Morgunblaðið - 02.11.2010, Page 4
4 FRÉTTIRInnlent
MORGUNBLAÐIÐ ÞRIÐJUDAGUR 2. NÓVEMBER 2010
Andri Karl
andri@mbl.is
Samningur ríkisins við Rauða
krossinn um útvegun, innkaup og
rekstur bifreiða og tækjabúnaðar
til sjúkraflutninga um allt land
rennur út um áramót. Fyrirhug-
aður niðurskurður á sjúkrastofn-
unum á landsbyggðinni mun hafa í
för með sér aukningu sjúkraflutn-
inga og þykir víst að sú staðreynd
verði meðal þeirra stóru mála sem
rædd verða í samningaviðræðun-
um.
Skv. upplýsingum frá aðstoðar-
manni Guðbjarts Hannessonar
heilbrigðisráðherra stóð til að
funda með fulltrúum Rauða kross-
ins í gærdag. Ekki náðist hins veg-
ar í ráðherrann eftir fundinn.
Gæti þurft að hækka gjöldin
Hjá Rauða krossinum fengust
þær upplýsingar að viðræðurnar
væru á frumstigi. Hvað varðar fyr-
irhugaða aukningu sjúkraflutninga
segir Sólveig Ólafsdóttir, upplýs-
ingafulltrúi Rauða krossins á Ís-
landi, þó ekkert liggja fyrir um að
fjölga þurfi sjúkrabílum. „En hins
vegar í sambandi við viðhald og
annað höfum við teygt okkur eins
langt og við getum. Það er í raun
og veru ríkið sem ákveður hvert
þjónustustigið á að vera og Rauði
krossinn hefur haldið að sér hönd-
um eins og hægt er. En það er al-
veg ljóst að ef ekki verður farið í
ákveðna endurnýjun og annað
kemur það niður á þjónustustigi.“
Allir sjúkrabílar á Íslandi eru í
eigu Rauða krossins, sem keypti
þá, útbjó tækjum og rekur. Á vef-
svæði félagsins segir að bílarnir
séu 77 á fjörutíu stöðum og að á
venjulegu ári fari bílarnir 20-24
þúsund ferðir. Allur rekstrar-
kostnaður er greiddur af Rauða
krossinum. Sólveig segir að allir
einstaklingar sem panta sjúkrabíl
og eru fluttir með honum greiði
sama gjald fyrir þjónustuna hvar á
landinu sem þeir eru. Þegar um er
að ræða sjúkraflutninga á milli
sjúkrastofnana greiðir ríkið hins
vegar fyrir það ákveðið gjald. „Það
er mun meiri kostnaður en ein-
staklingskostnaðurinn, og þannig
er hægt að halda gjaldinu niðri.“
Meðal þess sem verður rætt í við-
ræðunum er hvort hækka þurfi
gjöldin vegna sjúkraflutninganna.
Stór mál undir í samn-
ingum um sjúkrabíla
Fyrirséð aukning sjúkraflutninga meðal þess sem rætt verður
Morgunblaðið/Arnaldur
Akstur Meiri þörf fyrir sjúkrabíla.
Einar Örn Gíslason
einarorn@mbl.is
Samkvæmt fjárlögum ársins 2011
verður 447 milljónum króna veitt úr
Ofanflóðasjóði til byggingar og við-
halds snjóflóðavarna. Þessi upphæð
er töluvert lægri en fjármagnstekjur
sjóðsins, en samkvæmt ársreikningi
síðasta árs var handbært fé hans
meira en sjö milljarðar króna. Sjóð-
urinn hefur þann tilgang einan að
byggja upp varnarvirki á þeim stöð-
um sem hætta er á ofanflóði, en sjóð-
urinn var settur á fót í kjölfar hinna
mannskæðu snjóflóða á Flateyri og í
Súðavík árið 1995. Árlega greiða eig-
endur allra brunatryggðra fasteigna
0,3% iðgjald í sjóðinn. „Þetta er bara
orðinn einn skatturinn enn, sem er
verið að láta hvern íbúa í landinu
borga, sem er svo ekki nýttur í það
sem á að nýta hann í,“ segir Jóhann
Eðvald Benediktsson, mannvirkja-
stjóri í Fjarðabyggð.
