Morgunblaðið - 28.07.1998, Blaðsíða 40
40 ÞRIÐJUDAGUR 28. JÚLÍ 1998
MORGUNBLAÐIÐ
TANDURHREINN takturinn hjá Prins og Sigurði á tölti var eitt af þeim atriðum sem
tryggði þeim sigur í fimmgangi og íslandsmeistartitil.
URVALS töltarar í úrslitum unglinga. Frá vinstri: Viðar á Grímu, Eyjólfur á Gátu, Þórdís
á Gyllingu, Sylvía á Hirti, Daníel á Seiði og sigurvegarinn Sigurður á Huga.
Gleðiefni er magn og
gæði fara saman
ALLT KAPP var lagt á að bjóða upp á sem besta ÓVÆNTUR sigur í slaktaumatölti gladdi Dag Ben-
aðstöðu og lét Marteinn mótsstjóri sitt ekki eftir ónýsson og ekki spillti að hestur hans Galsi er upp-
*i&£Ía og var alltaf mættur með hrífuna út á völlinn runninn úr heimahögum hans, Bæ í Strandasýslu.
milli úrslita á sunnudeginum.
HESTAR
Æðaroddi við Akranes
ÍSLANDSMÓT í
HESTAÍÞRÓTTUM
Islandsmótið, sem að þessu sinni stóð
yfír í þrjá daga, var í umsjá hesta-
mannafélagsins Dreyra á Akranesi
og nærliggjandi sveitum. Forkeppni
fór fram á tveimur hringvöllum og
skeiðið á nýrri braut, Barðanesbraut.
METÞÁTTTAKA, góð framkvæmd
á afbragðsgóðu svæði í draumaveðri
svo ekki sé minnst á hestavalið. Allt
þetta var til staðar á íslandsmótinu
og enn eitt glæsimótið orðið að veru-
leika. Athygli vekur að þrátt fyrir
mikla aukningu í þátttöku í mótinu
virðist það ekki koma niður á gæð-
um hrossa eða knapa. Sem dæmi má
nefna að af þeim 60 sem hlutu dóm í
tölti eru allir keppendur nema einn
með einkunn yfír 5. 22 keppendur
eru með 6,67 (gömlu 80 stiga mörk-
in) og þar yfir og ná þurfti 7,37 í for-
keppninni til að tryggja sér sæti í A-
úrslitum.
Annað dæmi er fimmgangur þar
sem 62 keppendur hlutu dóm og var
51 með 5,0 eða hærra og 36 með 5,57
(gömlu 50 stiga mörkin). Til að
tryggja sér öruggt sæti í A-úrslitum
þurfti að ná 6,60 en þrír keppendur
•feoru jafnir í 4. til 6. sæti og þurfti
bráðabana til að skera úr um hver
þeirra þyrfti að keppa í B-úrslitum.
Það kom í hlut Sveins Ragnarssonar
á Reyk frá Hóftúni og vann hann sér
sæti í A-úrslitum og gott betur því
hann gerði harða hríð að titlinum en
varð að láta sér annað sætið lynda.
En það var Sigurður Sigurðarson á
Prins frá Hörgshóli sem tryggði sér
nú titilinn eftir að hafa verið efstur í
forkeppni í fyrra en tókst ekki að
klára málið þá en gerði það nú með
glæsibrag eftir jafna keppni við
Svein.
Ásgeir Svan Herbertsson og Far-
sæll frá Arnarhóli unnu það fágæta
afrek að sigra fjórða skiptið í röð í
afjórgangi og var sigurinn nokkuð ör-
uggur þótt við góða andstæðinga
væri að etja. Olil Amble kom næst á
Kjarki frá Horni, en þau virðast vera
að sækja í sig veðrið og til alls vís.
Þau verða stöðugt harðsóttari
gullin hjá Sigurbirni Bárðarsyni og
nú hlaut hann aðeins þrjú gull. Að
sjálfsögðu var hann stigahæstur
keppenda í opnum flokki, hleypir
engum þar að sá gamli frekar en í
gæðingaskeiðinu þar sem hann tefldi
Snarfara frá Kjalarlandi fram á síð-
ustu stundu og sá gamli jaxl vissi al-
veg til hvers var af honum ætlast.
