Náttúrufræðingurinn - 1940, Side 32
24
NÁTTÚRUFRÆÐINGURINN
víst, að þetta hafi allt verið sami fuglinn. Tókst Kristjáni að
ná honum, enda þótt hann væri mjög styggur, og er hann nú
geymdur í safni hans. Þetta var fullorðinn karlfugl. Um þenn-
an fugl hefir þegar verið getið í Náttúrufræðingnum.1)
Seint í febrúar 1939 var Kristjáni Geirmundssyni sendur ann-
ar gulbrystingur. Var það einnig fullorðinn karlfugl. Hann hafði
náðst skömmu áður á Fjöllum í Kelduhverfi. Hafði hann verið
að leita sér ætis í moði og öðru rusli við gripahús þar á bænum.
Samkv. upplýsingum frá Þorsteini Einarssyni, kennara í Vest-
mannaeyjum, sá hann 3 gulbrystinga í Vestmannaeyjum 22.
nóv. 1939. Hafði hann heyrt, að litlir fuglar með rautt brjóst
hefðu sézt þar nokkrum dögum áður. 1 fugl sömu tegundar
sást þar 1. des. s. á. Hefir það ef til vill verið einn af þessum
þremur.
Það er eins með gulbrystinginn og fuglakónginn, að það verð-
ur ekki skorið úr því með fullri vissu að svo komnu máli, hverr-
ar undirtegundar þeir fuglar eru, sem sjást hér á landi. Meiri
líkindi eru þó til þess, að þeir tilheyri þeirri undirtegund, (Eri-
thacus r. rubecula (L.)), sem heima á í Skandinavíu og annars
staðar á meginlandi Evrópu, en hún er ekki óalgengur flæking-
ur og vetrargestur á Færeyjum. Hins vegar gæti einnig undir-
tegund sú (Erithacus rubecula melophilus Hartert), sem heima
á á Bretlandseyjum, flækst hingað. Hennar hefir t. d. einu sinni
orðið vart á Færeyjum.
11. Landsvala (Hirundo rustica rustica, L.).
Húsavík. I maí 1938 barst Kristjáni Geirmundssyni á Akureyri
í hendur landsvala, sem náðst hafði á Húsavík 3. maí. Það
var fullorðinn karlfugl. Svalan hafði veitt flugur við beitu-
skúrana á Húsavík, en setið þess á milli á símavírnum yfir
skúrunum.
Hornafjörður. 1 bréfi til min, dags. 20. 1. 1940, telur Eymund-
ur Björnsson, Dilksnesi í Hornafirði, landsvölur meðal flæk-
inga, sem hann hafði séð þar 1939. Segir hann, að þær séu
þar fremur sjaldgæfar, en sjáist af og til á vorin og haustin.
Vestmannaeyjar (heimildarm. Þorsteinn Einarsson).
24. maí 1938 sáust þar 3 landsvölur.
1) Ólafur Friðriksson: Úr bréfi frá Akureyri. Náttúrufr., VIII. árg-.,
1938, bls. 182.