Skírnir - 01.04.1909, Síða 36

132
Úr ferðasögu.
komið sögunni, ef til vill eitthvert ofurmannkyn, sem
ræður takmörkum lands og hafs? —
Frá Bozen brunar lestin enn suður á við, djúpan dal,
há og brött kalkfjöll á báðar hendur. Sumstaðar eru
aurar miklir framundan giljum og gróðrardrög i; gróður-
inn keppist við að klæða aurana, en hefir ekki við, svo
öflugur sem hann er í þessu loftslagi; grjótframburðurinn
er svo mikill, að sumir aurarnir eru nærri íslenzkir á svip.
Skriður hafa fallið niður í dalina hér og hvar og stíflað
vatnsrásirnar svo myndast hafa einkennilega grænleit
vötn; einkum er þetta afar stórkostlegt nálægt Rovereto;
það er eins og heilt fjall hafi hrunið þar niður í dalinn.
Jöklar á ísöldu eru valdir að því, að fjöllin hafa orðið
svo brött að til hruns leiddi, hafa þeir sorfið neðan úr
hlíðunum, en líklegt er, að skriðurnar hafl einkum fallið
í landskjálftum.
Á íslandi er mjög mikið um slíkar skriður, eins og
sjá má austan við Skagafjöi'ðinn, í Vatnsdalnum og mjög
víða annarstaðar.
V.
Á Vatnsenda.
I Mori fóru þeir út sem ætluðu að Vatnsenda (Lago di
Garda), en hraðlestin brunaði áfram til Verona. í Mori
tók við innanhéraðslest, fornfáleg að útbúnaði og hægfara.
Umskiftin eftir hraðlestina voru svipuð því að setjast á
latan húðarjálk eftir bráðfjörugan gæðing. En það gott
fylgdi lestaskiftunum, að ekki sviftist eins fljótt fram hjá
það sem fyrir augun bar, svo hægara var að skoða landið.
En nú var skamt eftir dagleiðar, enda sá brátt á Garda-
vatn; er það afarlangt og firði likast, en brött fjöll og
sumstaðar þverhnýpt báðu megin að. En við vatnsend-
ann er talsvert undirlendi, þar sem vatnið hefir fylt af
árburði. Er þar frjósamt land og mikil bygð, og þar