Allt til reiðu nema fjármagn
Frá því í lok árs 2008 hefur allt
verið til reiðu til þess að bjóða út
gerð þvergarðs og leiðigarðs í
Tröllagiljum. Áætlaður kostnaður
vegna þeirra framkvæmda er 1,3
milljarðar króna, sem dreifist á
nokkur ár. Ofanflóðasjóður greiðir
90% kostnaðar, en sveitarfélagið
brúar bilið. Páll Björgin Guðmunds-
son, bæjarstjóri í Fjarðabyggð, segir
allt klárt hvað sveitarfélagið varðar,
og gert ráð fyrir framkvæmdunum í
fjárhagsáætlun. „Það virðist vera
eins og þessir peningar séu algjör-
lega til reiðu. Það er stóra málið í
þessu, að það fæst ekki fé til fram-
kvæmda úr sjóðnum,“ segir hann.
Jóhann segir Framkvæmdasýslu
ríkisins hafa skilgreint fyrirhugaðar
framkvæmdir sem mannaflsfrekar,
og þær nefndar í kjölfar hrunsins
sem verkefni sem vert væri að ráðast
í. Rétt áður en bjóða átti verkið út
var Fjarðabyggð hins vegar tilkynnt
að ekkert fjármagn fengist úr sjóðn-
um fyrr en árið 2013.
Á Ísafirði og Siglufirði er sama
uppi á teningnum, þar eru stór verk-
efni tilbúin í útboð. Þau eru hins veg-
ar undir sömu sök seld og fram-
kvæmdirnar á Norðfirði, ekki fæst
fjármagn úr Ofanflóðasjóði.
Kristján Þór Júlíusson, þingmað-
ur Sjálfstæðisflokksins, hefur vakið
athygli á málinu. Hann segir mik-
ilvægt að hafa í huga að sjóðurinn
hafi verið settur á fót til að vernda
byggðina í landinu. „Mat sérfræð-
inga á þessu sviði er það að það þurfi
vörn á þessum stöðum. Þess vegna
eru landsmenn allir að greiða ákveð-
ið gjald á hverju ári til að fara í fram-
kvæmdir á þessu sviði. Það er óheim-
ilt að nýta þessa fjármuni til annarra
verka, þeir safnast bara upp. Þess
vegna finnst mér þetta svolítið
kauðskt.“ Kristján segist ætla að
taka málið upp í fjárlaganefnd.
Vaxtatekjur
hærri en
fjárveitingar
Fjármögnun snjóflóðavarna óheimil
Morgunblaðið/Kristján
Vörn Varnargarður við Siglufjörð
Allt til reiðu
» Magnús Jóhannesson, for-
maður stjórnar ofanflóða-
nefndar, segir Ofanflóðasjóð
vel í stakk búinn til að fjár-
magna framkvæmdir á Ísafirði
og Norðfirði. Hins vegar þurfi
heimild í fjárlögum til.
» Að sögn mannvirkjastjóra
Fjarðabyggðar væri hægt að
hefja framkvæmdir í vor, yrði
ráðist í útboð á næstunni.
Rúnar Pálmason
runarp@mbl.is
Kostnaður Reykjavíkurborgar
vegna frágangs við lóð tónlistar- og
ráðstefnuhússins Hörpu á þessu og
næsta ári er áætlaður 286,8 milljónir
króna. Borgarráð samþykkti út-
gjöldin á fundi sínum í liðinni viku.
Framkvæmdirnar eru skýrðar í
bréfi frá Hrólfi Jónssyni, sviðsstjóra
framkvæmda- og eignasviðs borgar-
innar, til borgarráðs. Þar kemur
fram að Reykjavíkurborg hafi samið
um að borgin beri kostnað af gerð
gatna og gangstíga utan lóðar
Hörpu og einnig innan lóðar, að því
leyti sem um er að ræða almennings-
rými og tengingar við gatna- og
göngustígakerfið.
Kostnaður borgarinnar vegna
ólokinna framkvæmda utan lóðar er
áætlaður 100 milljónir króna og
kostnaður innan lóðar er 123,5 millj-
ónir króna, samtals 223,5 milljónir.
