíma
ÞRETTÁN af tuttugu starfsmönn-
um Landmælinga íslands, hafa tek-
ið tilboði stjórnar stofnunarinnar
um samning til fjögurra ára sem fel-
ur í sér kostnaðarlausar ferðir til og
frá vinnu á Akranesi. Að sögn Ingi-
mars Sigurðssonar, stjórnarfor-
manns Landmælinga, munu ferð-
imar að mestu leyti teljast til vinnu-
tíma starfsmannanna.
Ingimar segir áætlað að kostnað-
ur við samninginn fyrstu tvö árin
verði 20-25 milljónir króna en inni í
þeirri tölu er kostnaður við starfs-
lokasamninga 2-3 starfsmanna sem
hafa þegið boð um starfslok við 65
ára aldur.
Hann segir að þessi samningar
séu að flestu leyti sambærilegir við
samninga sem gerðir voru við
starfsmenn norsku kortastofnunar-
innar þegar hún var á sínum tíma
flutt frá Osló til Hönefoss.
Ingimar sagði að kostnaður og
tilhögun við flutninga starfsmann-
anna lægi ekki endanlega ljós fyrir
en hann sagðist búast við að akstur
með starfsmennina yrði boðinn út.
Rætt hefði verið um að farnar verði
sérstakar ferðir með starfsmennina
en einnig sé inni í myndinni að þeir
ferðist með sérleyfisbílum.
Þrír nýir sérfræðingar
ráðnir
Við Landmælingar íslands hafa
starfað 25-30 starfsmenn, að með-
töldum þremur núverandi forstöðu-
mönnum. Ingimar segir að nokkrir
starfsmenn hafi þegar ákveðið að
halda til annarra starfa við flutning-
inn um næstu áramót en einnig hafi
verið gengið frá nýráðningum
þriggja sérfræðinga.
Fyrrgi-eint tilboð um ferðakostn-
aðargreiðslu og ferðir í vinnutíma
var gert öllum sem voru starfandi
hjá stofnuninni um síðustu áramót
en sjö hafa ekki gefíð nein svör, að
sögn Ingimars. Frestur þeirra til að
svara rann út síðastliðinn föstudag.
Hann segir að þetta tilboð hafi upp-
haflega runnið út í lok apiál en því
hafi verið haldið opnu lengur gagn-
vart þessu fólki.
„En einhvern tímann verðum við
að loka tilboðinu," sagði Ingimar.
Hann sagði því að þar sem slíkir
einstaklingsbundnir samningar
hefðu ekki verið gerðir við þessa sjö
starfsmenn myndu þeir halda sínum
núverandi starfskjörum störfuðu
þeir hjá Landmælingum eftir flutn-
ing og ekki eiga kost á því að stofn-
unin tæki þátt í að greiða ferða-
kostnað þeirra. Ingimar segir að
ekki sé litið svo á að biðlaunaréttur
stofnist við þennan flutning Land-
mælinga og kjósi þessir sjö starfs-
menn að láta af störfum muni þeir
ekki eiga rétt til biðlauna, að mati
stjórnenda stofnunarinnar.
Dómur um lögmæti
flutningsins í vikunni
í þessari viku er væntanleg nið-
urstaða Héraðsdóms Reykjavíkur í
máli sem starfsmaður stofnunarinn-
ar hefur höfðað til að fá ákvörðun
umhverfisráðherra um flutning
Landmælinga til Akraness dæmda
ólögmæta. Starfsmaðurinn, María
G. Hafsteinsdóttir, byggir málsókn
sína á því að ráðherra hafi haft
heimild til þess að ákveða flutning
stofnunarinnar án þess að til kæmi
lagaheimild Alþingis.
Rafmagnsveita Reykjavíkur og Fræðslumiðstöð Reykjavíkur
Upplýsinga- og fræðslu-
setur um rafmag*n
RAFMAGNSVEITA Reykjavíkur
og Fræðslumiðstöð Reykjavíkur
hafa tekið upp samstarf um að
koma upp upplýsinga- og fræðslu-
seturs um rafmagn við gömlu raf-
stöðina í Elliðaárdal. Að sögn Mey-
vants Þórólfssonar, kennsluráðgjafa
á Fræðslumiðstöð Reykjavíkur, er
gert ráð fyrir að setrið taki til starfa
í haust og verður það ætlað 11-12
ára börnum.