*Ungur og efnilegur knapi á heima-
velli, Jakob S. Sigurðsson, veitti
gamla settinu harða keppni á hryss-
unni Blíðu frá Brattvöllum. Atli Guð-
mundsson virðist vera kominn í sér-
flokk í fimiæfingum en hann sigraði
nú öðru sinni á Islandsmóti. Fimiæf-
ingar er grein sem tvímælalaust
þ.yrfti að endurbæta og gera þannig
m~ garði að hún nyti meiri vinsælda.
í slaktaumatöltinu var sigur Dags
Benónýssonar á Galsa frá Bæ nokk-
uð óvæntur en verðskuldaður. Ald-
ursforseti mótsins, Erhng Sigurðs-
son, veitti honum harða keppni en
hann hafði verið í tíunda sæti eftir
forkeppni en fetaði sig ákveðið upp
töíluna og náði öðru sæti.
I kappreiðaskeiðinu var keppni
hörð og skilaði nýja brautin góðum
tímum. Sennilegt má telja að á Æð-
arodda verði hægt að gera atlögu að
metunum síðarmeir. Þórður Þor-
geirsson og Lúta frá Ytra-Dalsgerði
höfðu herslumuninn fram yfir Sigur-
björn og Snarfara í 150 metrunum,
voru með betri samanlagðan tíma.
Ragnar Hinriksson og Bendill frá
Sauðafelli rufu 22 sekúndu múrinn í
250 metrunum, fóru vegalengdina á
21,9 sek., en Sigurður V. Matthías-
son og Glaður frá Sigríðarstöðum
komu næstir með 22,3 sek. Það er
greinilega kominn mikill galsi í
kappreiðaskeiðið og verður fróðlegt
að fylgjast með síðsumarskappreið-
um á næstu vikum.
I yngri flokkum voru ekki síður
sviptingar en hjá þeim fullorðnu.
Hæst ber árangur Söru Bjargar
Bjarnadóttur sem keppti á Strák frá
Haukatungu, en þau höfnuðu í átt-
unda sæti í forkeppni fjórgangs
barna, unnu í B-úrslitum og enduðu
sem Islandsmeistarar þegar upp var
staðið. Freyja Amble var vel ríðandi
í töltinu á Muggi frá Stangarholti og
sigraði þar með glæsibrag. I ung-
Iingaflokki vöktu hestarnir í úrslit-
um töltsins sérstaka athygli og þá
knaparnir ekki síður. Þar sigraði í
jafnri keppni Sigurður S. Pálsson á
Hugi frá Mosfellsbæ en Sylvía Sig-
urbjörnsdóttir, sem komin er með
gæðinginn kunna Hjört frá Hjarðar-
haga, sigi-aði í fjórgangi. í fimm-
gangi unglinga hafði Viðar Ingólfs:
son sigur á Freyþóri frá Garðabæ. í
ungmennaflokki sigraði Davíð
Matthíasson á Prata frá Stóra-Hofi
en Ásta Dögg á Eldi frá Hóli
smeygði sér upp fyrir þá í fjórgang-
inum. Guðmar Þór sigraði í fimm-
gangi ungmenna á Dömu frá Leys-
ingjastöðum.
Framkvæmd og öll umgjörð ís-
landsmótsins þótti með miklum
ágætum. Vel gekk að halda dagski-á,
örlítil seinkun vart þó á sunnudegin-
um. Það sem aftur vekur athygli er
að ekki skuli fleiri gestir hafa sótt
mótið heim en raun varð á og er það
umhugsunarvert fyrir samtök het-
samanna.
Úrslit mótsins fara hér á eftir.
Getið er um stig bæði í forkeppni og
úrslitum. Reynt var að umreikna
sem flestar einkunnir yfir á skalann
0 til 10 sem reyndar er notaður við
alla einkunngjöf í keppninni sjálfri.
