Morgunblaðið - 01.06.2007, Page 22

22 FÖSTUDAGUR 1. JÚNÍ 2007 MORGUNBLAÐIÐ
MENNING
FJÖLMIÐLAMENN urðu heldur
betur súrir í gær þegar listmálarinn
Odd Nerdrum lét ekki sjá sig á
blaðamannafundi
í tilefni af útgáfu
bókar sinnar, á
kaffihúsinu Thea-
tercafeen í Ósló.
Nerdrum lét þau
orð falla fyrir
fimm árum að
hann ætlaði aldr-
ei aftur að tala við
norska fjölmiðla.
Bók Nerdrums
ber titilinn Temaer og er hnaus-
þykk, að því er segir á fréttavefnum
Nettavisen. Nerdrum boðaði sjálfur
til fundarins en tilkynnti síðar að
hann gæti ekki mætt sökum heilsu-
brests.
Håkon Harket hjá útgáfufélaginu
Forlaget Press, sem gefur bókina út,
segir menn afar forvitna að fá að vita
hvað Nerdrum hefur verið að bralla
seinustu ár. Nerdrum keypti fyrrum
húsnæði aðalsafns Borgarbókasafns
Reykjavíkur við Þingholtsstræti ár-
ið 2002 og hugðist búa hér með fjöl-
skyldu sinni meirihluta árs.
Temaer er 500 blaðsíður að lengd
og inniheldur skissur eftir Nerdrum,
teikningar og ýmsa aðra undirbún-
ingsvinnu fyrir málverk, auk ljós-
mynda af þekktustu verkum hans.
„Þetta er eina leiðin til að sjá það
sem hann hefur verið að gera á und-
anförnum árum,“ segir Harket.
40 blaðamenn biðu eftir Nerdrum
í gær við kaffihúsið. 20 mínútum eft-
ir boðaðan upphafstíma fundarins
mætti svo sölu- og markaðsstjóri
forlagsins, Tor Arvid Dyrerud og lét
vita af því að mikilvæg skilaboð biðu
fjölmiðlamanna frá Nerdrum, inni í
kaffihúsinu. Þar var veikindatil-
kynning Nerdrum leikin af geisla-
diski.
Mætti
ekki
Nerdrum boðaði
til útgáfufundar
Odd Nerdrum
TEIKNIMYND eftir súrrealist-
málarann Salvador Dalí verður
frumsýnd í Tate Modern-lista-
safninu í Lund-
únum í dag, hálfri
öld eftir að Dalí
hóf vinnu við
hana. Enginn
sýndi teikningum
Dalí fyrir mynd-
ina áhuga í ára-
tugi, ekki fyrr en
frændi Walts
Disney heitins,
Roy, keypti þær
úr safni frænda síns og lét ljúka
verkinu.
Vinna við teiknimynd Dalí, Dest-
ino, hófst árið 1946 og lauk árið 2003.
Hún verður á sýningu safnsins sem
helguð er Dalí og áhuga hans og að-
komu að kvikmyndum.
Roy Disney telur að Walt frændi
hans hafi hætt við verkið á fimmta
áratug síðustu aldar því honum hafi
þótt það of furðulegt og of dýrt. Þar
má sjá ýmis sérkenni listsköpunar
Dalí, menn og dýr bráðna og klukk-
ur og símar áberandi meðal annars.
Tugir teikninga og „storyboard“
(þ.e. skissur af allri teiknimyndinni
ramma fyrir ramma) voru í safni
Disney.
Destino er sjö mínútna löng og
tónlistin sú sem samin var fyrir hana
á fimmta áratugnum. Endir mynd-
arinnar þykir dæmigerður fyrir hug-
myndaflug Dalí. Fögur dansmey
fellur fyrir guði nokkrum sem breyt-
ist í íþróttamann og slær höfðinu á
henni með hafnaboltakylfu út í hafs-
auga. Meðal annarra kvikmynda-
tengdra verka Dalí á sýningunni er
Andalúsíuhundurinn sem hann gerði
með Luis Buñuel.
