Náttúrufræðingurinn - 1940, Blaðsíða 31
NÁTTÚRUFRÆÐINGURINN
23
18. nóv. 1938 sáust þar 5 karlfuglar og 2 kvenfuglar, og
dvöldu þeir þar fram aS sumarmálum.
1. nóv. 1939 sáust 2, 1. des. sáust nokkrir og 30. des. sáust
þar ca. 10 svartþrestir, karl- og kvenfuglar, bæði ungir og
gamlir. Frá því um haustið 1939 höfðu auk þess 2 karlfugl-
ar og 2 kvenfuglar dvalið í garði innan við bæinn, og voru
þeir þar enn um áramótin 1939 og 1940.
9. Grábrystingur (Phoenicurus ochruros gibraltariensis
(Gmelin)).
Fugl þennan skaut Sigurður Björnsson á Kvískerjum í Öræf-
um í garðinum þar við bæinn 17. nóv. 1938. Hafði hann ekki
sézt fyrr en þann dag; sendi hann cand. phil. Magnúsi Björns-
syni fuglinn, og er hann nú á Náttúrugripasafninu í Reykjavík.
Litur fuglsins sýnir, að þetta hefir annaðhvort verið kvenfug’
eða ungur fugl. í bréfi til Magnúsar Björnssonar, sem fylgdi
fuglinum, segir Sigurður, að viku áður (10. nóv.) hafi annar
fugl, svipaður honum, komið í garðinn, en í öðru bréfi til Magn-
úsar, dags. 30. 9. 1939, fullyrðir Sigurður, að hann hafi þó ekki
verið sömu tegundar, heldur muni það hafa verið ungur flugna-
bani. Verður vart skorið úr því með fullri vissu, hvaða tegund
það hefir v.erið. Um grábrystinginn, sem safninu var sendur,
hefir þegar verið getið í Skýrslu Náttúrufræðifélagsins,1) en
þar er talið, að fuglinn frá 10. nóv. hafi verið sömu tegundar,
en samkvæmt ofanrituðu ber að strika hann út sem vafafugl.
10. Gulbrystingur (Erithacus rubecula (L.)).
(Erithacus rubecula (? rubecula (L.))).
28. febrúar 1938 sá Kristján Geirmundsson gulbrysting í
garði sínum við Aðalstræti á Akureyri. Leitaði hann ætis þar
sem snjólaust var undir runnum eða annars staðar þar sem af-
drep var fyrir snjó. Hvarf hann sama dag, og sást ekki aftur
fyrr en 26. marz að hann kom að matarbretti í sama garði, en
þaðan fór hann strax aftur, en 29. marz sá Kristján hann í
Gróðrarstöðinni á Akureyri. Leitaði hann þar ætis í hrossataðs-
haug, sem hitnað hafði í, og var því snjólaus að ofan. Má telja
1) Bjarni Sæmundsson: Nýjungar úr dýraríki íslands. Skýrsla um hið
íslenzka Náttúrufræðifélag. Félagsárin 1937 og 1938.