Það gegnir furðu að ekki skuli vera
búið taka upp sama kerfi út í gegn
eins og tíðkast í öðrum löndum þar
sem keppt er á íslenskum hestum.
Heldur er verið að burðast með
gömlu stigareikningana til þess eins
að gera hlutina flóknari og illskiljan-
legri sem því miður virðist vera rík
tilhneiging til meðal hestamanna á
Islandi.
Opinn flokkur - tölt
1. Hans Kjerúlf Freyfaxa, á Laufa
frá Kollaleiru, 8,20/8,38.
2. Sigurbjörn Bárðarson Fáki, á
Oddi frá Blönduósi, 7,80/8,00.
3. Orri Snorrason Andvara, á Filmu
frá Árbæ, 88,80/7,78.
4. Ásgeir S. Herbertsson Fáki, á
Farsæli frá Arnarhóli, 7,43/7,76.
5. Vignir Siggeirsson Sleipni, á Ofsa
frá Viðborðsseli, 7,37/7,28.
6. Egill Þórarinsson Svaða, á Blæju
frá Hólum, 7,33/7,19.
Fjórgangur
1. Ásgeir S. Herbertsson Fáki, á
Farsæli frá Arnarhóli, 7,60/8,09.
2. Olil Amble Sleipni, á Kjarki frá
Hólmi, 7,37/7,80.
3. Guðmundur Einarsson Herði, á
Ótta frá Miðhjáleigu, 7,47/7,80.
4. Sigurbjörn Bárðarson Fáki, á
Oddi frá Blönduósi, 7,20/7,41.
5. Hans Kjerúlf Freyfaxa, á Laufa
frá Kollaleiru, 7,27/7,39.
6. Birgitta Magnúsdóttir Herði, á
Óðni frá Köldukinn, 7,27/7,32.
Fimmgangur
1. Sigurður Sigurðarson Herði, á
Prins frá Hörgshóli, 6,97/7,01.
2. Sveinn Ragnarsson Fáki, á Reyk
frá Hoftúnum, 6,53/6,99.
3. Þórður Þorgeirsson Geysi, á
Kjarki frá Ásmúla, 6,53/6,75.
4. Elías Þórhallsson Herði, á Vála
frá Nýjabæ, 6,63/6,63.
5. Vignir Siggeirsson Sleipni, á
Gammi frá Hreiðurborg, 6,60/6,60.
6. Vignir Jónasson Fáki, á Klakk frá
Búlandi, 6,53/5,57.
Tölt T2
1. Dagur Benónýsson Herði, á Galsa
frá Bæ, 5,73/7,08.
2. Erling Sigurðsson Fáki, á Háfeta
frá Litladal, 5,47/7,04.
3. Elsa Magnúsdóttir Sörla, á Dem-
anti frá Bólstað, 6,63/6,67.
4. Sævar Haraldsson Herði, á Sikli
frá Hofi, 6,13/6,67.
5. Halldór P. Sigurðsson Þyti, á
Vöku frá Efri-Þverá, 5,63/6,33.
6. Atli Guðmundsson Sörla, á Sold-
áni frá Ketilstöðum, 5,67/6,04.
Fimikeppni
1. Atli Guðmundsson Sörla, á Kópi
frá Heggsstöðum, 7,80.
2. Reynir Aðalsteinsson Faxa, á
Frama frá Sigmundarstöðum, 7,60.
3. Sigurbjörn Bárðarson Fáki, á
Oddi frá Blönduósi, 6,40.
4. Elsa Magnúsdóttir Sörla, á Rómi
frá Bakka, 5,10.
5. Axel Ómarsson Herði, á Gjafari
frá Miðkoti, 4,30.
Gæðingaskeið
1. Sigurbjörn Bárðarson Fáki, á Sn-
arfara frá Kjalarlandi, 8,69.
2. Jakob S. Sigurðsson Dreyra, á
Blíðu frá Brattvöllum, 8,63.
