Morgunblaðið - 06.08.1999, Page 23

MORGUNBLAÐIÐ
ERLENT
FÖSTUDAGUR 6. ÁGÚST 1999 23
Þingmenn í fhaldsflokknum vilja úrsögn úr
ESB verði aðildarskilmálum ekki breytt
Afganistan
Taleban-
ar á und-
anhaldi
Islamabad. Reuters.
ANDSTÆÐINGAR Talebana-
hreyfingarinnar í Afganistan náðu
aftur á sitt vald flughöfninni í
Bagram, norður af höfuðborginni
Kabúl, eftir tíu daga sókn her-
manna Talebana. Var þetta staðfest
af óháðum heimildamönnum í
Pakistan í gær.
Sögðu heimildamennirnir að svo
virtist sem Talebanar væru á und-
anhaldi á nokkrum vígstöðvum.
Ekki hafði fengist staðfesting
óháðra aðila á þeirri fullyrðingu
liðsmanna Ahmads Shahs Masoods,
leiðtoga andstæðinga Talebana, að
allt að eitt þúsund hermenn Tale-
bana og paldstanskra og arabískra
bandamanna þeirra hefðu fallið í
gagnsókn manna Masoods.
Mannfall sagt gífurlegt
Talsmaður fyrrverandi stjórn-
valda í Afganistan, sem Talebanar
veltu úr sessi fyrir þremur árum,
sagði í Nýju Delhí að mannfall í
röðum Talebana væri gífurlegt. Þá
hefði mikið af vopnabúnaði þeiira
verið tekið herfangi.
Bagram er helsta bækistöð flug-
hers Masoods og er nærri Pansjír-
dal, þaðan sem Masood og menn
hans hafa haldið uppi andspymu
við stjóm Talebana. Taka Bagrams
var meginmarkmið árásarinnar
sem Talebanar hófu fyrir tíu dög-
um.
Gagnsókn manna Masoods, sem
flestir tilheyra þjóðemisminni-
hlutahópi Tadsjíka, kom í kjölfar
þess að leiðtogar Talebana skoraðu
á þá að hlaupast undan merkjum og
taka þátt í því með Talabanahreyf-
ingunni að skapa ríki sem fylgdi
kennisetningum íslams best allra
landa heimsins.
Lét ekki
raska
ró sinni
ROSTUNGUR situr á ís og horfír
rólegur á þegar ísbrjótur Græn-
friðunga, Arctic Sunrise, fer um
Tsjúkot-haf á milli Alaska og
Rússlands á dögunum. Tignar-
legt dýrið lét ekki farartæki
mannanna setja sig út af laginu
heldur brosti blítt framan í Ijós-
myndarann.
Reuters
OSTUR Á GRILLIÐ
TBrœddur og grillaður, sneiddur eða
rifinn ostur, rjómaostur, gráðaostur
— fáðu Ipér ost og notaðu kugmyndaflugið.
Ostur er toppurinn á grillmatnum í sumar!
Ostur í allt sumar
ISLENSKIR W,
OSTAR,
^INASJ^ ' * J

Selja nýrun
í sér fyrir
skuldunum
Róm. AFP.
SJÖ manna ítölsk fjölskylda
hefur tilkynnt að hún vilji
selja nýrun í öllum fjölskyldu-
meðlimum í því augnamiði að
afla sér fjár til að greiða
skuldir. „Við bjóðum nýru
okkar til sölu í því skyni að
bjarga okkur frá gjaldþroti,"
sagði í bréfi Formento-fjöl-
skyldunnar til dagblaðsins La
Stampa.
Fjölskyldan, sem rekur
fataverslun í þorpinu Beinette
nærri Cueno, kvaðst hafa ver-
ið lýst gjaldþrota fyrir sex
mánuðum eftir að okurlánarar
höfðu rúið hana inn að skinni.
Skv. upplýsingum frá sam-
bandi ítalskra verslunareig-
enda fara 27 þúsund fyrirtæki
á hausinn á hverju ári, oftast
eftir að hafa fengið fé að láni
frá okurlánurum. Gjarnan er
um að ræða lítil fjölskyldufyr-
ii-tæki og leita menn ásjár ok-
urlánara eftir að hafa verið
vísað frá í hinum ýmsu banka-
stofnunum.
Vandræðamál fyr-
ir William Hague
London. The Daily Telegraph.
EVRÓPUMALIN
halda áfram að
valda William
Hague, leiðtoga
breska íhalds-
flokksins, miklum
vandræðum en í
gær var greint frá
því að nokkrir kunnir þingmenn
flokksins vilja úrsögn úr Evrópu-
sambandinu nema aðildarskilmálum
verði breytt. Þykir hér á ferðinni hið
mesta vandræðamál fyrir Hague,
sem reynt hefur að fylkja flokknum
á bak við sig um eina stefnu í Evr-
ópumálum, enda hafa innbyrðis deil-
ur um afstöðuna til ESB veikt flokk-
inn veralega á undanfömum áram.
Upp komst nýlega að á heimasíðu
hóps manna, sem kallar sig íhalds-
menn gegn evrópsku sambandsríki
(CAFE), er því lýst yfir að CAFE
hyggist berjast fyrir því að aðildar-
skilmálum að ESB yrði breytt, ella
ætti Bretland að segja sig úr sam-
bandinu. Vekur hins vegar athygli -
og er um leið orsök vandræða Hagu-
es - að CAFE nýtur stuðnings ellefu
þingmanna Ihaldsflokksins og jafn-
framt era þrír ráðherrar í skugga-
ráðuneyti íhaldsmanna í stjóm sam-
takanna.
Mun Lamont lávarður, fyrrver-
andi fjármálaráðherra í ríkisstjóm
Johns Majors, vera formaður CÁFE
og meðal meðlima era Iain Duncan-
Smith, talsmaður
vamarmála í
skuggaráðuneyti
Hagues, David
Heathcoat-
Amory, talsmað-
ur í fjármálum,
og Angela
Browning, talsmaður iðnaðar- og
viðskiptamála.
„Það er ekkert undarlegt við það
að sitja í skuggaráðuneytinu og vilja
samt breyta stefnu flokksins," sagði
hins vegar ónefndur íhaldsmaður í
samtali við The Daily Telegraph í
gær. Bætti hann því við að CÁFE
vildi beita sér fyrir því að Ihalds-
flokkurinn tæki upp stefnu í Evr-
ópumálum sem væri mun fjandsam-
legri auknum Evrópusamruna.
Á hinn bóginn er Ijóst að Hague
hefur útilokað slíka stefnubreytingu
en fyrir tveimur mánuðum lýsti
hann þeim, sem léð hafa máls á því
að Bretland segi sig úr ESB, sem
öfgamönnum. Skammaði hann ný-
lega einn af þingmönnum íhalds-
flokksins fyrir að ljá máls á úrsögn
Bretlands úr ESB en nú virðist hins
vegar að stuðningur við slíka af-
stöðu sé öllu meiri en Hague var
kunnugt um. Segir í frétt Daily Tel-
egraph að það hljóti að valda Hague
nokkram áhyggjum hversu margir
frammámenn í flokknum skrifa und-
ir stefnu CAFE.
EVRÓPA^