Teikni-
mynd Dalí
Salvador Dalí
ÞURÍÐUR Sigurðardóttir
myndlistarkona hefur opnað
sýninguna Starir í Start Art
listamannahúsi, Laugavegi
12b. Helsta viðfangsefni Þuru
er íslensk náttúra, og þá eink-
um nánasta umhverfi hennar.
Hún bregður jafnan ljósi á hið
smáa, stækkar það og skreytir
með auðugum litum.
Þura útskrifaðist frá
Listaháskóla Íslands árið 2001.
Hún hefur sýnt víða um landið, og auk þess í
Kaupmannahöfn og New York.
Opnunartími Start Art er frá 10 til 17 virka
daga og frá 13 til 16 á laugardögum.
Myndlistarsýning
Hið smáa stækkað
og auðgað
Þuríður
Sigurðardóttir
SÝNING um sögu Egypta-
lands verður opnuð í Byggða-
safni Hafnarfjarðar í dag. Þar
er saga forn-egypsku ríkjanna
þriggja rakin í máli og mynd-
um. Gestir fá innsýn í vísindi,
læknisfræði, trúarbrögð, píra-
mídana og hið forna myndmál
auk lífs hins venjulega Forn-
Egypta. Gripirnir eru fengnir
að láni hjá Þjóðminjasafni Ís-
lands og eru þeir hluti af gjöf
fræðimannsins og skákmannsins Daniels Willards
Fiske (1831-1904) til safnsins. Sýningin verður
formlega opnuð kl. 17. Byggðasafnið er á Vest-
urgötu 8 í Hafnarfirði
Sagnfræði
Saga Egyptalands
í Hafnarfirði
Dætur faraós
SÝNINGIN Automatos verður
opnuð í Ljósmyndasafni
Reykjavíkur í dag. Á sýning-
unni er teflt saman verkum
hinna virtu og margreyndu
ljósmyndara Olafs Otto Bec-
ker, Páls Stefánssonar og
Ragnars Axelssonar af ís-
lensku landslagi. Hver um sig
hefur náð að skapa sinn per-
sónulega myndheim á þessu
sviði og með ólíkum nálgunum
á viðfangsefninu er markmiðið að draga upp trú-
verðuga mynd af stöðu landslagsljósmyndunar í
dag. Sýningin verður opnuð klukkan 17 og hún
stendur yfir til 9. september.
Ljósmyndasýning
Íslenskt landslag
með ólíkum augum
Páll Stefánsson
Eftir Skapta Hallgrímsson
skapti@mbl.is
ENN á ný er aðsóknarmet sett hjá
Leikfélagi Akureyrar því áhorf-
endur á sýningar á Akureyri hafa
aldrei verið fleiri en yfirstandandi
leikár. Metið frá því í fyrra, sem
forsvarsmenn LA töldu að ekki yrði
slegið í bráð, er því þegar fallið!
Áhorfendur að sýningum leik-
hússins á Akureyri í vetur voru ná-
lægt 27.000. Til viðbótar bætast um
11.000 gestir sem sáu sýningar LA
í Reykjavík. Aðsókn síðustu þrjú
leikár hefur vaxið jafnt og þétt og
ljóst að leikhúsið nýtur mikillar al-
mennrar hylli, að mati Magnúsar
Geirs Þórðarsonar leikhússtjóra.
Í vetur hefur aðsókn verið mikil
og jöfn að öllum sýningum LA en
frumsýningar leikársins voru:
Herra Kolbert, Karíus og Baktus,
Svartur köttur og Lífið – notk-
unarreglur. „Allar sýningarnar
hlutu afbragðs aðsókn þótt óhætt
sé að fullyrða að verkefni vetrarins
hafi verið meira ögrandi en oft áð-
ur. Að auki hefur verið boðið upp á
sýningar frá fyrra ári, leiklestra,
gestasýningar og margt fleira.
Uppselt var á langflest sýning-
arkvöld í leikhúsinu í vetur en sem
kunnugt er hefur leikhúsið sýnt eft-
ir nýju sýningarfyrirkomulagi síð-
ustu þrjú leikár. Þá er hver upp-
setning sýnd þétt en í takmarkaðan
tíma,“ segir Magnús Geir.
Aðsókn að sýningum LA hefur
aukist umtalsvert undanfarin ár.
