Náttúrufræðingurinn - 1940, Síða 13

NÁTTÚRUFRÆÐINGURINN
5
hugunum, sem eg hefi talið fyllilega áreiðanlegar. Upplýsingum
um vafafugla, sem ekki hafa verið nógu greinilegar til þess, að
hægt væri að skera úr því með vissu, um hvaða tegund hafi verið
að ræða, hefi eg að sjálfsögðu sleppt.
I. NÝIR FUGLAR.
1. Trjáskríkja (Carduelis spinus (L.)).
Við þennan fugl hefir aldrei orðið vart hér á landi fyrr en
haustið 1939, en þá sást hann á tveim stöðum, í Reykjavík og
Vestmannaeyjum, einn fugl á hvorum stað.
25. sept. sást óþekktur fugl í garði við Tjörnina í Reykjavík.
Sást síðan öðru hvoru í görðum þar í kring til 4. okt., en þá náðist
hann í garði við Laufásveg og var settur í búr. Eg fékk tækifæri
til þess að sjá hann, og kom þá í ljós, að þetta var fullorðinn
karlfugl (með svai’tan koll) þessarar tegundar. Þegar þetta er
skrifað, lifir hann enn góðu lífi.
6.—8. nóvember sást svo annar fugl þessarar tegundar í Vest-
mannaeyjum. Eg hefi fengið nákvæma lýsingu af honum frá
Þorsteini Einarssyni kennara, og er eg ekki í nokkrum vafa um,
að um þessa tegund hefir verið að ræða. Eftir lýsingunni að
dæma hefir það einnig verið fullorðinn karlfugl. Þorsteinn
skrifar mér, að fuglinn hafi skríkt ákaft, og þar sem hann sé í
ætt við sólskríkju, leggur hann til, að hann verði kallaður trjá-
skríkja, og finnst mér það vel til fallið.
Trjáskríkjan er af finkuættinni (Fringillidae) og er náskyld
auðnutittlingnum og svipuð honum að stærð. Karlfuglinn er
svartur á enni, hvirfli og höku. Höfuð á hliðum, hálshliðar, fram-
anverður háls og bringa er ljósgrængult. Að ofanverðu er fugl-
inn allur dökkgrængulur. Kviður gráhvítur. Fuglinn er auk þess
allur með daufum og lítið áberandi, dekkri, langrákum, sem eru
greinilegastar á síðunum. Vængur svartur með 2 gulum þver-
böndum. Að undanskildum miðfjöðrunum 2 eru stélfjaðrirnar
gular með svörtum oddi. Nef holdlitað með svörtum broddi,
fætur brúnir. Á kvenfuglinum vantar svarta litinn á enni, hvirfli
og höku. Fuglinn er allur með miklu meira áberandi, dökkum,
langflikrum, og grunnliturinn er miklu grárri, en á gulum lit-
brigðum ber miklu minna. Ungir fuglar eru eins á lit og kven-
fuglar. — Vænglengd 69—75 mm, nef ca. 10 mm. Stél með all-
djúpri sýlingu.