Morgunblaðið - 28.07.1998, Blaðsíða 14
14 ÞRIÐJUDAGUR 28. JÚLÍ 1998
MORGUNBLAÐIÐ
AKUREYRI
Hríseyjarhreppur
Viðræður
við nýjan
sveitar-
stjóra
VIÐÆÐUR standa yfir milli
Hríseyjarhrepps og Péturs
Bolla Jóhannessonar, arkitekts
á Þórshöfn, um að taka að sér
starf sveitarstjóra, en núver-
andi sveitarstjóri, Gunnar
Jónsson lætur senn af störfum.
Jafnframt er rætt við eigín-
konu Péturs Bolla, Rut Ind-
riðadóttir, um að taka að sér
starf skólastjóra Grunnskólans
í Hrísey, en hún hefur verið
skólastjóri á Þórshöfn.
Smári Thorarensen í
hreppsnefnd Hríseyjarhrepps
sagði, að viðræður lofuðu góðu,
nokkrir hreppsnefndarmanna
væru í sumarfríi en kæmu um
helgina og þá yrði væntanlega
gengið frá málinu.
Morgunblaðið/Erlendur Haraldsson
Góð veiði við
Grímsey
Grímsey. Morgunblaðið
ÁGÆTISVEIÐI hefur verið
hjá smábátum í Grímsey að
undanfömu og er þá sama
hvort um er að ræða línu- eða
handfærabáta. Myndin var
tekin þegar Sæmundur Ólason
á Kristínu EA-37 kom úr róðri
nýlega með rúm þrjú tonn á tíu
bala.
Skemmtileg
verslun
TOTO
Hafnarstræti 98, Akureyri
sími 461 4022
Morgunblaðið/Björn Gíslason
Mannlífið lifnað í miðbænum
LOKSINS, gott veður, hafa ef-
laust margir hugsað þegar sól-
in fór að skina um helgina fyr-
ir norðan, enda hefur fólk ekki
séð mikið af henni síðustu
tvær vikur eða svo. Ágætisveð-
ur var á Akureyri í gær og
mátti sjá þess glögg merki í
miðbænum sem lifnaði allur
við um leið og fór að volgna.
Hitastigið gaf tilefni til þess að
setjast niður, fylgjast með
mannlffinu, eða kíkja í góða
bók. Þá er sívinsælt að kæla
sig með ís í miðbæjarferð á
góðviðrisdögum. Kaupmenn
fóru með varning sinn út í
göngugötuna og viðskiptin
voru með líflegasta móti.
Greinilegt var að gott veður
var öllum kærkomin tilbreyting
frá kulda- og vætutíð og vona
menn nú í lengstu lög að sum-
arið sé komið.
Góður júnímánuður í farþegaflutningum til Hríseyjar
15% sam-
dráttur í júlí
MUN færri farþegar hafa tekið sér
far með ferjunni Sævari, sem geng-
ur milli Árskógssands og Hríseyj-
ar, í júlímánuði en í sama mánuði í
fyrra. Töluverð aukning varð aftur
á móti í júmmánuði, sem gaf góðar
vonir um gott ferðamannasumar í
eynni, en þær væntingar gengu
ekki eftir. Sumarið er þó ekki búið
og menn vona að síðari hluti þess
bæti kuldakaflann upp.
Smári Thorarensen, skipstjóri á
Sævari, sagði að aukningin í júní
næmi 13-14% miðað við sama mán-
uð í íyrra. Engar sérstakar skýr-
ingar væru á þessari aukningu,
straumurinn hefði verið nokkuð
jafn. Kuldakaflinn um miðjan júní
setti strik sitt í komur ferðamanna
til Hríseyjar og dró þá mjög úr
straumi ferðalanga til eyjarinnar.
Smári sagði að í vor hefði verið
búið að panta óvenjumikið af gist-
ingu í Hrísey, mun meira en vani er
til á sama tíma, en fjöldi fólks hefði
hætt við að koma og afpantað.
„Þegar fólk sá hvernig veðrið var
hætti það við, treysti sér ekki til að
koma í kuldann, þannig að affóll
hafa verið mikil,“ sagði Smári.
Verslunarmannahelgin er að
jafnaði stærsta helgin í flutningi
ferðalanga yfir til Hríseyjar og var
metið einmitt slegið á einum degi
um verslunarmannahelgi fyrir
tveimur árum þegar um eitt þús-
und farþegar voru fluttir á milli
lands og eyja. „Ætli það verði ekki
seint slegið,“ sagði Smári. Algengt
er að fluttir séu á bilinu þrjú til
fimm hundruð farþegar á einum
degi um helgi, en nú síðustu helgar
hafa þeir verið tvö til fjögur hund-
ruð og jafnvel færri.
Sendibíll í eigu Ástjarnar
eyðilagðist í umferðaróhappi
Erum illa stödd bíllaus
Fjörutíu og fjórir í
lj ósmyndamaraþoni
FJÖRUTÍU og fjórir keppendur
tóku þátt í ljósmyndamaraþoni
sem var haldið í sjötta sinn á
Akureyri um helgina, en
Áhugaljósmyndaklúbbur Akur-
eyrar, ÁLKÁ, hélt keppnina í
samvinnu við Kodak-umboðið
Hans Petersen og Pedrómyndir
á Akureyri auk nokkurra fyrir-
tækja.
