Morgunblaðið - 01.06.2007, Síða 24

24 FÖSTUDAGUR 1. JÚNÍ 2007 MORGUNBLAÐIÐ
HÖFUÐBORGARSVÆÐIÐ
PÓSTSENDUM
www.simnet.is/heilsuhorn
Glerártorgi, Akureyri, sími 462 1889,
fæst m.a. í
Lífsins Lind í Hagkaupum,
Maður Lifandi Borgartúni 24,
Árnesapóteki Selfossi,
Yggdrasil Skólavörðustíg 16, Fjarðarkaupum,
Lyfjaval Hæðasmára og Þönglabakka,
Lífslind Mosfellsbæ, Stúdíó Dan Ísafirði
Fyrir vöðva og liðamót
GLUCOSAMINE - HCI
Eftir Elvu Björk Sverrisdóttur
elva@mbl.is
Hafnarfjörður | Flensborgarskóli
fagnar á þessu ári 125 ára afmæli
sínu og verður þess minnst með
ýmsum hætti, að sögn Magnúsar
Þorkelssonar aðstoðarskólameist-
ara. Hann segir Flensborgarskól-
ann merkilega stofnun í sögu lands-
ins. „Þetta er einn af elstu
starfandi skólunum á Íslandi,“ segir
Magnús.
Flensborgarskólinn var í upphafi
barnaskóli, varð síðar gagn-
fræðaskóli og í rúm 30 ár hefur
hann verið á framhaldsskólastigi.
Lengi verið fjölbrautakerfi
í skólanum
Magnús segir að Flensborg-
arskólinn sé meðal þeirra fram-
haldsskóla sem hvað lengst hafi
starfað samkvæmt fjölbrautakerfi.
„Síðan hefur hann verið að þróast á
því sviði. Í dag erum við tiltölulega
hefðbundinn menntaskóli að mörgu
leyti, en stærsti hópurinn útskrifast
sem stúdentar,“ segir Magnús.
Meðal þess sem skapi skólanum
sérstöðu sé öflug fjölmiðlabraut
sem vinni á sviði sjónvarps og út-
varps. Hún rekur meðal annars ný-
búaútvarpið sem vakið hefur at-
hygli undanfarna mánuði. Þar er
útvarpað á mörgum tungumálum
fyrir nýbúa á höfuðborgarsvæðinu.
„Síðan erum við með starfsbraut
fyrir nemendur sem eru fatlaðir.
Við erum að vinna heilmikið starf í
kringum þá,“ segir Magnús og bæt-
ir við að almennt veiti Flensborg-
arskólinn breiða og mikla þjónustu.
Magnús segir að um þrír fjórðu
hlutar nemenda skólans séu Hafn-
firðingar. Þau 25% sem eftir eru
komi víða að og í ár koma þessir
nemendur frá yfir 50 grunnskólum
og fjölmörgum löndum. „Sá sem er
lengst kominn í vetur er frá Kína,“
segir Magnús. Þá hafi skólinn feng-
ið til sín krakka sem eru skiptinem-
ar frá ýmsum heimsálfum.
Merkilegur hluti af
sögu Hafnarfjarðar
Magnús bendir á að Flensborg-
arskóli sé einnig merkilegur hluti af
sögu Hafnarfjarðar. „Þetta er fyrsti
skólinn sem tekur til starfa hérna í
bænum,“ segir hann. Þegar saga
skólans og bæjarins sé skoðuð í
samhengi komi í ljós að mikið af því
félagsstarfi sem mótast hafi í gegn-
um starfsemi á vegum skólans hafi
smitast út í bæjarlífið. Þar megi
nefna áhugafélög af ýmsu tagi, svo
sem á sviði leiklistar og íþrótta.
Samstarf skólans og íþróttafélaga í
Hafnarfirði hafi verið mjög náið
alla tíð. „Eitt af því sem við fórum
af stað með í haust, sem er nokkur
nýlunda, er íþróttaafrekssvið, sem
við höfum þróað,“ segir Magnús.