Rúmlega 200 fermetra salur
verður innréttaður í safnhúsi Raf-
magnsveitu Reykjavíkur inni við
Elliðaár og verður hann væntanlega
opnaður undir heitinu Rafheimar.
Boðið verður upp á fræðslu um sögu
rafmagns, eðli þess sem orkugjafa,
beislun, rafvæðingu á íslandi,
dreifíkeríi rafmagns, rafmagn eins
og það birtist notendum, raftækni
og Iagnir, rofa og rafmagnstöflur á
heimilum.
Settar verða upp verkefnastöðv-
ar, þar sem nemendur og aðrir geta
kynnst rafafli, orkugjöfum, straum-
rásum, rafleiðni, straummælingum,
mismunandi myndum rafmagns,
hagnýtingu rafmagns og ýmsum
tækninýjunugm á sviði rafmagns.
Sagði Meyvant að við verkefnagerð
yrði fyrst og fremst miðað við
11-12 ára börn en aðstaðan sem
boðið væri upp á hæfði öllum ald-
urshópum.
Ekki er ljóst hvenær Rafheimar
verða opnaðir, en kynningarfundur
með skólastjórnendum er áætlaður
um miðjan ágúst.
Yiðskiptaráðherra segir ákvarðana að vænta um hagræðingu á fjármálamarkaði
Hægt að hagræða
um 2,5 milljarða
FINNUR Ingólfsson viðskiptaráð-
herra segir að með hagræðingu í
bankakerfinu sé hægt að ná fram
allt að 2,5 milljarða sparnaði. Þetta
jafngildi því að vaxtamunur lækki
um 0,6-0,7%. Hann segir að ríkis-
valdið geti haft afgerandi áhrif á
hvort þessi hagræðing næst og
ákvarðana sé að vænta af þess
hálfu.
„Það liggur alveg fyrir að það er
hægt að ráðast í verulega hagræð-
ingu á fjármagnsmarkaðinum.
Skýrsla Landsbankans staðfestir
það. Viðskiptaráðuneytið hefur allt
frá áramótum undirbúið aðgerðir
sem miða að því að ná fram hag-
ræðingu á þessum markaði og til-
lagna þess efnis er að vænta.
Að mati viðskiptaráðuneytisins
er hægt að ná fram um 2,5 millj-
arða spamaði með hagræðingu í
bankakerfínu. Ef sá sparnaður
næðist fram mun það lækka vaxta-
mun sem hlutfall af eignum um
0,6-0,7% eða úr tæpum 4% niður í
3%. Við gerum ráð fyrir að kostn-
aður sem hlutfall af tekjum gæti
lækkað um 10% eða úr 70% niður í
60%. Það kemur fram í skýrslu
Landsbankans að vaxtamunur hér
er allt að helmingi hærri en í ná-
grannalöndum okkar.
Getur aukið landsframleiðslu
um 0,7%
Það hlýtur að vera keppikefli
okkar á íslenska fjármagnsmark-
aðinum að geta skapað fólki og fyr-
irtækjum í landinu fjármálaþjón-
ustu sem er á sambærilegu verði
og fólk og fyrirtæki í kringum okk-
ur býr við. Ef 2,5 milljarða sparn-
aður gengi eftir værum við að auka
landsframleiðslu um 0,7%, sem
þýðir að við værum að auka ráð-
stöfunartekjur fólksins í landinu að
meðaltali um 0,7%. Þess vegna er
það skylda okkar að leita allra
mögulegra leiða til hagræðingar,"
sagði viðskiptaráðherra.
Finnur sagði að þrjár leiðir væru
færar til að ná fram hagræðingu. í
fyrsta lagi með virkari og mark-
vissari greiðslumiðlun. I öðru lagi
með auknu samstarfi og samein-
ingu fjármálastofnana og í þriðja
lagi með því að fá aukna erlenda
fjárfestingu inn í fjármálakerfið.
