Skírnir - 01.04.1909, Qupperneq 64
160
Mærin frá Orléans.
að ná henni á sitt vald, að þeir keyptu hana dýrum dóm-
um, og sendu hana síðan til Rouen, svo að rannsóknar-
dómurinn (Inquisition) og vinur þeirra, biskupinn af Beau-
vais, Pierre Cauchon, gætu dæmt hana til dauða fyrir galdra
og fjölkyngi. Englendingum lék rnjög hugur á að fá það
sannað, að það hefði verið djöfullinn, sem hefði verið á
móti þeim, en ekki guð, með öðrum orðum, að mærin frá
Orléans væri galdrakona en ekki send af guði. En gæt-
andi er þess, að á eftir hinum geistlega dómi átti að koma
annar dómur, svo að engin hætta var á því, að Englend-
ingar mistu af hefndum sínum, jafnvel þótt ekki væri
hægt að sanna upp á hana galdra. Undirbúningur máls-
ins dróst lengi, en á meðan var Jeanne flutt úr einu varð-
haldi í annað. Loksins var réttur settur í mMinu 9. janúar
1431 í Rouen og prófln byrjuðu 21. d febrúarm. Aðal-
dómararnir voru tveir, en meðdómendur voru fyrsta
daginn 41, og síðar miklu fleiri, því að þetta þótti svo
merkilegt mál. Það var það líka í rauninni og skjöl
málsins, sem öll hafa verið prentuð, eru aðal-grundvöll-
urinn, sem nýrri tíma söguritarar byggja söguna af Jeanne
d’Arc á. Prófin héldu áfram þangað til í miðjum marz
og eru mjög svo einkennileg.
Fyrst vildi Jeanne ekkert segja um vitranir sínar.
En guðfræðingarnir spurðu mest um þær, svo að hún varð
að láta undan, enda sagði hún í fjórða prófinu, að um
nóttina hefði hún heyrt »raddirnar himnesku«, og að þær
hefðu sagt sér að svara einarðlega öllum spurningum.
Oft og einatt svaraði hún dómurum sínum svo, að þeim
varð orðfall. Einu sinni ætluðu þeir að veiða hana með
því, að spyrja hana, hvort hún héldi, að hún væri í náðar-
ástandi. Hún svaraði: »Ef eg er ekki í því, þá mun guð
hjálpa mér til að komast i það, en ef eg er í því, þá mun
góður guð einnig hjálpa mér til að varðveita það«. öðru
sinni spurðu þeir hana, hvort Mikael engill hefði verið
nakinn, þegar hann birtist henni. Hún svaraði þeim með
hæðnissvip: »Haldið þið, að drottinn hafi ekkert til að
klæða hann í?« Á öllum spurningum, sem fyrir hana