Síðustu þrjú leikár hefur hún verið
mun meiri en árin þar á undan en
þá voru gestir yfirleitt á bilinu 5-
10.000 á ári.
Að sögn Magnúsar Geirs hefur
rekstur leikhússins gengið vel í vet-
ur og ljóst að rekstrarniðurstaða
leikársins er jákvæð og því er þetta
þriðja leikárið í röð sem sú er raun-
in.
„Undirbúningur fyrir nýtt leikár
er í fullum gangi en dagskráin í
heild sinni verður kynnt í ágúst.
Þegar hefur verið greint frá því að
Óvitar eftir Guðrúnu Helgadóttur
verður fyrsta frumsýning leikárs-
ins. Sigurður Sigurjónsson leik-
stýrir og Jón Ólafsson semur söng-
lög og tónlist við verkið,“ segir
Magnús. Vert er að geta þess að
um 500 börn komu í áheyrn-
arprufur fyrir sýninguna en 16
börn hafa verið valin til að taka
þátt í uppsetningunni við hlið full-
orðinna atvinnuleikara. Frumsýn-
ing verður 15. september.
Aðsóknarmetið enn bætt
27.000 manns komu á sýningar á Akureyri og 11.000 á sýningar LA í Reykjavík
Morgunblaðið/Skapti Hallgrímsson
Vinsældir Megas og Magga Stína fallast í faðma eftir vel heppnaða frumsýningu á Lífinu – notkunarreglum eftir
Þorvald Þorsteinsson í Rýminu, þar sem Megas samdi tónlistina og Magga Stína var tónlistarstjóri.
Í HNOTSKURN
»Magnús Geir Þórðarsontók við sem leikhússtjóri
Leikfélags Akureyrar í apríl
2004. Síðan hefur aðsókn á
sýningar félagsins aukist
hratt og örugglega.
»Það vekur athygli leik-hússtjórans að fjöldi gesta
sem koma gagngert til Ak-
ureyrar til að sækja leiksýn-
ingar LA hefur margfaldast á
síðustu misserum.
Leikhúsgestir á
Akureyri
Tölurnar að neðan eiga við sýningar á
Akureyri. Að auki komu 11.000
áhorfendur á sýningar LA í Reykjavík á
nýliðnum vetri og 17.000 í fyrravetur.
2006 − 2007 27000
2005 − 2006 25000
1983 − 1984 19300
2004 − 2005 18800
Heimild: Leikfélag Akureyrar
„ÉG ER snortinn og þakklátur fyrir
að vera veitt þessi orða, ég átti ekki
von á þessum heiðri en það er alltaf
gaman að fá viðurkenningu fyrir
störf sín,“ segir Friðrik Rafnsson,
bókmenntafræðingur og þýðandi,
sem hefur verið sæmdur franskri
orðu, Chevalier dans l’Ordre des
arts et des lettres (Riddari af orðu
lista og bókmennta), fyrir að hafa
unnið ötullega að því að kynna
franska menningu í heimalandi
sínu.
Það er menningarmálaráðherra
Frakklands sem veitir orðuna sem
Friðrik fær bráðlega afhenta í
Franska sendiráðinu á Íslandi við
formlega athöfn. Meðal annarra Ís-
lendinga sem hafa hlotið orðuna má
nefna Sigurð Pálsson.
Friðrik stundaði nám í frönsku
og bókmenntum í Frakklandi og
hefur talsvert unnið að þýðingum
úr frönsku. „Ég mun halda áfram
að þýða og leggja mitt litla lóð á vo-
gaskálarnar við að efla samstarfið
við frakka. Íslendingar og frakkar
eiga margt sameiginlegt og geta
lært af hvor öðrum. Við höfum ver-
ið vinaþjóðir frá miðöldum og ég
held að því meiri sem samskipti
okkar eru við þá, og aðrar menn-
ingarþjóðir, því betra fyrir okkur,“
segir Friðrik.
Sæmdur franskri
menningarorðu
Morgunblaðið/Sverrir
Heiðraður Friðrik Rafnsson, bókmenntafræðingur og þýðandi, hefur verið
sæmdur franskri orðu, Chevalier dans l’Ordre des arts et des lettres.
♦♦♦