Það sé ætlað íþróttafólki og hafi í
vetur verið starfrækt fyrir körfu-
boltadeild Hauka og handknatt-
leiksdeild FH. „Núna koma fjórar
nýjar deildir og félög inn í þetta
starf í haust,“ segir hann. Þar sé
um að ræða handknattleiks- og
knattspyrnudeild Hauka, knatt-
spyrnudeild FH og sundfélag Hafn-
arfjarðar. „Það er mikill spenn-
ingur í kringum þetta starf,“ segir
Magnús. Með þessu sé verið að búa
til þjónustukerfi fyrir nemendur
skólans þannig að þeir geti stundað
íþrótt sína af fullum krafti og látið
skólann ganga upp samhliða.
„Partí allt árið“
Afmælisárinu verður sem fyrr
segir fagnað með ýmsum hætti. Í
dag fer fram hefðbundin útskrift
frá skólanum, en hún var flutt til
um viku vegna afmælisins. „Svo
verðum við með móttöku í eftirmið-
daginn þar sem fyrrverandi og nú-
verandi starfsfólk kemur og fagnar
með okkur,“ segir Magnús. Í kvöld
verður svo boðið til kvöldverðar og
dansleiks en á sunnudag verða jafn-
framt hátíðartónleikar sem kór
skólans heldur í skólanum.
„En við erum ekkert hætt,“ legg-
ur Magnús áherslu á. Í október eru
125 ár frá því skólinn var settur í
fyrsta sinn og þá helgina verða há-
tíðahöld með listsýningum og fleiru,
að sögn Magnúsar. „Við ætlum að
hafa partí allt árið,“ segir hann.
Nýbygging breytti miklu
Í vetur var tekin í notkun ný-
bygging við Flensborgarskólann en
í henni er tónlistarsalur, matsalur
og mjög góð vinnu- og kennsluað-
staða. Fyrstu skrefin vegna við-
byggingarinnar voru tekin um mitt
ár 2003, en þau hófust með bréfa-
skriftum milli Hafnarfjarðarbæjar
og menntamálaráðuneytis. Fyrsta
skóflustunga að húsinu var tekin í
apríl 2005 og bygging þess tók því
rúmt ár. Nýja húsið er á þremur
hæðum og er alls um 2.650m² og
því er heildarflatarmál skólans í
dag um 7.100 m².
„Síðan höfum við jafnframt verið
að gera við eldri húsin. Það er búið
að gera við hluta af þeim og næstu
tvö árin verður það klárað,“ segir
Magnús. Þá verði skólinn orðinn
nánast eins og nýr frá toppi til táar.
Með nýjum byggingum við skólann
hafi verið hægt að fjölga nem-
endum úr 550 í um 750. „Þá hefur
aðstaða nemenda og kennara við
skólann stórbatnað. Við erum að
bjóða hér allt annað vinnuumhverfi
en við höfum haft.“ Gaman sé að
finna það hvað allir sem koma í hið
nýja umhverfi, hvort sem um sé að
ræða nemendur eða listamenn, séu
ánægðir með útfærsluna.
Í nýja húsinu sé nánast fullkom-
inn hljómleikasalur, en á þeim sé
verulegur hörgull í bænum. Til-
koma salarins sé gjörbylting fyrir
70 manna kór skólans, sem Hrafn-
hildur Blomsterberg stjórnar.
Flensborg
fagnar afmæli
Afmæli Magnús Þorkelsson, aðstoðarskólameistari Flensborgarskóla, og
Einar Birgir Steinþórsson skólameistari við nýja byggingu skólans.
Í HNOTSKURN
»Flensborgarskóli varstofnaður 1. júní 1882.
»Skólinn tók til starfa ífyrsta skipti 1. október það
ár.
»Skólinn hefur í gegnumtíðina verið barnaskóli og
gagnfræðaskóli en síðustu 30
árin hefur hann verið á fram-
haldsskólastigi.