3. Guðmundur Einarsson Herði, á
Neista frá Miðey, 8,54.
4. Logi Laxdal Geysi, á Hraða frá
Sauðárkróki, 8,50.
5. Reynir Aðalsteinsson Faxa, á Brá
frá Sigmundarstöðum, 8,48.
Skeið 250 m
1. Ragnar Hinriksson Fáki, á Bendli
frá Sauðafelli, 21,9 sek/9,10.
2. Sigurður V. Matthíasson Fáki, á
Glað frá Sigríðarstöðum, 22,3/8,70.
3. Þorgeir Margeirsson Mána, á
Funa frá Sauðárkróki, 22,7/8,30.
4. Logi Laxdal Geysi, á Freymóði
frá Efstadal, 22,7/8,30.
5. Axel Geirsson, á Melrós frá
Framnesi, 22,9/8,10.
Skeið 150 m
1. Þórður Þorgeirsson Geysi, á Lútu
frá Ytra-Dalsgerði, 14,2 sek./8,80.
2. Sigurbjörn Bárðarson Fáki, á Sn-
arfara frá Kjalarlandi, 14,2/8,80.
3. Guðmundur Einarsson Herði, á
Neista frá Miðey, 14,6/8,40.
4. Ragnar E. Ágústsson Sörla, á Þey
frá Akranesi, 14,7/8,30.
5. Hjörtur Bergstað Fáki, á Lukku
frá Gýgjarhóli, 14,7/8,30.
6. Logi Laxdal Geysi, á Hraða frá
Sauðárkróki, 14,7/8,30.
íslensk tvíkeppni: Hans Kjerúlf
Freyfaxa, á Laufa frá Kollaleiru,
7,84.
Skeiðtvíkeppni: Jakob S. Sigurðs-
son Dreyra, á Blíðu frá Brattholti,
7,43.
Stigahæsti knapi: Sigurbjörn Bárð-
arson Fáki, 525,21.
Ungmenni - tölt
1. Davíð Matthíasson Fáki, á Prata
frá Stóra-Hofi, 6,93/7,13.
2. Kristín Þórðardóttir Geysi, á Gl-
anna frá Vindási, 6,37/6,76.
3. Ásta D. Bjarnadóttir Gusti, á Eldi
frá Hóli, 6,63/6,74.
4. Guðmar Þ. Pétursson Herði, á
Háfeta frá Þingnesi, 6,43/6,62.
5. Magnea R. Axelsdóttir Herði, á
Vafa frá Mosfellsbæ, 6,33.
6. Marta Jónsdóttir Mána, á
Krumma frá Geldingalæk, 6,27/6,30.
Fjórgangur
1. Ásta D. Bjarnadóttir Gusti, á Eldi
frá Hóli, 6,37/6,89.
2. Davíð Matthíasson Fáki, á Prata
frá Stóra-Hofi, 6,53/6,79.
3. Magnea R. Axelsdóttir Herði, á
Vafa frá Mosfellsbæ, 6,30/6,67.
4. Ki-istín Ó. Þórðardóttir Sörla, á
Síak frá Þúfum, 6,03/6,31.
5. Sigurður I. Ámundason Skugga, á
Rómi, 6,17/6,27.
6. Sigríður Pjetursdóttir Sörla, á
Kolbak frá Húsey, 6,13/6,19.
Fimmgangur
1. Guðmar Þ. Pétursson Herði, á
Dömu frá Leysingjastöðum,
5,93/6,50.
2. Benedikt Þ. Kristjánsson Dreyra,
á Þór frá Höfðabrekku, 5,30/5,80.
3. Ásta K. Viktorsdóttir Gusti, á
Nökkva frá Bjarnastöðum, 5,33/5,53.
4. Unnur O. Ingvarsdóttir Geysi, á
Pjakki frá Miðey, 5,60/4,95.
5. Sigurður I. Ámundason Skugga, á
Freyju frá Stykkishólmi, 5,47/4,94.
6. Davíð Matthíasson Fáki, á Bald-