Uppeldi og menntun - 01.01.1994, Side 40

„STRÁKAR OG STELPUR í TAKT VIÐ TÍMANN"
Tafla 4
Viðhorf kynja til eigin getu í upphafi og í lok verkefnis
Athugunartími N* M** t P
Febrúar 1991 Drengir 42 0,77 -0,34 EM
Stúlkur 36 0,78
Maí 1992 Drengir 54 0,75 -0,93 EM
Stúlkur 48 0,77
* N = fjöldi barna í hópunum
** M = Hlutfallslegur fjöldi jákvæðra svara (1=100%).
Meðaltal fyrir hvern hóp.
Eins og fram kemur í Töflu 4 er sáralítill munur á viðhorfum kynjanna, hann nálgast
ekki að vera tölfræðilega marktækur hvorki í upphafi athugunarinnar né í lokin.
Við þessa útreikninga var stuðst við öll atriðin sem spurt var um á hvorum
tíma, sem voru ekki þau sömu nema að hluta eins og áður segir. Því segir meðaltal
réttra svara á hvorum tíma ekkert um framfarirnar á milli ára. Til að athuga þær eru
svör barnanna varðandi þau sex atriði, sem voru sameiginleg á báðum mælingar-
tímunum, borin saman.
Tafla 5 sýnir að á þessum sex atriðum kemur ekki fram marktækur munur á
milli tilraunabekkja og samanburðarbekkjar, hvorki í upphafi eða í lok verkefnisins.
Meðaltölin fyrir samanburðarhópinn eru ögn lægri á báðum mælingum, en munur-
inn er ekki marktækur og ef eitthvað er þá hefur dregið saman með hópunum
seinna árið.
Meðaltölin sýna einnig að börnin telja sig geta fleiri atriði í lok athugunarinnar
en í upphafi hennar (Tafla 5) og ANOVA-próf sýnir marktæk megináhrif fyrir at-
hugunartíma fyrir hópinn í heild (F=6,725; p<0,001). Sá munur verður hins vegar
hvorki skýrður með verkefnisþjálfun né kynferði, þ.e. munurinn er álíka mikill hjá
tilraunahópnum og samanburðarhópnum og hjá báðum kynjum. Breytingarnar
virðast því best skýrðar með auknum aldri og reynslu.
Ekki verður því séð, út frá þeim mælingum sem gerðar voru, að fyrsta markmið
verkefnisins - að hafa áhrif á viðhorf nemenda til eigin getu - hafi náðst, umfram
það sem gerist hjá jafnöldrum sem ekki tóku þátt í verkefninu.
Markmið 2: Viðhorf til launaðra starfa
Annað meginmarkmið þróunarverkefnisins var að hafa áhrif á viðhorf nemenda til
launaðra starfa. Þeir voru spurðir hverjir þeir teldu að gætu unnið 15 tiltekin störf í
upphafi og 18 störf í lokin („allir", þ.e. bæði konur og karlar, „bara konur" eða „bara
38