»Nemendur í skólanum erunú um 750 talsins.
125 ár frá stofnun skólans og verður
þess minnst með hátíð um helgina
Morgunblaðið/Ásdís
FAGRAR kvenraddir hljóma víðs
vegar um Akureyrarbæ í fyrra-
málið. Þar verða á ferðinni
Kvennakórinn Vox feminae und-
ir stjórn Margrétar J. Pálmadóttur
og Kvennakór Akureyrar undir
stjórn Arnórs Brynjars Vilbergs-
sonar. Kórarnir hittast í Akureyr-
arkirkju kl. 11.15, þar verður opið
og öllum frjálst að hlýða á þá sam-
eina krafta sína. Gestir í sundlaug
Akureyrar mega eiga von á heim-
sókn því þangað heldur hópurinn
úr kirkjunni og mun syngja á sund-
laugarbakkanum. Um hádegisbilið
munu kórarnir rölta syngjandi nið-
ur Listagilið gestum og gangandi
til yndisauka. Vox feminae verður
svo með tónleika í Dalvíkurkirkju
kl. 17 á morgun og kórinn syngur í
Húsavíkurkirkju á sunnudag.
Vox feminae á
Norðurlandi
HÁSKÓLINN á Akureyri var stofn-
aður 1987. Tvær ellefu ára stúlkur
kynntust það sumar fyrir tilviljun í
Fellabæ þegar þær pössuðu þar
hvor sitt barnið sumarlangt. Þær
gáfu þá út tímarit, Tómstundarblað-
ið, í einu eintaki sér til skemmtunar
en sáust síðan ekki í 17 ár, þar til
báðar settust í Háskólann á Ak-
ureyri til að nema fjölmiðlafræði.
Hvorug vissi af hinni. Þrjú ár í skól-
anum eru nú að baki og þær útskrif-
ast saman eftir nokkra daga.
Ragnhildur Aðalsteinsdóttir af
Jökuldal gætti barns systur sinnar í
Fellabæ sumarið ’87 en Hrafnhildur
Reykjalín Vigfúsdóttir frá Dalvík
passaði dóttur vinkonu móður sinn-
ar. „Ég hafði aldrei komið í Fellabæ
en mömmu fannst allt í einu alveg
upplagt að ég færi þangað þetta
sumar,“ segir Hrafnhildur þegar
blaðamaður hittir þær Ragnhildi að
máli, og þær hlæja að tilviljuninni.
„Við þekktun engan þarna, mæðr-
um barnanna þótti við eitthvað ein-
mana og ákváðu að kynna okkur, og
við vorum svo eins og samloka um
sumarið; voru saman alla daga,“
bætir Ragnhildur við.
Segja má að fjölmiðlaáhuginn hafi
kviknað þarna um sumarið. „Við
pikkuðum tímaritið á gamla ritvél
og myndskreyttum; skrifuðum
brandara og aðsend bréf – og svör-
uðum þeim sjálfar. Vorum ritstjórar,
lesendur, hönnuðir og prentarar …“
Haustið 2004 lentu þær stöllur
saman í 70 manna bekk og það var
ekki fyrr en tveir mánuðir eða svo
voru liðnir af skólaárinu að þær átt-
uðu sig. Ert þetta þú?!
Ástæða þess að Hrafnhildur valdi
þetta nám var hve áfangalýsingin
var spennandi. „Mér fannst þetta
bjóða upp á svo fjölbreytta valkosti,“
segir hún og fann greinilega rétta
braut. Hún hefur starfað með námi
hjá Akureyrarbæ við kynningar- og
markaðsstörf, auk þess að sinna
heimasíðu bæjarins á Netinu ásamt
öðrum.