Berglind Helgadóttir hlaut
verðlaun fyrir bestu filmu
keppninnar, myndavél af Canon
gerð en Hilmar Harðarsson tók
bestu mynd keppninnar af verk-
efni nr. 2, „Sveitapiltsins
draumur". Veitt voru verðlaun
fyrir bestu mynd hvers flokks,
en þeir voru alls 12. Keppendur
voru á aldrinum 11 til 62 ára,
mörgum hefur brugðið fyrir áð-
ur í yómsyndamaraþoni ÁLKA
og nokkrir hafa verið með frá
upphafí. Sýning með öllum
myndum keppninnar, stækkuð-
um vinningsmyndum og svip-
myndum úr keppninni, verður
opin í anddyri fþróttahallarinn-
ar við Skólastíg í dag, þriðju-
dag, og morgun, miðvikudag,
28. og 29. júlí, frá kl. 17-20 og
er aðgangur ókeypis.
Eftirlitsferð á
Sprengisandsleið
BIFREIÐ í eigu sumardvalarheimil-
isins að Ástjöm í Kelduhverfi eyði-
lagðist i óhappi fyrir helgi og hefur
heimilið nú aðeins einkabíl forstöðu-
mannsins til umráða við flutning á
börnunum milli staða. Verið var að
aka til Seyðisfjarðar þegar óhappið
varð, að ná í starfsfólk frá Færeyjum
sem kom með ferjunni þangað.
Bogi Pétursson forstöðumaður á
Ástjöm sagði það til mikils óhagræð-
is fyrir heimilið að missa bílinn, en
mest væri þó um vert að ökumaður
slasaðist ekki meira en raun varð á.
Um var að ræða 12 manna sendibíl
sem m.a. var notaður til að aka börn-
um á heimilinu milli staða, í ferðir í
Ásbyrgi, Hljóðakletta, á Kópasker ef
á þurfti að halda og reiðnámskeið svo
eitthvað sé nefnt. „Við erum ósköp
illa stödd hér bíllaus,“ sagði Bogi, en
hann sagði Færeyinga, sem oft hefðu
hlaupið undir bagga, nú vera að
skoða hvort þeir gætu aðstoðað með
einhverjum hætti.
Gekk í rúma tvo klukkutima
Starfsmaður á Ástjörn var einn á
ferð í bílnum á Hólssandi snemma á
fimmtudagsmorgun, mitt á milli
Dettifoss og Grímsstaða. Vegurinn
var fremur slæmur og lenti bíllinn i
leðjupolli með þeim afleiðingum að
ökumaður missti stjórn á honum og
valt hann út af veginum. Fékk öku-
maður gat á höfuðið sem mikið
blæddi úr, auk þess að meiðast á öxl
og skrámast. Vafði hann peysu um
höfuð sér og hélt gangandi af slys-
stað. Eftir um eins og hálfs tíma
göngu kom hann að fólki, útlending-
um í pallbíl sem voru á leið að Ás-
_ Morgunblaðið/Björn Gfslason
SENDIBÍLL Ástjarnar sem
eyðilagðist í umferðaróhappi í
síðustu viku.
byrgi en ekki alveg strax. Gekk hann
því af stað og eftir klukkutíma göngu
hitti hann á hóp útlendinga en þeir
voru á leið til Grímsstaða og vildu
helst ekki snúa við. í sama mund
kom rúta með hóp Islendinga sem
hann fékk far með niður að Dettifossi
en þangað kom sjúkrabíll frá Kópa-
skeri og flutti hann á heilsugæslu-
stöðina þar. Taldi ökumaður að út-
lendingarrir hefðu sennilega ekki
viljað blanda sér í málið, hann hefði
verið heldur illa til reika með blóðuga
peysu um höfuðið.
Færeyingar reyna að hjálpa
Sendibíll Ástjai-nar var kominn til
ára sinni og stóð til að endurnýja síð-
asta vor, en Bogi sagði að það hefði
ekki tekist. Reynt hefði verið að fá
styrki frá fyrirtækjum en ekki geng-
ið. „Nú erum við illa stödd, en ég
vona að einhverjir geti lagt okkur lið.
Færeyingar fóru strax af stað, en það
er óljóst hvað kemur út úr því,“ sagði
Bogi.
LÖGREGLAN á Akureyri hefur nú
til umráða nýjan jeppa sem er í eigu
embættis Ríkislögi’eglustjóra.
Bifreiðin verður á Akureyri a.m.k.
fram á haustið og verður á þeim
tíma m.a. notaður til eftirlits á há-
lendi landsins. Fyrir skömmu fóru
tveir lögreglumenn til eftirlits á
Sprengisandsleið þar sem þessi
mynd var tekin. Voru margir bílar
stöðvaðir og rætt var við ökumenn,
sem flestir voru ánægðir með að sjá
lögreglubifreið á þessari leið. Fam-
ar verða margar ferðir í sumar og
m.a. verður með í sumum þeirra
sérútbúið tæki til að taka öndunar-
sýni úr ökumönnum sem grunaðir
eru um að aka ölvaðir.