Dvöl - 01.01.1940, Page 8

D VÖL
bg svo vona ég að verði áfram. XJngir Framsóknarmenn voru að athuga möguleika á
útgáfu tímarits. Þeir viláu gjarnan eignast Dvöl, og að ýmsu leyti vildi ég helzt vita
af henni í þeirra höndum, ef ég sleppti henni á annað borð. Það varð úr, að ég lét að
óskum þeirra. En ég lœt Dvöl með ýmsum skilyrðum, þar á meðal þeim, að hún
taki aldrei þátt í flokkadeilum stjórnmálaflokkanna og að hún verði sem líkust og
að undanförnu, m. a. að hún flytji sem verulegan þátt lesmálsins úrval úr smásögum
erlendra góðskálda og annað það efni, er styöur heilbrigöa menning og er skemmti-
legt til aflestrar.
Eitt af skilyrðum mínum var, að viö ritstjórn Dvalar tœki maður, sem ég gœti
samþykkt og þetta ákvœði var tekið til greina. Mér er kunnugt um, aö hinn nýi ritstjóri,
Þórir Baldvinsson, er smekkvís og vel fróður um erlendar bókmenntir, og maö-
ur, sem óhœtt er að treysta. Hann hefir aflað sér menntunar og þroska af eigin
ramleik og við erfiða lífsbaráttu í því landi, sem ég tel að ýmsu farsœlast til
heimsóknar islenzkum œskumönnum, ef þeir vilja efla viljaþrek sitt og auka víð-
sýni sína og manndóm, ásamt hagsýni í framkvœmdum.
Ég tel mikla þörf á frjálslyndu, góðu tímariti hér á landi. Mér hefir lengi
fundist að miklu skipti hvað menn lœsu, einkum þó meðan þeir eru ungir. En tímarit
hafa einmitt góð tœkifœri til þess að flytja fróðlegt, fjölbreytt og skemmtilegt efni
eftir fjölda marga höfunda. Geti Dvöl flutt lestrarhneigðu fólki aðlaðandi lestrarefni,
sem auki og þroski hugsun þess og hjálpi lesendunum að verða sjálfstœtt hugsandi
menn, þá tel ég einhverjum lielzta tilgangi Dvalar náð.
Að lokum þakka ég öllum þeim, sem hafa hjálpað mér um lestrarefni og leið-
beiningar til þess að gera Dvöl það, sem hún er orðin.
Þá vil ég einnig þakka útsölumönnunum, sem margir hafa lagt á sig talsveri
erfiði Dvalar vegna, ýmist fyrir litla eða enga þóknun. Og síðast en ekki sizt þakka
ég öllum hinum mörgu skilsömu kaupendum og hlýhuga lesendum um allt land fyrir
alla þeirra fyrirgreiðslu og alúð í garð okkar Dvalar.
Svo óska ég Dvöl alls góðs og vona að hana verði að finna vel bundna í bóka-
söfnum margra bókavina, þar sem lestrarfúst fólk framtíðarinnar les í henni öðru
hvoru, sér og öðrum til ánœgju á ókomnum árum.
VIGFÚS GUÐMUNDSSON.
DVÖL hefir skipt um eigendur og ritstjórn með hinu nýja ári. SUF (Samband
ungra Framsóknarmanna) hefir tekið við tímaritinu, og mun sjá um útgáfu þess
framvegis.
DVÖL mun þó þrátt fyrir þetta leiða hjá sér allar stjómmáladeilur og flokka-
drætti. Hún mun eftir sem áður verða „tímarit til skemmtunar og fróðleiks". Hún
mun halda áfram að flytja lesendum sínum úrval þýddra skáldverka, skemmtandi
og fræðandi greinar, frumsamdar smásögur, ljóð o. fl.
Hinn fráfarandi ritstjóri hefir aflað DVÖL mikilla vinsælda. Hann hefir byggt
ritið upp að mjög miklu leyti og brotið því leið. Á þennan hátt hefir hann stórlega
auðveldað starf þeirra, sem við því taka. Hinir nýju eigendur gera sér vonir um að
njóta þessara vinsælda í framtíðinni, og þeir munu leitast við að verða þeirra maklegir.
Ritstj.
i