Skírnir - 01.12.1919, Blaðsíða 59

Skirnir]
Færeysk þjóðernisbarátta.
265
mörgum handritum, og sömuleiðis voru til orðasöfn eftir
Nikolaj Mohr, sama mann og samdi náttúrusöguna íslenzku
(1783). Þessi rit höfðu þeir Bloch til grundvallar, en
breyttu fyrst og fremst stafsetningu þeirra, og bættu við
orðum, sem til voru í kvæðunum og öðrum bókum um
færeysk efni, ef þau vantaði í eldri söfnin. Grundtvig dó
áður en þessu starfi væri lokið (1883), en Bloch hélt þvi
áfram. Þá bætti hann og 16. bindinu við kvæðasafnið,
þvi að ýms kvæði höfðu komið í leitirnar síðan. Alt safn-
ið hafði þá að geyma 234 kvæði í 8—900 mismunandi
gerðum; erindin eru um 70.000. En síðan hafa aftur bæzt
við tvö bindi. Bæði þessi ritbákn, kvæðasafnið og orða-
bókin, eru nú geymd í konungsbókhlöðu í Kaupmannahöfn.
Með þessum störfum hafa þeir Grundtvig og Bloch
gert sér mikinn sórna og færeyskum fræðum ómetanlegt
gagn. En útgáfan, sem Grundtvig ætlaðist til að fara
skyldi á eftir, er ókomin enn.
Hammershaimb hafði 1878 fluzt til Danmerkur og
gerst prestur á Sjálandi. Þar gaf hann út nýja þýðingu
á Færeyingasögu og hið merka rit Fœroslc anthologi (1886
—91). Þar er safnað dálitlu úrvali úr þjóðlegum fræðum
færey8kum, kvæðum, sögnum, gátum og málsháttum.
Framan við bókina er inngangur og málfræði á dönsku.
Auk þess hefir Hammershaimb samið handa ritinu nokkr-
ar þjóðlífslýsingar frá Færeyjum; málið á þeim er talið
einhver hin bezta færeyska, sem til er.
Þetta varð síðasta rit Hammershaimbs þegar frá eru
skildar nokkrar stuttar greinar. Hann lifði þó mörg ár
eQn, andaðist í hárri elli 1909. Fáum mönnum eiga Fær-
eyingar meira að þakka en honurn. Dýrgripi þá, er þeir
áttu í kvæðum og sögnum, hefir hann varðveitt frá
gleymsku. Mál þeirra leysti hann úr álögum. Hann hefir
unnið svipað verk í Færeyjum og Aasen í Noregi. En
Haromershaimb var enginn byltingamaður. Hann gladd-
ist að vísu yfir framförum færeyskunnar á efri árum sín-
nm, en tók annars ekki beinan þátt í þeirri glímu hennar
við dönskuna, sem þá var hafin.