Samkvæmt samningi við
Austurhöfn tekur Reykjavíkurborg
einnig þátt í kostnaði við gerð
Reykjatorgs með greiðslu upp á 110
milljónir á verðlagi árið 2004. Fyrri
helmingur þeirrar fjárhæðar var
greiddur í júlí 2008 og nú mun borg-
in greiða 60% af síðari hlutanum,
ásamt verðbótum. Þessi upphæð er
nú 63,3 milljónir króna, með virðis-
aukaskatti. Tæplega 40 milljónir
munu því bætast við þannig að
kostnaður verður um 325 milljónir.
Í bréf Hrólfs kemur fram að í
fjárhagsáætlun eignasjóðs borgar-
innar fyrir árið 2010 er gert ráð fyrir
180 milljónum til framkvæmda
vegna Hörpu. Heildarkostnaður
samkvæmt ofangreindu er hins veg-
ar 286,8 milljónir og því þurfi að
gera ráð fyrir allt að 106,8 milljónum
í fjárhagsáætlun fyrir árið 2011.
Borgin greiðir 290 milljón-
ir vegna lóðar við Hörpu
Morgunblaðið/Ómar
Rúmt Pláss verður fyrir 1.800
gesti í stóra salnum í Hörpu.
Frágangur utan
lóðar og innan
Harpa rís
» Samkvæmt síðustu útreikn-
ingum sem birtir voru á vegum
Austurhafnar nemur kostnaður
við tónlistar- og ráðstefnuhúsið
Hörpuna 27,5 milljörðum króna.
» Harpa er að 54% í eigu ríkis
og 46% í eigu borgar.
» Hörpu á að opna 4. maí
2011.
Ingi R. Jóhannsson
skákmeistari og lög-
giltur endurskoðandi,
er látinn 73 ára að
aldri.
Ingi var fæddur 5.
des. 1936, en for-
eldrar hans voru Jó-
hann Pétur Pálmason
múrari og sjómaður
og Ólafía Ingibjörg
Óladóttir verkakona.
Ingi tók versl-
unarpróf og nam síð-
ar endurskoðun.
Hann fékk löggild-
ingu sem endurskoð-
andi árið 1968.
Ingi starfaði í upphafi starfsferils
síns í Búnaðarbankanum og Verzl-
unarbankanum en um 1958 hóf hann
að starfa við endurskoðun hjá End-
urskoðendaskrifstofu Björns Stef-
fensen og Ara Ó. Thorlacius. Hann
varð meðeigandi að stofunni, en hún
breytti síðar um nafn og hét þá Lög-
giltir endurskoðendur og enn síðar
Endurskoðunarstofan Deloitte.
Ingi hóf ungur að tefla skák og
var um tíma í fremstu röð Íslend-
inga á því sviði.
Hann varð Íslands-
meistari fjórum sinn-
um, 1956, 1958, 1959
og 1963. Hann varð
skákmeistari
Reykjavíkur sex
sinnum á árunum
1954-1961 og árið
1961 varð hann skák-
meistari Norð-
urlanda. Ingi keppti
margsinnis á alþjóð-
legum skákmótum,
þar á meðal ólympíu-
mótum í skák.
Eftir að Ingi hóf
að starfa sem endurskoðandi gaf
hann sér minni tíma til að sinna
skáklistinni, en hann tefldi og spil-
aði bridds í mörg ár. Hann var í
kjörstjórn á Seltjarnarnesi í mörg
ár.
Eftirlifandi eiginkona Inga er
Sigþrúður Steffensen (f. 14. febr.
1930) húsmóðir og bankastarfs-
maður. Þau eignuðust þrjú börn,
Björn Inga sem lést 1968, Árna sem
er matvælafræðingur og Sigríði
Ingibjörgu alþingismann.
Andlát
Ingi R. Jóhannsson
Flutningabifreið lenti aftan á jeppakerru á Holtavörðu-
heiði í gærdag. Ekki urðu alvarleg slys á fólki en mikl-
ar umferðartafir urðu á heiðinni þar sem flutningabíll-
inn var þversum á veginum. Flytja þurfti tækjabúnað
upp á heiðina til þess að færa flutningabílinn. Töluverð
umferðarteppa myndaðist þar í kjölfar óhappsins og
langar bílaraðir. Talsverður snjór og hálka var á heið-
inni.
Morgunblaðið/Sigurður Ægisson
Óhapp og umferðartafir á Holtavörðuheiði