Alþingi hefur þegar veitt heimild
til þess að 49% hlutur ríkisins í
Fjárfestingarbanka atvinnulífsins
verði seldur. Jafnframt liggur fyrir
heimild Alþingis til að auka hlutafé
Búnaðarbanka og Landsbanka um
35%. Finnur sagðist engu geta
svarað á þessu stigi um hvenær
þessar heimildir yrðu nýttar eða
hvernig yrði staðið að sölunni.
íslandsbanki ætlar ekki
að sitja hjá
„Islandsbanki hefur lengi talað
fyrir því að ríkið dragi úr umsvif-
um sínum á fjármálamarkaði. For-
maður bankaráðs Islandsbanka
hefur á tveimur síðustu aðalfund-
um bankans áréttað þessa skoðun
og reyndar lýst þeirri skoðun líka
að sameining íslandsbanka og
Búnaðarbanka fæli í sér skynsam-
lega uppstokkun á þessum mark-
aði. Sú skoðun okkar hefur ekkert
breyst að það sé löngu tímabært að
ríkið dragi úr umsvifum sínum á
þessum markaði. Við höfum auðvit-
að hug á að verða aðilar að þeirri
uppstokkun," sagði Bjöm Björns-
son, framkvæmdastjóri hjá ís-
landsbanka.
Bjöm sagði að stjómvöld hefðu
ekki haft samráð við Islandsbanka
vegna hugsanlegra breytinga á
eignarhaldi viðskiptabankanna.
Það lægi hins vegar fyrir að stjórn-
völd ætluðu að selja 49% hlut ríkis-
ins í Fjárfestingarbanka atvinnu-
lífsins á þessu ári þótt ekki lægi
fyrir með hvaða hætti staðið yrði
að sölunni. Björn sagði því ekki
tímabært að svara spurningum um
hver afstaða íslandsbanka yrði
þegar kæmi að sölunni, en bankinn
myndi ekki sitja hjá þegar kæmi að
endurskipulagningu á bankakerf-
inu og hugsanlega hafa framkvæði
í málinu ef tími og aðstæður köll-
uðu á slíkt.
Björn sagði að skýrsla Lands-
bankans um íslenska bankakerfíð
væri jákvætt innlegg í umræðuna.
I skýrslunni væri vakin athygli á
hlutum sem íslandsbanki hefði
margsinnis á undanfórnum ámm
bent á. Landsbaninn væri að taka
undir með Islandsbanka um að það
væri þörf á endurskipulagningu á
íslenskum fjáimálamarkaði.
„Það fer vel á því að það sé áhugi
á Fjárfestingarbankanum og að
fjárfestar sýni áhuga á að kaupa
hlutabréf í bankanum, hvort sem
það em sparisjóðimir eða aðrir.
Eg vona að þetta hvetji núverandi
eigendur bankans til að hrinda í
framkvæmd því yfírlýsta markmiði
að selja hlut sinn í FBA,“ sagði
Bjami Armannsson, framkvæmda-
stjóri Fjárfestingarbanka atvinnu-
lífsins, um áhuga sparisjóðanna á
að kaupa hlut í FBA.
Stjómvöld eru að undirbúa sölu
á 49% hlut ríkisins í FBA, en rætt
hefur verið um að salan fari fram í
september og desember. Bjarni
sagði að ekkert hefði enn komið
fram sem benti til að stjórnvöld
ætluðu að fresta sölunni. „Eg
vænti þess að stjórnvöld ákveði
mjög fljótlega hvemig og með
hvaða hætti staðið verður að þess-
ari sölu.“
Gott að varpa ljósi á
fjármálamarkaðiim
Bjarni sagði að í sjálfu sér hefðu
ekki neinar nýjar upplýsingar
komið fram í skýrslu Landsbank-
ans um íslenska bankakerfið. Það
væri hins vegar gott að varpa ljósi
á fjármálamarkaðinn og breytingar
sem verða á honum frá ári til árs.
Því væri ástæða til að fagna þessu
framkvæði bankans. Það væri hins
vegar eigandans að taka frum-
kvæðið varðandi breytingar á eign-
arhaldi fjáimálafyrirtækja í eigu
ríkisins. Slíkt framkvæði þyrfti að
koma sem íyrst.