Ragnhildur starfaði um tíma á
ljósmyndadeild Morgunblaðsins fyr-
ir nokkrum árum. „Þá kviknaði
áhuginn og svo er ég mjög forvitin í
eðli mínu. Ég hef gaman af blaða-
mennsku og ljósmyndun, og er alltaf
með augun opin fyrir einhverju
fréttnæmu. Þetta nám lá því beint
við eftir að ég flutti til Akureyrar.“
Þær eru sammála um að námið
hafi verið afskaplega skemmtilegt
og fyllilega staðið undir væntingum.
Hæla Birgi Guðmundssyni, umsjón-
armanni fjölmiðlafræðinámsins við
félagsvísinda- og lagadeild HA, í há-
stert. „Þetta er svo lifandi. Eins og í
öðru akademísku námi lærum við
margt fræðilegt en þannig vill til að í
fjölmiðlafræðinni er sá hluti mjög
skemmtilegur. Og þótt við höfum
lært margt um gömlu pólitísku
flokksblöðin lifum við mjög mikið í
núinu. Námið snýst að svo miklu
leyti um það sem er að gerast núna.“
Báðar nefna þær eitt, sem hefur
breyst: Þær eru gagnrýnni á fjöl-
miðla en áður. „Maður trúir ekki
endilega öllu þótt það sé komið á
prent. Það er nauðsynlegt að vera
tortrygginn,“ segja þær í kór.
20 ára afmæli HA og
Tómstundarblaðsins!
Morgunblaðið/Skapti Hallgrímsson
Tómstundarblaðið Hrafnhildur Reykjalín Vigfúsdóttir og Ragnhildur Að-
alsteinsdóttir skoða eina eintakið; sem þær gáfu út sumarið 1987.
Í HNOTSKURN
»Í einkamáladálki tímaritsvinkvennanna frá 1987 er
m.a. þetta að finna: „Tveir am-
erískir karlmenn á góðum
aldri vilja kynnast íslenskum
kvenmönnum, með ball á laug-
ardagskvöldi í huga (ef allt
gengur vel).“
HJALTI Jón Sveinsson, skólameist-
ari Verkmenntaskólans á Akureyri,
bindur vonir við að innan fárra ára
muni Háskólinn á Akureyri taka upp
listnám á háskólastigi og telur að
það gæti átt bjarta framtíð fyrir sér.
„Á hverju ári brautskrást tugir
nemenda af listnámsbrautum fram-
haldsskólanna og hér í VMA erum
við með marga efnilega og sterka
nemendur sem koma jafnvel víða að.
Í dag er aðeins einn Listaháskóli í
landinu sem tekur einungis við örfá-
um nemendum inn á þær brautir
sem þar eru. Augljóst er að fjöl-
margir verða frá að hverfa, sumir
leita í erlenda listaháskóla, og er
ekkert nema gott um það að segja,“
sagði Hjalti Jón þegar hann braut-
skráði nemendur frá VMA.
„Hitt er svo vafalaust tilfellið að
margir þeirra hefðu kosið að hefja
sitt framhaldsnám hér heima. Það
má færa fyrir því rök að það sé góð-
ur kostur fyrir nemendur að fara ut-
an með betri bakgrunn í námi sínu
til að geta valið betri skóla.“
Sérstaða
Hjalti Jón sagði marga hverfa frá
listnámi vegna þess að þeir kæmust
ekki í það nám sem hugurinn stæði
til og ekki væri minnsti vafi á að
mikil þörf væri á því að auka fram-
boð á listnámi á háskólastigi á Ís-
landi.
„Góður kostur væri að stofna
listabraut við Háskólann á Akureyri
sem gæti síðan sérhæft sig í ýmsu
því sem ekki er boðið upp á annars
staðar auk þess að nota þann styrk-
leika og mikla mannauð sem er hér
nyrðra. Háskólinn á Akureyri gæti á
þennan hátt skapað sér sérstöðu
meðal íslenskra háskóla,“ sagði
Hjalti Jón Sveinsson, skólameistari
Verkmenntaskólans.
Vill lista-
braut við
Háskólann
AKUREYRI